2 Samuel 23:5 - Biblia Enxet

⁵ Cháxa keñamak melyenseykmo nak Dios ma'a étawán'ák nak ko'o, hakte élánéssegkek axta ko'o ekhémo mók nélpaqhetchásamáxkoho meyke néxa m'a, penchásamáxcheyk ektáxésamaxche', méko han kamasseksek. Élmallahancháseykegkek ko'o m'a, etekkessessegkek han ma'a ekyókxoho aqsok sekmámenyého.

2 Samuel 23:5 ပူးပေါင်းရင်းမြစ်များ

Génesis 9:16

Aptekkek sa' agkok chá'a pemhet ma'a neyseksa yaphope nak, keñe sa' ko'o sekwet'a enxoho, kaxénwakxohok chá'a ewáxok ekyetna ekhémo mók nélpaqhetchásamáxkoho sélánésso axta ko'o meyke néxa apyókxoho énxet, tén han ma'a ekyókxoho aqsok nawha'ák élleykha nak keso náxop.

2 Samuel 12:10

Megkamassegwomek sa' kaxwók xép apxagkok ma'a nentekyawa nak, hakte melyeheykekxak sekpeywa apmeykekxo aptéma aptáwa' m'a Urías axta aptáwa', apteme axta hitita.

2 Samuel 13:14

Axta eyke elyahákxak Amnón, apyennaqtéssek axta aqsa apyempehek apteméssessekmoho exma Tamar, hakte axta kaxnawo'.

2 Samuel 13:28

nanók axta han aptáha apkeláneya m'a apkeláneykha nak: “Kóltaqmelchesho sa' kélláneykha Amnón, eyaqha enxoho vino, éltamhók sa' agkok ko'o kólaqhek, kólaqha sa'. Nágkóle aqsa kóltéhek, hakte ko'o séltémo. Kólyennákxoho, nágkóleygwakxa'.”

2 Samuel 18:14

—Mowanchek ko'o aleyxek xép —axta aptáhak apchátegmowágko Joab; apkelmeyk ántánxo sawhéwa, apkelyetxaqkassek axta aphekhek Absalón neyseksa apmakheykha megyetsapakxa makham ma'a néten yámet ekyawe encina.

2 Samuel 7:12

wokmek sa' agkok néxa apha, apketsapa enxoho, atnéssesek sa' ko'o xama wesse' apwányam ma'a aptawán'ák neptámen nak xép, eynnaqtéssesek sa' aptémakxa nak wesse' apwányam.

2 Samuel 7:18

Keñe axta wesse' apwányam David aptaxna kañe' apkelpaqhetchásekpoho Wesse' egegkok. Aptáhak axta s'e: “Wesse' ahagkok, ¡megkapayhawok eykhe ko'o, megkapayhawok han ma'a énámakkok senteméssesa xa ektáha nak, hakte énxet'ák mékoho negko'o!

1 Reyes 1:5

Keñe m'a Adonías, David axta apketche tén han Haguit, apkelánékxeyk axta aptáhakxa yaqwayam yenmexek apxéna peya etnehek wesse' apwányam. Apkeltamhók axta kóllánésagkok yátnáxeg apyenyawasso apkenchesso nak kempakhakma, tén han apkelchánte nak yátnáxeg, tén han apkeltamho kóltegyesha cincuenta énxet apkelyetleykha chá'a apmahágkaxa enxoho.

1 Reyes 11:38

Apkelyahákxók sa' agkok ekyókxoho m'a séltamhókxa enxoho etnehek, ekpéwo enxoho chá'a aqsok apkelane nahaqto', apkelana enxoho seyánamakxa tén han séltémókxa nak etnehek, aptéma axta apkeláneya David, séláneykha axta, axek sa' chá'a ko'o xamo' xép, atekkessesagkok sa' aptawán'ák neptámen aptamhéyak kelwesse'e, sekteméssessama axta m'a David aptawán'ák neptámen; agkések sa' Israel.

1 Reyes 12:14

axta aqsa aptáhak apkeláneya m'a apkeltamhókxa axta etnehek ma'a wokma'ák, aptáha axta apcháneya s'e: “Yentexek axta apteméssessamakxa m'a apyáp axta, sa' ekyágwánxa agkok ekyentaxno apteméssesakxa m'a apketche, táma axta apkelyekpexcheteykegkok ma'a apyáp axta, kelyekpexchetma hópenyámet naw'ék sa' eyke elyekpexchetagkok ma'a apketche nak.

Salmos 111:9

Apkelmallahanchessegkek aqsok ekyentaxno énxet'ák apagkok, apkelánessegkek nahan ekhémo mók nélpaqhetchásamáxkoho apagkok meyke néxa. Dios apteme appagkanamap, tén han apcheymap.

Salmos 119:81

Élhaxanmók ahagko' ko'o exchep hewagkasek teyp; ¡may'ásseykmok ko'o m'a appeywa nak xép!

Salmos 27:4

Xama aqsok akke élmaxneyk Wesse' egegkok, xama aqsok aqsa émenye': axek chá'a Wesse' egegkok tegma appagkanamap apagkok ekyókxoho ekhem, neyseksa sekha makham, yaqwayam enxoho alpeykeshok neyseksa sekha m'a kañe' tegma appagkanamap apagkok, tén han alanok ma'a ektémakxa nak aptaqmalma.

Salmos 62:2

Wánxa apteme sewagkasso teyp ma'a, tén han setaqmelchesso. Meheltemessásekxeyk sa' kóneg, hakte cha'a apteme sekyexánegweykekxexa m'a.

Salmos 89:3

Aphéssamók axta exchep mók apkelpaqhetchásamákpoho David; apkeltennassegkek axta etnéssesek apkeláneykha apkelyéseykha nak se'e:

Isaías 11:1

Etyapok sa' xama Jesé aptáwen neptámen; máxa sa' etnehek ma'a ektémól'a yámet awhak éltektépeykekxal'a, éltekteyapwayam la'a m'a kepmenák nak.

Isaías 27:6

Kataqmelekxak sa' apheykha Jacob énxet'ák apagkok se'e egmonye' nak, máxa yámet élatchessól'a kepmenák xapop sa' etnahagkok, máxa yámet éltektépeykekxa sa' etnahagkok elántépekxak ma'a énxet'ák Israel, tén han ma'a ektémól'a kalyapwa', kasawhekxohok sa' aqsok ekyexna apagkok keso nélwanmégkaxa.

Isaías 4:2

Tásek sa' katnehek aqsok apkeltémo nak kaltektépekxak Wesse' egegkok xa ekhem nak, kalyenmok sa' nahan; sa' etnehek apagkok ma'a énxet'ák Israel apkeleymomap nak meletsapma; sa' katnéssesek eyaqheykha chá'a kélwáxok ma'a aqsok ekyexna eknakxamáxche ektekkesso nak xapop tén han katnéssesek ekha kéláyo.

Isaías 54:10

Kayaqmagkasek sa' eykhe mók élámhakxa m'a meteymog élekhahéyak nak, kalyaqnenagkok sa' eykhe nahan ma'a egkexe nak, megkayaqmagkasek eyke mók ma'a ektémakxa nak ko'o seyásekhayo exche', megkaltaqheykha nahan ma'a sekhéssamo axta mók sélpaqhetchásamáxkoho meyke ektáhakxa egwáxok nak.” Axta aptáhak ma'a Wesse', ektáha axta eyósegwayam apkelányo exche'.

Isaías 55:3

Hélyo'óta ko'o, kóleyxwatámho sekpeywa, kóleyxho sektáhakxa keñe sa' megkóletsepek chá'a. Alának sa' ko'o ekhémo mók sélpaqhetchásamáxkoho kéxegke meyke néxa, yaqwayam sa' alának ma'a séltennassama axta alának ma'a David eñama seyásekhayo.

Isaías 61:8

Hakte yásekhohok Wesse' egegkok ma'a ekpéwomo nak nentémakxa, etaqnawho eyke m'a negmenyexma nak tén han ma'a nenlane nak aqsok ekmaso agko'. Sa' elmések nahan ekyaqmageykekxa m'a ekhawo aptáhakxa axta apkeltennasso, elának sa' nahan ekhémo mók apkelpaqhetchásamákpoho meyke néxa.

Isaías 7:14

Wesse' egegkok apagko' sa' egkések kéxegke xama aqsok yaqwayam megkólchenatchese': Lósók entáhak kelán'a étkok kótak sa' étche apkenna', kólteméssesek sa' apwesey Emanuel.

Jeremías 32:40

Alának sa' ko'o ekhémo mók sélpaqhetchásamáxkoho meyke néxa: altennaksek sa' ko'o malwátessemek chá'a ektaqmalma sekteméssesakxa, ayánchesseshok sa' ko'o apkelmopmenyého etnahagkok seyáyo, tén han memáheyo chá'a heyenyók xama enxoho.

Jeremías 33:21

Hawók nahan ma'a ekhémo mók sélpaqhetchásamáxkoho sélane axta ko'o m'a séláneykha David, megkatnehek sa' chá'a megkatne, megkameykkehek sa' chá'a xama aptáwen neptámen apteme wesse' apwányam apyaqmagkasso m'a aptémakxa nak wesse' apwányam, megkatnehek sa' nahan megkatne m'a ekhémo mók sélpaqhetchásamáxkoho sélánésso axta ko'o m'a apkeltamheykha nak chá'a sekhakxa, cham'a apkelmaxnéssesso nak énxet'ák ahagkok, Leví aptawán'ák neptámen nak.

Ezequiel 37:26

Alának sa' ko'o ekhémo mók sélpaqhetchásamáxkoho m'a, yaqwayam sa' katnehek naqsók meyke ektáhakxa apheykha. Katnehek sa' xama ekhémo mók nélpaqhetchásamáxkoho meyke néxa. Wának sa' exámekxohok apagko', meyke néxa sa' nahan apekkenchesek nepyeseksa m'a tegma appagkanamap aptaqmalma ahagkok.

Amós 9:11

“Axátekhásekxak sa' ko'o makham David axta apxagkok aptéyam xa ekhem nak. Alápekxak sa' ma'a apkelyagqaxe nak, almekxak sa' makham ma'a nápakha'a apketkók nak, keñe sa' axátekhásekxak makham axnéshok ma'a aptémakxa axta m'a nano' axta,

1 Samuel 2:35

Tén sa' ko'o atnéssesek xama apkelmaxnéssesso énxet'ák ahagkok ma'a énxet megkólésso nak aqsok, tén han apkelane nak chá'a m'a sekmámenyého, tén han apteme nak chá'a m'a sektáhakxa, wának sa' megkayetyapwágwomek apha aptawán'ák neptámen, wának sa' han etneykha chá'a m'a aphakxa nak wesse' apwányam sélyéseykha.

1 Samuel 25:28

tén han heyásekhekxohok ko'o, sektáha nak xép apkeláneykha. Naqsók sa' memasséssemek xép apteme wesse' apwányam ma'a Wesse' egegkok, ekweykekxoho m'a aptawán'ák neptámen, hakte apkelnápomákpek xép kempakhakma apagkok ma'a Wesse' egegkok, meñegkók sa' xép xama aqsok ekmaso neyseksa apha makham.