2 Samuel 6:12 - Biblia Enxet

¹² Xama axta kéltennásencha'a wesse' apwányam David appasmoma chá'a Wesse' egegkok ma'a Obed-edom apketchek, tén han ekyókxoho aqsok apagkok, apya'aweykxeyk axta David, yetlo ekyawe ekpayheykekxa apwáxok axta han apwákxak Obed-edom apxagkok ma'a Dios yántéseksek apagkok, apsákxo m'a David Tegma Apyawe Apagkok.

2 Samuel 6:12 ပူးပေါင်းရင်းမြစ်များ

2 Samuel 5:7

Apmeyk axta eyke David xa tegma apyennaqte nak Sión, cham'a apkeltamhomakpexa nak kaxwók David Tegma Apyawe apagkok.

1 Reyes 8:1

Apchánchesákxeyk axta Salomón apkelámha apmonye'e Israel ma'a Jerusalén, tén han ma'a apyókxoho apkelámha apmonye'e nepyeseksa énxet'ák apagkok, tén han ma'a apkelámha apmonye'e nak chá'a apxanák ma'a israelitas, yaqwayam esakxak Wesse' egegkok yántéseksek apagkok ekhémo mók nélpaqhetchásamáxkoho, eñama m'a Sión, cham'a Tegma Apyawe apagkok axta m'a David

1 Reyes 8:3

Apkelwákxeyk axta apyókxoho apkelámha apmonye'e nak Israel, keñe axta apkelmaxnéssesso Dios énxet'ák apagkok apma m'a yántéseksek,

1 Reyes 8:4

keñe axta apsákxo yetlo m'a kélpakxanma apchaqneykekxexa axta chá'a énxet'ák, keñe han ma'a ekyókxoho aqsok kélmeykegkaxa élpagkanamaxche ekhéyak axta m'a kañe', apkelsawa axta m'a apkelmaxnéssesso Dios énxet'ák apagkok tén han ma'a levitas.

1 Crónicas 15:15

Yámet axta eyke apkelatchásak chá'a nekhaw'ék appatmékxo, cham'a apkeltémókxa axta etnahágkok ma'a Moisés, Wesse' egegkok axta eyke ektáha chá'a apkeltémo etnehek.

1 Crónicas 15:25

Keñe axta m'a David, tén han apkelámha apmonye'e nak Israel, keñe han ma'a sẽlpextétamo apkelwesse'e apagkok nak, apkelxega yetlo élpayheykekxa apkelwáxok apwákxo yántéseksek ma'a Obed-edom apxagkok, cham'a yántéseksek ekhémo mók nélpaqhetchásamáxkoho Wesse' egegkok.

1 Crónicas 16:16

cham'a ekhémo mók apkelpaqhetchásamákpoho apméssama axta m'a Abraham, apteméssessama axta naqsók elanaksek ma'a Isaac

1 Crónicas 26:4

Obed-edom axta apketchek se'e: Semaías axta átnaha apketkok; Jozabad axta aptétéyak; Joah; Sacar; Natanael;

1 Crónicas 26:5

Amiel; Isacar, keñe han Peultai. Hakte appasmomchek axta Dios Obed-edom apkelméssama apxámokma apketchek.

2 Crónicas 5:2

Apchánchesákxeyk axta Salomón apkelámha apmonye'e Israel ma'a Jerusalén, tén han ma'a apyókxoho apkelámha apmonye'e nepyeseksa énxet'ák apagkok, tén han ma'a apkelámha apmonye'e nak chá'a apxanák ma'a israelitas, yaqwayam esakxak Wesse' egegkok yántéseksek apagkok ekhémo mók nélpaqhetchásamáxkoho, eñama m'a Sión, cham'a Tegma Apyawe apagkok axta m'a David.