2 Samuel 22:51 - Biblia Enxet

⁵¹ Apméssegkek xép apkelmalláneyak ekxámokma m'a wesse' apwányam ektáha axta apkelyéseykha; yásekhohok chá'a exchep ma'a David, tén han ma'a aptawán'ák neptámen.”

2 Samuel 22:51 ပူးပေါင်းရင်းမြစ်များ

2 Samuel 22:2

Aptáhak axta s'e: “Wesse', xép apteme setaqmelchesso, sekyexánegweykekxexa', semallahanchesso,

2 Samuel 23:1

Keso ektemegwánxa néxa appeywa David se'e: “David, Jesé apketche, énxet apteméssesso axta Dios ekyawe kéláyo, wesse' apwányam ektáha axta apkelyéseykha m'a Dios apagkok nak Jacob, apteme axta apkelánéyak ekmátsa apmeneykmasso m'a kañe' nak Israel. Aptáhak appeywa s'e:

2 Samuel 7:16

Méko sa' chá'a katnehek apheykha aptawán'ák neptámen, tén han aptémakxa nak wesse' apwányam, hakte altaqmelchesek sa' chá'a ko'o, megkamassegwomek sa' aptamhéyak apkelwesse'e m'a aptawán'ák neptámen nak.’”

Salmos 144:10

Xép, apkelmallahanchesso nak chá'a kempakhakma kelwesse'e apkelwányam; tén han apmallahanchesso axta m'a apkeláneykha David, hemallahanches ko'o neyseksa m'a sókwenaqte segaqhamo nak; nágyoho ko'o hemok ma'a pók énxet'ák nak, aptamheykegko nak chá'a apkelmopwancha'a amya'a, megkahaxanma nak chá'a etnahagkok apkelmopwancha'a amya'a elya'aksek néten apmek apkelya'assamakxa etnéssesek naqso' apkelpeywa.

Salmos 18:50

Apméssegkek xép apkelmalláneyak ekxámokma m'a wesse' apwányam ektáha axta apkelyéseykha; yásekhohok chá'a exchep ma'a David, tén han ma'a aptawán'ák neptámen.

Salmos 21:1

Wesse' egegkok, payhekxeyk apwáxok wesse' apwányam, hakte xép apmeyásak apyennaqte; ¡Payhékxók agko' apwáxok hakte xép apmeyásak apmallanma!

Salmos 3:3

Wesse', xép eyke apteme seyáhakkásamáxche', xép segkésso m'a seyeymáxkoho nak, xép segkésso m'a sekwasqápeykekxoho nak.

Salmos 48:3

Apheyk Dios ma'a tegma apkelyawe nak Jerusalén; Apkeltennásamákpek Dios apteme negyexanmomakxa meyke ektáhakxa negha.

Salmos 89:20

¡Ekwet'ak ko'o séláneykha David! Éxpaqhássessek han apqátek pexmok égmenek ekpagkanamaxche ahagkok, sekteméssesa wesse' apwányam,

Salmos 89:24

Wásekhohok sa' chá'a ko'o m'a, mayenyawha sa' nahan chá'a, ayánchessesagkohok sa' apmopwána eñama ko'o.

Salmos 89:26

Sa' etnehek heyának se'e: ‘Xép apteme táta; xép apteme Dios ahagkok, sewagkasso nak teyp, tén han setaqmelchesso.’

Salmos 89:29

Eyaqmagkasek sa' chá'a apteme wesse' apwányam ma'a aptawán'ák neptámen, megkatnégwayam néxa.

Salmos 89:36

etnahagkok sa' chá'a kelwesse'e apkelwányam apyaqmagkasso m'a aptawán'ák neptámen meyke néxa, megkamassegwánxa nak makham ekhem.

Salmos 91:2

etnehek chá'a yának Wesse' egegkok se'e: “Xép apteme sekyexánegweykekxexa', tegma apyennaqte ahagkok, Dios ahagkok seyásenneykekxo nak chá'a.”

Jeremías 30:9

Ko'o sa' aqsa etnahagkok séláneykha, sektáha nak Dios Wesse' apagkok, tén han ma'a David, peya nak ko'o atnéssesek wesse' apwányam apagkok.