2 Samuel 4:6 - Biblia Enxet

⁶ Kelyésaha axta han hótáhap apaktek éltaqmalma éxakkasa aphopák ma'a kelán'a éláneykha axta chá'a átog, teyenwokmók axta han eknakxakxa', axta keñamak apkepwagko aptaxna Recab yetlo apepma Baaná, meyke ekweteykegkoho.

2 Samuel 4:6 ပူးပေါင်းရင်းမြစ်များ

2 Samuel 2:23

Axta eyke elwátéssekmok apyaqmasso m'a Asael, keñe Abner apkelyetxaqkasa apwokmo naw'a apakxak sawhéwa apagkok, mallahanwokmók axta han, cha'a apketsapakxa axta han Asael ma'a. Keñe m'a apyókxoho ektáha axta apkelwayam ekpayhókxa apketsapakxa Asael, apchaqnágwokmek axta apkelanawo.

2 Samuel 20:10

Axta han eláneyha Amasá apmeyncha'a sókwenaqte apagkok ma'a Joab. Apkelyetxaqkassek axta apwokmo, pallénteyk axta náxop ekhéyak apwáxok. Apketsekkek axta han meyke apkelyetxeykxoho makham Joab. Keñe axta Joab tén han apyáxeg Abisai, apkelchampákxo makham apkemhéyak ma'a Sebá, Bicrí axta apketche.

2 Samuel 3:27

Xama axta apwákxo Abner ma'a Hebrón, apya'ássek axta Joab nekha átog nak tegma apwányam, yaqwayam epaqhetchesek apxakko', cha'a apchaqhakxa axta han apkelyetxaqkasa apwokmo m'a, yaqwayam exnésseshok mók apchaqhássesso m'a apyáxeg Asael.

2 Samuel 4:2

Yetneyk axta han Is-bóset apqánet énxet apkeláneykha apkelámha apmonye'e apkelmenyexma. Baaná axta apwesey xama, tén axta Recab ma'a pók. Rimón axta apketchek, apkeñama axta m'a Beerot, Benjamín axta aptawán'ák neptámen, hakte Benjamín énxet'ák apagkok axta han kélteméssessók ma'a apheykha nak Beerot,

Jueces 3:26

Apkenyeyk axta han Ehud apkelyentamákpoho apkelhaxnakxa etyapok wesse' apagkok ma'a énxet'ák, xama axta apyeykhágweykxo élaqneykegkaxa axta kéleykmássesso m'a Guilgal, keñe apyexánegwákxo m'a yókxexma nak Seirat.