2 Samuel 3:1 - Biblia Enxet

¹ Ahóxek axta apkelnápomap Saúl apkelxegexma'a m'a David nak apkelxegexma'a, chánteykegkek axta aqsa han apkelyennaqte m'a David apkelxegexma'a, keñe axta Saúl apkelxegexma'a ekweyweykento apkelyennaqte.

2 Samuel 3:1 ပူးပေါင်းရင်းမြစ်များ

Génesis 3:15

Énmexma sa' kaxwók xeye' atnéssesek kelán'a, kawakxohok sa' han ma'a étkok nak xeye', kalenmexek sa' ma'a atawán'ák nak kelán'a, katchágkasek sa' chá'a akqátek, tén sa' xeye' kateyxchesek chá'a apáhak.

2 Samuel 2:17

Asagkók agko' axta apkelnápomap xa ekhem nak, apyaqmásekpek axta m'a Abner, tén han ma'a sẽlpextétamo Israel, David sẽlpextétamo apagkok axta apmenxenak.

2 Samuel 2:28

Yetlókok axta apkeltémo kólpáwaksek Joab ma'a kélaqkahasso, keñe axta apchaqnágwokmo m'a apyókxoho énxet'ák, apkelwáteságkek axta apmenxenma m'a israelitas, tén han apkelnápomap.

2 Samuel 22:44

Emallahanchessegkek axta nepyeseksa m'a énxet'ák apkelnápomákpo axta chá'a énxet'ák ahagkok, etnéssessegkek axta aqsa makham sémha emonye' nepyeseksa m'a pók aptémakxa énxet'ák, éltemessáseykha axta ko'o m'a énxet'ák megkatnaha nak sélweteykxa'.

2 Samuel 3:6

Chánteykegkek axta aqsa apyennaqte Abner nepyeseksa m'a Saúl axta apkelxegexma'a, neyseksa megkamassegwayam kempakhakma nepyeseksa m'a Saúl axta apkelxegexma'a, tén han David.

2 Samuel 5:10

Yágweykmók axta apteme ekha kéláyo m'a David, aphegkek axta han xamo' ma'a Wesse', Dios ekha nak apyennaqte.

1 Reyes 14:30

Axta kamassegweykmok apkelnápomap Roboam ma'a Jeroboam.

1 Reyes 15:16

Axta kamassegweykmok apkelnápomap Asá m'a Baasá, wesse' apwányam axta m'a Israel.

1 Reyes 15:32

Axta kamassegweykmok apkelnápomap Asá m'a Baasá, wesse' apwányam axta m'a Israel.

1 Crónicas 11:9

Yágweykmók axta apteme ekha kéláyo m'a David, hakte Wesse' egegkok ekha apyennaqte axta apxegexma chá'a m'a.

1 Crónicas 3:1

Keso David apketchek appalleyam axta m'a yókxexma Hebrón: Amnón axta átnaha apketkok, étche axta m'a Ahinóam, eñama axta Jezreel; tén axta aptétéyak ma'a Daniel, Abigail axta étche, eñama axta Carmel;

Ester 6:13

Apkeltennáseyha axta nahan aptáwa' tén han apnámakkok ekyókxoho m'a ektáhakxa apweynchámeykha, tén axta m'a aptáwa' tén han apyókxoho apnámakkok aptáha apcháneya s'e: —Naqsók sa' agkok judío m'a Mardoqueo. Mopwanchek sa' chá'a etnessásekxak kóneg, méko sa' chá'a elának xép nápaqtók ma'a.

Ester 9:4

hakte énxet ekyawe kéláyo axta aptemék kaxwók Mardoqueo m'a wesse' apxagkok nak. Sawheykekxók axta nahan apxénamáp ma'a ekyókxoho kañe' apchókxa. Chánteykegkek axta aqsa nahan apteme ekha kélyeheykekxoho.

Job 17:9

Elxének chá'a aptamhéyak ekpéwomo apkeltémakxa, tén han melánéyak aqsok ekmaso.

Job 8:7

Megkaxók sa' ekwánxa axta ekxámokma aqsok apagkok peya nak étak natámen xa, kayeykhágwomhok sa'.

Salmos 18:43

Emallahanchessegkek axta nepyeseksa m'a énxet'ák sénmexeykha axta chá'a, sémha emonye' axta etnéssessók ma'a nepyeseksa nak pók aptémakxa énxet'ák, éltemessáseykha axta ko'o m'a énxet'ák megkatnaha nak sélweteykxa'.

Salmos 46:9

apmasséssekmek kempakhakma, ekweykmoho m'a néxa xapop nak keso nélwanmeygkaxa; apkelekkexchek ma'a yágke, nekha'a étkók aptemessásak ma'a sawhéwa, ¡apkelwatnékxeyk ma'a yátnáxeg apkelyenyawasso apkenchesso nak kempakhakma!

Salmos 84:7

kántagkok sa' aqsa apkelyennaqte neyseksa apkelxega, elwetágwók sa' Dios meyke ekhémo m'a Sión.