2 Samuel 5:20 - Biblia Enxet

²⁰ Apwokmek axta David ma'a Baal-perasim, keñe apmenxena m'a. Axta keñamak aptáha s'e: “Emeykessásekxeyk ko'o nepyeseksa sélenmexma m'a Wesse' egegkok, ektémól'a yegmen ényé.” Apteméssessek axta han ekwesey Baal-perasim xa yókxexma nak.

2 Samuel 5:20 ပူးပေါင်းရင်းမြစ်များ

2 Samuel 19:9

Apkelpaqmetchek axta han apyókxoho énxet'ák Israel, aptáha chá'a apxéna s'e: “Ẽlmallahanchessegkek axta negko'o wesse' apwányam David, apmáheyo hẽlmok filisteos; Absalón axta eyke keñamak apteyapma negókxa'.

1 Crónicas 14:11

Apmahágkek axta David ma'a Baal-perasim, keñe apmenxena m'a. Axta keñamak aptáha s'e: “Emeykessásekxeyk ko'o nepyeseksa sélenmexma m'a Dios, ektémól'a yegmen ényé.” Keñe kélteméssesa ekwesey Baal-perasim xa yókxexma nak.

Salmos 60:1

Oh Dios, aplo keñamak xép segkexakhama negko'o, nekha'a egketkók enteméssessók; ¡hentemessásekxa kaxwo' senteméssessamakxa axta nano'!

Isaías 28:21

Sa' etnehek elának aqsok Wesse' egegkok ma'a aptémakxa axta egkexe Perasim, sa' etnehek elwok ma'a aptémakxa axta aplama m'a ekyapwátegweykenxa nak xóp Gabaón, yaqwayam sa' elának ma'a aqsok apmáheyo nak elána', magweteya nak, yaqwayam sa' epenaksek ma'a aqsok apkelane, aqsok apkelane magya'áseyak nak.

Habacuc 3:13

Apyaweykteyk xép yaqwayam epasmok énxet'ák apagkok, tén han ma'a wesse' apwányam apagkok apkelyéseykha axta exchep. Apketsagkassessek xép néten apxanák ma'a énxet'ák élmasagcha'a nak apkeltémakxa, yáxña'akxoho apnegkencháseykxak ma'a meteymog apowhók nak tegma.