2 Samuel 5:2 - Biblia Enxet

² naqsók axta eykhe apteme wesse' apwányam egagkok ma'a Saúl, xép axta eyke apnaqlo chá'a énxet'ák Israel ma'a kempakhakma. Apkeltennassegkek axta han Wesse' egegkok yaqwayam etnehek xép apnaqleykha tén han apkeltaqmelchesso m'a énxet'ák Israel.”

2 Samuel 5:2 ပူးပေါင်းရင်းမြစ်များ

Génesis 49:24

apmeyhek eyke m'a José, meyawhesha chá'a yágke apagkok; ¡Jacob Dios apagkok apyennaqte keñamak apteméssesso!, ¡apkeláneykha nepkések apwesey keñamak, cham'a apmasma nak ma'a Israel!

2 Samuel 6:21

Apchátegmowágkek axta David: —Naqso'; eknéweyha exchek ko'o, nápaqtók Wesse' egegkok akke, sélyéseykha axta ko'o yaqwayam ayaqmagkasek ma'a yáp axta, tén han ma'a ekyókxoho námakkok nak xeye', yaqwayam atnehek sémha emonye' nepyeseksa m'a énxet'ák apagkok nak Israel. Cháxa keñamak seknéweyncha'a nak ko'o nápaqtók ma'a.

2 Samuel 7:7

Axta ko'o almaxneyeykha apkelámha apmonye'e apagkok sekteméssessama axta apkeltaqmelchesso m'a énxet'ák ahagkok Israel, hélanaksek xama tegma aptaqmalma apkelánamap nak yámet cedro, neyseksa sekpaxqeykha ko'o.’

2 Samuel 7:8

Etne sa' yának David apteme nak ko'o séláneykha sektáha seyáneya s'e, sektáha nak Wesse' ekha sekyennaqte: ‘Ko'o axta sektekkesso m'a apkelyáqtamakxa axta nepkések, keñe han sélwátessessama apkelyetleykha m'a nepkések, yaqwayam etnehek apkemha apmonye' apagkok ma'a énxet'ák ahagkok nak Israel;

2 Reyes 20:5

“Etaqhoho eltennássekxa makham Ezequías, apkemha apmonye' nak énxet'ák ahagkok: ‘Aptáhak Wesse' egegkok se'e, cham'a Dios apagkok nak ma'a apyáp nano' David: Ekleg'ak ko'o exchep apkelmaxnagko, ekwet'ak nahan ma'a apaqtégmenek. Eynnaqtéssók sa' makham, wokmek sa' agkok ántánxo ekhem, keñe sa' emyekxak makham ma'a Wesse' egegkok tegma appagkanamap apagkok.

1 Crónicas 11:2

naqsók axta eykhe aptéma wesse' apwányam ma'a Saúl, xeyep axta eyke chá'a exog apmonye'e énxet'ák Israel ma'a kempakhakma. Apxeyenmeyk axta exchep Dios Wesse' apagkok etnehek apnaqleykha tén han etnehek chá'a apkeltaqmelchesso m'a énxet'ák apagkok Israel.”

2 Crónicas 1:10

Hegkés sekya'áseyak tén han sekyekpelchémo yaqwayam altaqmelchesek ko'o s'e énxet'ák nak; hakte agkok ko'o hegkeyásak xa, ¡mowanchek alanha ko'o s'e énxet'ák apagkok apxámokma nak!”

Isaías 40:11

Máxa keláneykha nepkések aptáhak apkexyekmo apkeltaqmelchessól'a m'a nepkések apnaqtósso; apkelqeynánteyk ma'a nepkések apketkók, apkelpathetánteyk nahan, aptaqmelchásawók nahan chá'a apkeláneykha m'a kaxwe aptamhéyak nak apnaqláw'ák.

Isaías 55:4

Ekteméssessegkek axta ko'o apkemha apmonye' tén han apkelxekmowáséyak chá'a énxet'ák ma'a, yaqwayam enxoho kañék chá'a ekwetamaxche m'a sekmowána.

Ezequiel 34:23

Wának sa' ko'o éxyamok makham ma'a séláneykha David, atnéssesek sa' ko'o wánxa xama keláneykha nepkések ma'a, sa' elánha m'a. Sa' etnehek apkeláneykha m'a.

Miqueas 5:4

Yempekxak sa' néten ma'a wesse' apwányam yaqwayam sa' eltaqmelchesek ma'a énxet'ák apagkok, yetlo apmopwána, tén han apcheymákpoho eñama nak apmésso m'a Dios Wesse' apagkok, exmakha sa' meyke élya'ásekhaxma m'a, hakte kólteméssesek sa' apcheymákpoho Wesse' egegkok, ekweykmoho m'a néxa xapop nak.

1 Samuel 13:14

Néxa sa' xép katnégwók ma'a aptémakxa nak wesse' apwányam. Etegyaha sa' Wesse' egegkok xama énxet ekleklamo apwáxok, etnéssesek sa' apkemha apmonye' m'a énxet'ák apagkok, hakte melyahákxak xép ma'a apkeltémókxa axta etnehek.

1 Samuel 16:1

Aptáhak axta Wesse' egegkok apcháneya Samuel: —¿Háxko sa' ekwánxa kamassegwók élapwayam eñama aptémakxa m'a Saúl? Maltamhók ko'o elenxanmagkohok apteme wesse' apwányam Israel ma'a. Exeg, eyátawakxa pexmok égmenek apyeta nak chá'a, éltamhók ko'o emhagkok xép ma'a Jesé apxagkok, apha nak Belén, hakte élyesáha ko'o yaqwayam etnehek wesse' apwányam xama apketche m'a.

1 Samuel 18:13

Axta keñamak aptekkessama m'a aphakxa nak, apteméssessama apkemha apmonye' sẽlpextétamo apxámokma, exog axta chá'a apmonye' ey'ammok kempakhakma, tén axta enaqlanták han chá'a.

1 Samuel 18:16

Apmenyeyk axta han apyókxoho énxet'ák Israel ma'a David, tén han ma'a Judá, hakte axta apnaqlo chá'a ey'ammok kempakhakma, keñe enaqlanták han chá'a.

1 Samuel 18:5

Tásek axta chá'a katnehek ekteyapma ekyókxoho aqsok apkelanakxa enxoho m'a David, apkeltamhókxa enxoho chá'a elának ma'a Saúl, axta keñamak apteméssessama apkemha apmonye' apagkok ma'a kempakhakma yapmeyk. Leklamók axta han apkelwáxok apyókxoho sẽlpextétamo, keñe han ma'a sẽlpextétamo apkelwesse'e apagkok axta m'a Saúl.

1 Samuel 25:28

tén han heyásekhekxohok ko'o, sektáha nak xép apkeláneykha. Naqsók sa' memasséssemek xép apteme wesse' apwányam ma'a Wesse' egegkok, ekweykekxoho m'a aptawán'ák neptámen, hakte apkelnápomákpek xép kempakhakma apagkok ma'a Wesse' egegkok, meñegkók sa' xép xama aqsok ekmaso neyseksa apha makham.

1 Samuel 25:30

Apkelanak sa' agkok Wesse' egegkok ma'a ekyókxoho aqsok éltaqmela apkeltennassama axta exchep, apteméssesa enxoho apkemha apmonye' m'a Israel,

1 Samuel 9:16

“Saka sa' wáphássesek xama énxet apkeñama yókxexma Benjamín, keso ekwánxa nak ekhem, peya sa' epagkanek xép yaqwayam etnéssesek apkemha apmonye' apkeltaqmelchesso énxet'ák ahagkok Israel. Sa' elmallahanchesek neyseksa apkelma m'a filisteos, hakte apyósekak ko'o sélányo m'a énxet'ák ahagkok, seklegaya sewóneykha apkeltémo apasmok.”