2 Samuel 4:11 - Biblia Enxet

¹¹ ¡Sa' atnéssesek han kéxegke xa ektáha nak, élmasagcha'a nak kéltémakxa', kélaqha nak xama énxet meyke aptémakxa neyseksa apteyenma m'a kañe' apxagkok nak! ¡Axnésseshok sa' ko'o mók eñama kélaqhe m'a! ¡Amasséssók sa' kéxegke keso nélwanmégkaxa'!

2 Samuel 4:11 ပူးပေါင်းရင်းမြစ်များ

Génesis 4:11

Etaqnaweykpok sa' xép kaxwo', kóltekkesek sa' se'e xapop nak, ekyássesakxa nak éma apagkok apyáxeg, cham'a apchaqha exchek xép.

Génesis 6:13

aptáhak axta apcháneya Noé s'e: “Peyk ko'o amasséssók apyókxoho énxet, cha'a keñamak ekxámokma nak negyennaqteyáseykha egyempehek keso náxop, amasséssók sa' ko'o xa, tén han ma'a ekyókxoho yókxexma nak keso náxop.”

Génesis 7:23

Wánxa axta aqsa Noé megyetsapa, tén han ma'a ekyókxoho aqsok élántaxnamo xamók kañe' yántakpayhe, keñe m'a nekha nak, sawhéxkók axta ekmassegwokmo, cham'a énxet, aqsok nawha'ák megkalmeymentakcha'a nak, tén han ma'a náta élchampeykegko nak néten, tén han ma'a aqsok nawha'ák élpexyaweykegkoho nak náxop,

2 Samuel 16:8

¡Wesse' egegkok aplegassásegkohok xép ekyaqmageykekxa m'a ekyókxoho aqsok ekmaso apkelane, apteméssessamakxa m'a Saúl apnámakkok, yaqwayam eyaqmagkasek apteme wesse' apwányam! ¡Absalón kaxwók apmeyásekxak Wesse' egegkok ma'a aptémakxa nak wesse' apwányam, cham'a apketche nak xép, sexnenakkek aptémakxa exchep, hakte ekyetno apyógkexma'!

2 Samuel 3:27

Xama axta apwákxo Abner ma'a Hebrón, apya'ássek axta Joab nekha átog nak tegma apwányam, yaqwayam epaqhetchesek apxakko', cha'a apchaqhakxa axta han apkelyetxaqkasa apwokmo m'a, yaqwayam exnésseshok mók apchaqhássesso m'a apyáxeg Asael.

2 Samuel 3:39

Cháxa keñamak sekyelqáxko nak ko'o sekwet'a aptamhágkaxa m'a Seruiá étchek apkello nak, sektáhakxoho eykhe ko'óxa wesse' apwányam, Dios axta sélyéseykha. ¡Wesse' egegkok sa' eñássesagkohok ektáha nak apkelane s'e aqsok ekmaso nak!

1 Reyes 2:32

Wesse' egegkok sa' yának kaphewakxak apsexnánémap apagko' emátog ma'a Joab, hakte apkelnapmeyk axta Joab apqánet énxet meyke apkeltémakxa, tén han megkaxnémo axta aptémakxa, meyke apya'áseyak ma'a táta: cham'a Abner, Ner axta apketche, apteme axta apkemha apmonye' sẽlpextétamo israelitas, tén han Amasá, Jéter axta apketche, apteme axta apkemha apmonye' sẽlpextétamo m'a Judá.

Salmos 109:15

kaxének sa' nahan chá'a apwáxok Wesse' egegkok aptémakxa m'a, emasséssesek sa' apxénamap keso náxop.

Salmos 9:12

Kaxénhok chá'a apwáxok Dios ma'a ekyentaxnamo nak apheykha, megkalwagqámhek ma'a ektémakxa nak apkellekxagweykha; ellegássesagkohok chá'a m'a apkelyennaqteyáseykha nak chá'a apyempe'ék apnaqtawáseykegkoho.

Éxodo 21:12

“Énxet ektáhakxa enxoho apyensasso pók tén han apchaqhe, yánékpok sa' ematñekxa'.

Éxodo 9:15

Kaxtemék ko'o sélenxanmeykegkoho sekxekmósso sekmowána tén han seklegassáseykegkoho exchep, tén han ma'a énxet'ák apagkok seyheykekxa chá'a m'a xama aqsok ekmaso nenlegeykegkoho nak, nanók axta kamassegwók kélwetamaxche keso náxop;

Proverbios 2:22

keñe sa' ma'a énxet'ák élmasagcha'a nak apkeltémakxa' kólmasséssók sa' apheykha keso náxop, kólántekkesek sa' han ma'a énxet'ák melya'assáxma nak.

Proverbios 25:26

Máxa ekyetnamakxa yegmen ekmaso tén han yámelchet ekyápaqmatél'a yegmen etnehek ma'a énxet meyke aptémakxa apchahamakpoho nak aqsa chá'a nápaqtók ma'a énxet ekmaso nak aptémakxa'.

Jeremías 10:11

(Énxet'ák Israel, kólteme kólának énxet'ák melya'áseyak nak Dios se'e: “Aqsok kéláyókxa, megkatnaha nak élane néten, tén han xapop, kalmassegwók sa' keso náxop; megkeymaxcheyk sa' xama enxoho s'e kóneg yaphope nak.”)

Habacuc 1:12

Wesse' egegkok, aphegkek xép meyke néxa', Dios ahagkok appagkanamap, apteme nak megyetsapma. Wesse', apteme nak semasma, apméssegkek xép apkelyennaqte caldeos, yaqwayam enxoho ellegássesagkohok énxet'ák eñama apkeltémo exchep.

Habacuc 1:4

Megkalánamáxchek ma'a ektémakxa nak chá'a segánamakxa, kelyeykhamaxchek aqsa m'a ekpayhawo nak antéhek, apnaqtawáseykegkók chá'a élmasagcha'a nak apkeltémakxa m'a éltaqmalma nak apkeltémakxa, apkelyetnakhásseykmek ma'a ekpéwomo nak nentémakxa.