2 Samuel 22:14 - Biblia Enxet

¹⁴ “Kextegyawomchek axta appeywa Wesse' egegkok meyke nak Ekhémo m'a néten:

2 Samuel 22:14 ပူးပေါင်းရင်းမြစ်များ

Job 40:9

¿Apmeyhek enxeykel'a exchep, sektéma nak ko'o? ¿Kaxtegyawhoya exchep xa appeywa ektéma nak ko'o?

Éxodo 19:6

Kéxegke sa' nahan kóltéhek kélpasmo kélmaxnéssesso énxet'ák ahagkok xa kélyókxoho nak, énxet'ák ektáha nak chá'a apkelpagkanchásamap ko'o.’ Eltennasák sa' ekyókxoho israelitas xa.

Isaías 30:30

Eltamhok sa' kañexchek appeywa eyeymáxkoho nak ma'a Wesse' egegkok, exekmósek sa' nahan apmopwána, cham'a peya nak elának yetlo aplómo apagko', yetlo m'a táxa eyáléwe élwatnamo nak aqsok, tén han takha' aplo yetlo ekmámeye tén han yegmen élyennaqte.

Ezequiel 10:5

Wokmók axta nahan eklegamaxkoho apkelpáwasso apxempenák apho nak énxet ekha apxempenák ma'a yókxexma, ekyawakxa nak apwáxok ma'a tegma. Máxa axta entáhak ma'a ektémól'a elpaqmétek ma'a Dios ekha nak apyennaqte.

Jueces 5:20

Wokmók axta han apkelnápomap yaw'a m'a Sísara, cham'a apheykegkaxa nak néten.

1 Samuel 2:10

Nápakha'a apketkók sa' etnessásekxak Wesse' egegkok ma'a apkelenmexma nak, néten sa' kañék eyenyenták éxtegyawà ekyennaqte nepyeseksa. Elyekpelhok sa' Wesse' egegkok apyókxoho apheykha nak keso nélwanmeygkaxa'; egkések sa' apmopwána m'a wesse' apwányam apkelyéseykha nak, eyánchessesagkohok sa' apmopwána.”

1 Samuel 7:10

Axta han epenchásawok apkelane Samuel ma'a aqsok apwatno, apchágketchessa'a filisteos yaqwayam ektámegmak ma'a israelitas; keñe axta Wesse' egegkok apyenyénto éxtegyawà ekyennaqte agko' nepyeseksa, kelyegwakkassek axta, keñe axta apkenyahágko m'a filisteos.