2 Samuel 21:18 - Biblia Enxet

¹⁸ Tepékxeyk axta makham mók kempakhakma yókxexma Gob apkempakhákpo m'a filisteos. Apchaqhak axta han Sibecai ma'a Saf, cham'a Sibecai apteme axta husatita, aptáwen neptámen axta m'a énxet'ák apkelwenaqte.

2 Samuel 21:18 ပူးပေါင်းရင်းမြစ်များ

2 Samuel 21:16

keñe axta xama énxet apwenaqte apwesey axta Isbí-benob apmako yaqhek. Treinta kilos axta ekyentaxno sawhéwa apagkok, axnagko' axta han sókwenaqte apagkok apkexna m'a nepxet.

2 Samuel 21:20

Tepékxeyk axta makham mók kempakhakma m'a Gat. Aphegkek axta han xama énxet apwenaqte apagko' ma'a, veinticuatro axta apophék: seis axta apophék apmék, tén han seis ma'a apmagkok nak. Axta han aptawán'ák neptámen ma'a énxet'ák apkelwenaqte axta,

2 Samuel 21:22

Cháxa cuatro énxet'ák apkelwenaqte nak, apteme axta han aptawán'ák neptámen ma'a Réfah, apkeñama axta Gat, apkelnapmeyk axta eyke m'a David, tén han ma'a sẽlpextétamo apagkok nak.

1 Crónicas 11:29

Sibecai, apkeñama axta Husá; Ilai, apteme axta ahohíta;

1 Crónicas 27:11

Sibecai, apkeñama axta Husá, axta apkemha apmonye' apagkok ma'a sẽlpextétamo apkelhaxneykha axta chá'a aptáhakxa nak ocho pelten, Zérah axta aptáwen neptámen.