2 Samuel 24:18 - Biblia Enxet

¹⁸ Apya'awekxeyk axta Gad ma'a David, cháxa ekhem nak, apkeltamhók axta elanaksek xama aqsok ekwatnamáxchexa apagkok ma'a Wesse' egegkok, cham'a apkexakkassamakxa axta chá'a apyempe'ék hótáhap apaktek ma'a Arauna, apteme nak jebuseo.

2 Samuel 24:18 ပူးပေါင်းရင်းမြစ်များ

Génesis 50:10

Xama axta apkelwokmo m'a Goren-ha-atad, ekpayho nak ketók ma'a wátsam Jordán, apkellekxagweyha axta makham élxéna apkelwáxok ma'a Jacob. Siete ekhem axta weykmok élapwayam José, eñama apketsapma apyáp xa yókxexma nak.

2 Samuel 24:11

Keñe axta mók ekhem, apxatakha'a m'a David, keñe Wesse' egegkok aptáha apcháneya m'a aplegasso axta appeywa Gad, apwetayo axta chá'a aqsok, apkeláneykha axta m'a David:

2 Samuel 24:19

Apkelanak axta David ma'a apkeltamhókxa axta elának Gad, apkeltémo axta eltennaksek ma'a Wesse' egegkok.

2 Crónicas 3:1

Apcheynamók axta apkelánesso Salomón Wesse' egegkok tegma appagkanamap apagkok ma'a Jerusalén, cham'a egkexe nak Moria, apxekmowásamákpexa axta Wesse' egegkok ma'a David, apyáp axta, cham'a apkelyessáseykegkaxa axta yaqwayam étek ma'a David, apkexakkassamakxa axta chá'a apyempe'ék hótáhap apaktek ma'a Ornán, apteme axta jebuseo.

Zacarías 9:7

Alhexyawássesek sa' apatña'ák ma'a ápetek apteykegko nak yetlo éma, tén han élmasqapma nak apma'ák ma'a nento ekmeyamáxkoho nak antók. Yetneyk sa' eyke chá'a pók xam'a apkeleymomap yaqwayam atnehek ko'o ahagkok xa énxet'ák nak; Judá énxet'ák sa' nahan etnahagkok, keñe sa' ma'a énxet'ák Ecrón etnahagkok máxa jebuseos.