2 Samuel 24:17 - Biblia Enxet

¹⁷ Xama axta apwet'a David Wesse' egegkok apchásenneykha apkellegassásegkoho axta m'a énxet'ák, aptáhak axta apcháneya Wesse' egegkok se'e: —¡Ko'o sélane may'assáxma! ¡Ko'o sélsexnenagko! ¿Yaqsa eyke aqsok ekmaso apkelánegko xa meyke nak apkeltémakxa'? ¡Ko'o eyke tásek heñássesagkoho', tén han ma'a énámakkok!

2 Samuel 24:17 ပူးပေါင်းရင်းမြစ်များ

Génesis 18:23

apyepetchegwokmók axta m'a. Aptáhak axta apkelmaxneyáncha'a s'e: —¿Emasséssóya sa' meyke nak apkeltémakxa, yetlo m'a élmasagcha'a nak apkeltémakxa?

Génesis 44:33

Hexneyásekxa ko'o yaqwayam atnehek apchásenneykha naqsa, sekyaqmagkasso m'a wokma'ák nak. Yána elyetlakxak apkelpepma m'a.

2 Samuel 12:13

Keñe axta David aptáha apcháneya Natán: —Éláneyak ko'o may'assáxma nápaqtók Wesse' egegkok. Keñe axta Natán aptáha apchátegmowágko: —Meñássesagkók sa' eyke exchep Wesse' egegkok aptémakxa mey'assáxma, megyetsepek sa' han.

2 Samuel 24:10

Chaqhak axta apwáxok David eyesagko aptáhakxa apnaqtáxésagko apkelwesey weykcha'áhak, keñe axta aptáha apkeltennasa Wesse' egegkok se'e: —Élanak ko'o ekyawe agko' may'assáxma sélana xa aqsok nak. Wesse' ahagkok, éltamhók eyke ko'o heyásekhekxohok makham neyseksa sélane xa aqsok ekmaso nak, ko'o sektáha nak xép apkeláneykha, asagkek ko'o sektáhakxa, máxa ektáhak ma'a énxet ekyeyháxmal'a.

2 Samuel 7:8

Etne sa' yának David apteme nak ko'o séláneykha sektáha seyáneya s'e, sektáha nak Wesse' ekha sekyennaqte: ‘Ko'o axta sektekkesso m'a apkelyáqtamakxa axta nepkések, keñe han sélwátessessama apkelyetleykha m'a nepkések, yaqwayam etnehek apkemha apmonye' apagkok ma'a énxet'ák ahagkok nak Israel;

1 Reyes 22:17

Keñe axta Micaías aptáha s'e: “Ekweteyak ko'o apyókxoho israelitas apkexpaqneykencha'a m'a egkexe nak, máxa m'a nepkések meykel'a éltaqmelchesso. Aptemék han Wesse' egegkok apkelxeyenma s'e: ‘Méko wesse' apagkok xa; tásek eltaqhekxak aqsa apxanák yetlo meyke ektáhakxa apkelwáxok.’”

Job 42:6

Cháxa keñamak sekmegqágwokmo nak ko'o eñama m'a sektémakxa axta chá'a sekpeywa, tén han sekhama náxop tén han neyseksa táhap.

Job 7:20

Élanak agkok ko'o may'assáxma, megkatnéssessamók exma ekmaso exchep, apkeláneykha nak chá'a énxet'ák. ¿Yaqsa ektéma sepeykessamo nak chá'a ko'o semakte yágke apagkok? ¿Ekyentaxnéssegkeya ko'o apha exchep?

Salmos 32:5

Éltennássek axta eyke ko'o exchep may'assáxma meyke seyáyam xama enxoho, tén han sektémakxa ekmaso; xénchek axta ko'o ewáxok altennaksek may'assáxma, keñe axta exchep, Wesse', meyaqmagkásekxo.

Salmos 44:11

Máxa nepkések entemessásak sẽlmésa kélnaqleykekxal'a aptekyómakxa; ẽxpánchessek sẽlya'asa nepyeseksa m'a énxet'ák melya'áseyak nak xép;

Salmos 74:1

Oh Dios, ¿yaqsa ektéma segkexakhama apagko' nak? ¿Yaqsa ektéma apkeltaqnaweykegko nak xép ma'a nepkések apkelleykha nak yókxexma apagkok?

Salmos 78:71

apkelwátéssessegkek axta apkeláneykha nepkések apnaqtósso, yaqwayam enxoho elánesha m'a énxet'ák apagkok, yaqwayam etnehek apkeltaqmelchesso énxet'ák Israel.

Éxodo 10:16

Keñe axta faraón apkeltamho kólnaqlósawakxések ekpekhe agko' ma'a Moisés tén han Aarón. Aptáhak axta apkeláneya s'e: —Élanak ko'o may'assáxma nápaqtók Dios Wesse' kélagkok, tén han kélnápaqta'awók kéxegke,

Isaías 6:5

Keñe axta ektáha élchetama ewáxok se'e: “¡Ko'o laye, watsapok sa'! Ekwet'ak ahaqta'ák ahagko' ma'a Wesse' Apwányam, cham'a Wesse' ekha nak apyennaqte; ko'o sekteme énxet ekteyapmól'a chá'a appeywa ekmaso, ekhegkek ko'o nepyeseksa m'a énxet'ák élánteyapmo nak chá'a apkelpaqmeyesma ekmaso.”

Jonás 1:12

—Hélyenyenta wátsam ekwányam, tén sa' kawanmeyekxak yegmen —axta aptáhak Jonás apchátegmowágko—. Ko'o keñamak xa éxchahayam ekyennaqte agko' nak, eyáhapwa'a nak kéxegke.

Zacarías 13:7

Aptáhak Wesse' ekha nak apyennaqte s'e: “¡Sókwenaqte, katnemekxa néten, kay'ám ma'a keláneykha nepkések ahagkok tén han ma'a sepasmeykha nak chá'a sektamheykha! ¡Kaqha m'a keláneykha nepkések, keñe sa' yexpaqnek ma'a nepkések, keñe sa' ko'o aktamagkok ma'a nepkések apketkók nak!

Números 16:22

Apkelháxahanteyk axta eyke ekwokmoho apkeltekxeya élpayhakxa nápaqta'a xapop ma'a. Aptáhak axta s'e: —Oh Dios, xép apteme apmésso apkelyennaqte apyókxoho énxet'ák. ¿Péya eltaqnaweygkok apyókxoho énxet, eñama apkelane mey'assáxma xama énxet?