2 Samuel 23:20 - Biblia Enxet

²⁰ Xama énxet apyennaqte axta han ma'a Benaías, Joiadá axta apketche, apteme axta énxet Cabseel, xámok axta aqsok apkelane. Axta apkelnapma m'a apqánet apketchek axta Ariel, apkeñama axta Moab. Aptaxneyk axta máxek apteyekmo yeyam, cha'a apchaqhakxa axta han méwa m'a kañe' nak.

2 Samuel 23:20 ပူးပေါင်းရင်းမြစ်များ

2 Samuel 1:23

“Apkelásekhamakpók axta han xa apqánet nak Saúl tén han Jonatán, mekxeykpók axta chá'a, ekwokmoho apkeletsapa. ¡Apmelyeyha'ak axta yenyahagkok, apyeykhásseykmók axta m'a náta ekyawe nak! ¡Apmelyeyha'ak axta, apyeykhásseykmók axta yámakméwa!

2 Samuel 20:23

Joab axta aptamhákxak apkemha apmonye' apagkok ma'a apyókxoho sẽlpextétamo nak Israel; keñe axta Benaías, Joiadá axta apketche, aptamhákxo apkemha apmonye' apagkok ma'a quereteos, tén han ma'a peleteos.

2 Samuel 23:19

néten kéláyo axta han aptemék nepyeseksa m'a apyókxoho nak, hakte apkemha apmonye' apagkok axta aptemék. Axta eyke exnágweykekxohok ma'a apmonye'e axta apqántánxo kempakhakma yapmeyk.

2 Samuel 23:21

Apchaqhegkek axta han egipcio apwenaqte axta, apmeykha axta sawhéwa: apketámeygkek axta Benaías yámet apmeykha, apyementegkek axta sawhéwa apagkok, keñe apchaqha apkelyetxeykxo m'a sawhéwa apagkok apagko' nak.

2 Samuel 23:22

Cháxa ekméssama axta apxénamap Benaías, Joiadá axta apketche, nepyeseksa m'a treinta énxet'ák apkelyennaqte axta;

2 Samuel 8:18

keñe axta Benaías, Joiadá axta apketche, apteme apkemha apmonye' m'a sẽlpextétamo nak quereteos tén han peleteos. Apkelmaxnéssesso Dios énxet'ák apagkok axta eyke aptamheykegkok ma'a David apketchek.

1 Reyes 1:26

Keñe ko'o meheyáneyáncha'a, megyáneyáha han ma'a apkelmaxnéssesso Dios énxet'ák apagkok Sadoc, tén han Benaías, Joiadá apketche, tén han ma'a Salomón, apketche nak xép wesse'.

1 Reyes 1:38

Yetlókok axta apxega m'a apkelmaxnéssesso Dios énxet'ák apagkok Sadoc, yetlo Natán apteme nak Dios appeywa aplegasso, tén han Benaías, Joiadá apketche, tén han quereteos, keñe han peleteos, apkenátchessek axta Salomón ma'a David apchánte élyeheykok, apya'ássek axta m'a Guihón.

1 Reyes 1:8

Axta eyke emáheyók epasmok Adonías ma'a apkelmaxnéssesso Dios énxet'ák apagkok Sadoc, tén han Benaías, Joiadá axta apketche, tén han Natán, apteme axta Dios appeywa aplegasso, tén han Simí, énxet apmésso axta chá'a appeywa m'a wesse' apwányam, keñe han ma'a David sẽlpextétamo apagkok apkelyennaqte nak.

1 Reyes 2:46

Yetlókok axta appaqhetchesso wesse' apwányam ma'a Benaías, Joiadá apketche, apxegkek axta keñe apchaqha m'a Simí. Cháxa ektémakxa axta aptéma wesse' apwányam Salomón meyke élya'assóxma.

1 Crónicas 12:8

Nápakha Gad énxet'ák apagkok axta han appásegweykmok ma'a David, aphakxa axta makham ma'a apyetnamakxa axta tegma apyennaqte m'a meykexa axta énxet. Kempakhakma yapmeyk megyeye elmahagkok eyesagkexa axta m'a, apwancha'ak axta apkelempakhe yetlo apkelmeykha m'a apkeláhakkásamap keñe han sawhéwa. Máxa axta méwa nát nápaqta'a m'a, máxa axta han popyet yenyahagkok ma'a néten egkexe nak.

1 Crónicas 18:17

keñe axta Benaías, Joiadá axta apketche, apteme apkemha apmonye' m'a sẽlpextétamo nak quereteos tén han peleteos. David apketchek axta eyke apkeltamheykha m'a ekyawakxa nak kéláyo.

Éxodo 15:15

meyke apkelwasqapma sa' etnahagkok eñama apkelaye m'a apkelámha apmonye'e nak sẽlpextétamo yókxexma Edom, elpexyennók sa' apkelaye m'a apkelámha apmonye'e nak kempakhakma m'a yókxexma Moab, kamaskok sa' apkelyennaqte m'a apyókxoho énxet'ák Canaán.

Josué 15:21

Keso tegma apkelyawe ekpehewayam axta apkelxawéyak ekpayho nak nepyeyam, néxa xapop axta m'a Edom: Cabseel, Éder, Jagur,