2 Samuel 7:26 - Biblia Enxet

²⁶ ¡Kólteméssesek sa' chá'a eyeymáxkoho apwesey, exénakpok sa' chá'a Wesse' ekha apyennaqte, apteme Israel Dios apagkok! ¡Megkamassegwomek sa' aptamhéyak apkelwesse'e m'a aptawán'ák neptámen nak David, ko'o sektáha nak apkeláneykha, eñama exchep apkelmasma!

2 Samuel 7:26 ပူးပေါင်းရင်းမြစ်များ

Génesis 17:18

Keñe axta aptáha apcháneya Dios se'e: —¡Tásek eyke aqsa epasmok ma'a Ismael!

2 Samuel 7:25

“Dios, Wesse' egegkok, elána sa' kaxwók meyke néxa m'a séltennassama axta ko'o hélanaksek, ko'o sektáha apkeláneykha, tén han étawán'ák netámen, hélanés sa' apxeyenma axta hélanaksek.

1 Reyes 18:36

Wokmek axta yaqwánxa ewatnek, apyepetchegwákxók axta Dios appeywa aplegasso Elías ma'a, axta aptáhak apkelmaxneya s'e: “¡Wesse', Dios apagkok nak Abraham, Isaac tén han Israel: yána kólya'ásegwók sakhem apteme exchep Dios apagkok ma'a Israel, keñe han sektáha ko'o exchep apkeláneykha, keñe han sélana ekyókxoho s'e, hakte xép apkeltémo!

1 Reyes 18:37

¡Heyátegmowák sa' Wesse' egegkok; heyátegmowák sa', yaqwayam sa' elya'asagkohok apteme exchep Dios se'e énxet'ák nak, tén han apkeláneyáncha'a exchep elyo'ókxak makham!”

Salmos 115:1

Wesse', ná hentemésses negko'o néleymáxkoho, xép akke payhawók kólteméssesek apcheymákpoho, ¡eñama segásekhayo tén han apteme ekmámnaqsoho mehegyenyaweykha!

Salmos 61:7

etnehek sa' chá'a wesse' apwányam yetlo appasmo exchep. Etaqmelches sa' yetlo apchásekhayo, tén han meyenyaweykha;

Salmos 89:36

etnahagkok sa' chá'a kelwesse'e apkelwányam apyaqmagkasso m'a aptawán'ák neptámen meyke néxa, megkamassegwánxa nak makham ekhem.