2 Samuel 22:11 - Biblia Enxet

¹¹ Apchántegkek axta m'a xama apchásenneykha ekha nak apxempenák, keñe axta apchampaya; apwetamakpek axta eksama m'a éxchahayam,

2 Samuel 22:11 ပူးပေါင်းရင်းမြစ်များ

Génesis 3:24

Apkelhéssekmek axta han apkelásenneykha ekha nak apxempenák ma'a ekpayho nak ekteyapmakxa ekhem ma'a yókxexma ektaqmalma, natámen axta aptekkesso énxet, appekkenwokmek axta han xama sókwenaqte élyenma, ekweynchámeykencha'a axta chá'a m'a ekyókxoho kañe', yaqwayam enxoho chá'a méko kammok ma'a émhakxa nak yámet ekyennaqtéssamo nak egnények.

2 Samuel 6:2

apkelxegkek axta apkeleñama Baalá, cham'a Judá, yetlo apyókxoho sẽlpextétamo ektáha axta apkelxegexma'a, yaqwayam esanták ma'a Dios yántéseksek apagkok, cham'a kélwóneykencha'awól'a apwesey Wesse' ekha apyennaqte, ekyetnama nak aptaháno takhapxet ma'a apkelásenneykha ekha nak apxempenák.

Salmos 104:3

¡Apkeláneyak apxagkok ma'a néten yegmen nak, cham'a netno' nak! Apchánte aptamheykekxak ma'a yaphope nak; ¡exog chá'a neyseksa éxchahayam!

Salmos 139:9

émpa'ak agkok han amhagkok ma'a ekteyapmakxa ekhem, essenhan axnamok ma'a néxa nak wátsam ekwányam taxnegwánxa ekhem,

Salmos 18:10

Apchántegkek axta m'a xama apchásenneykha ekha nak apxempenák, keñe axta apchampaya apmeyeykekxo néten, seykekxeyk axta éxchahayam.

Salmos 68:17

Xámok agko' yátnáxeg apkelyenyawasso apagkok ma'a Dios; Sinaí apkeñamak apmeyánto m'a tegma appagkanamap apagkok, yetlo m'a yátnáxeg apkelyenyawasso nak.

Salmos 80:1

Apkeláneykha nak chá'a Israel, apyentameykha nak chá'a José aptémól'a nepkések, apteme nak wesse' apha néten apyetseksa'ák ma'a apkeláneykha ekha nak apxempenák. ¡Hegeyxho negko'o! ¡Kataqmalmakha apwáxok elanok Efraín,

Salmos 99:1

¡Wesse' egegkok apteme Wesse' Apwányam! ¡Yetnegkek aptaháno m'a apyetseksa'ák nak apkeláneykha ekha nak apxempenák! Énxet'ák kólpexyennem, tén han ekyókxoho xapop nak.

Éxodo 25:19

Xama sa' eyke katnekxak ma'a átog nak ekyepetcheykekxa m'a kéleykmássesso nak sélásenneykha ekha apxempenák. Xama sa' etnamha m'a mók nekha nak átog, tén sa' nahan xama m'a mók nekha nak.

Ezequiel 9:3

Meyákxeyk axta nahan néten Israel Dios apagkok apcheymákpoho, ekyetnama axta chá'a apyetseksa'ák ma'a kéleykmássesso Dios apkelásenneykha ekha apxempenák, yetnákxeyk axta m'a apátog nak tegma appagkanamap. Apwóneyha axta Wesse' egegkok ma'a énxet apkeláxñeyo axta aptaxno apkexyawe, apkexanma axta nepxet ma'a apxata nak chá'a aptáxésso,

1 Samuel 4:4

Apkeláphássek axta han nápakha sẽlpextétamo israelitas ma'a Siló, apsánteyk axta Wesse' egegkok ekha nak apyennaqte yántéseksek apagkok, ekyetnama nak aptaháno neyseksa m'a apkeláneykha ekha nak apxempenák. Apkelyetlántamok axta han Dios yántéseksek apagkok ma'a apqánet apketchek axta Elí, cham'a Hofní tén han Finees.