2 Samuel 22:28 - Biblia Enxet

²⁸ Elwagkashok eyke chá'a exchep teyp ma'a megkaleymáxkoho nak apkelwáxok, apkelanawók agkok chá'a exchep ma'a éleymáxkoho nak apkelwáxok, keñe etnessásekxak chá'a mékoho.

2 Samuel 22:28 ပူးပေါင်းရင်းမြစ်များ

Salmos 12:5

Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”

Salmos 131:1

Wesse', háwe ko'o eyeymáxkoho ewáxok, háwe han seyeymáxkoho alanok émók, mategyeykha han ma'a aqsok élyawe, mamowána nak chá'a óta'.

Salmos 138:6

Netnók eykhe aphakxa m'a Wesse' egegkok, étak eyke chá'a m'a énxet megkeymáxkoho nak apwáxok, makhawók chá'a ékpelkohok ma'a apcheymákpoho nak.

Salmos 140:12

Ekya'ásegkók ko'o elánekxéshok chá'a apheykha Wesse' egegkok ma'a meyke nak aqsok apagkok, emyókashok han chá'a ektémakxa nak chá'a apheykha m'a ekyentaxno nak apheykha.

Éxodo 10:3

Apkelxegkek axta apkelya'aweykxo faraón ma'a Moisés tén han Aarón. Aptáhak axta apcháneya s'e: —Exchek aptáhak Wesse' egegkok, aptáha nak hebreos Dios apagkok se'e: ‘¿Háxko ekwánxa kamassegwók ekyennaqte apwáxok nahaqtók ko'o? Yoho elxog énxet'ák ahagkok, yaqwayam sa' hélpeykesho';

Éxodo 18:11

tén han neyseksók apkelwanyeykha axta. Ekya'ásegwokmek kaxwók ko'o Wesse' egegkok aptáha apwányam apagko' neyseksa m'a ekyókxoho aqsok kéláyókxa nak chá'a.

Proverbios 21:4

Negwanyémo egmók, eyeymáxkoho egwáxok; cháxa melya'assáxma élmoma nak apkelwáxok ma'a énxet'ák élmasagcha'a nak apkeltémakxa'.

Isaías 2:17

Kónegók sa' kóltemessásekxak ma'a apyókxoho apkeleymákpoho nak tén han ma'a apkene nak chá'a etnahágkok ekha kéláyo. Wesse' egegkok sa' aqsa exekmósek apteme apwányam apagko' xa ekhem nak.

Isaías 37:23

¿Yaqsa axta énxet apkenmexeyncha'a cha'a tén han apwanyeyncha'a chá'a? ¿Yaqsa axta énxet apkelpáxegkáseyncha'a chá'a tén han megyésa chá'a apkelano yetlo eyeymáxkoho apwáxok? ¡Apkenmexáha axta exchep ma'a Dios Appagkanamap nak Israel!

Isaías 5:15

Kóneg sa' kóltemessásekxak apyókxoho m'a énxet'ák; elháxahagkok sa' apkelmegqakto m'a énxet'ák apkeleymákpoho nak.

Isaías 63:9

ekyókxoho apkellegeykegkoho ekyentaxnamo apkelwáxok ma'a. Háwe apkelwagkasso teyp xama m'a apkelápháseykha nak xép; Wesse' egegkok apagko' axta. Axta apkelwagkasso teyp ma'a eñama apkelásekhayo tén han apkelmopyóseka apkelányo, apkelchampásekxeyk axta néten keñe apkelqeynákxo. Cháxa apteméssessamakxa chá'a yókxoho ekhem xa ektáha nak.

Daniel 4:37

“Élpeykessamók ko'o kaxwók ma'a Wesse' Apwányam apha nak néten, ko'o Nabucodonosor, eyáyók han, ekteméssessegkek han apcheymákpoho, hakte naqsók agko' ma'a ekyókxoho aqsok apkelane nak, péwók nahan, apwanchek etnessásekxak mékoho m'a apkenè nak chá'a etnahak ekha kéláyo.”