2 Samuel 21:16 - Biblia Enxet

¹⁶ keñe axta xama énxet apwenaqte apwesey axta Isbí-benob apmako yaqhek. Treinta kilos axta ekyentaxno sawhéwa apagkok, axnagko' axta han sókwenaqte apagkok apkexna m'a nepxet.

2 Samuel 21:16 ပူးပေါင်းရင်းမြစ်များ

Génesis 14:5

Keñe axta pók apyeyam apmaheykegko Quedorlaómer ma'a yókxexma Astarot Carnaim, yetlo apkelwesse'e apkelwányam ektáha axta apkelxegexma'a, apmenxenwánxa axta refaítas; keñe axta apmenxenákxo makham zuzitas ma'a yókxexma Ham, tén axta apmenxenákxo makham emitas ma'a yókxexma nak Savé-quiriataim,

Génesis 6:4

Apkelánteyepmeyk axta énxet apkelwenaqte keso náxop, cham'a apkelyepetcheya axta Dios apketchek ma'a apketchek nak énxet'ák, yaqwayam enxoho elwetaksek étchek ma'a, tén han natámen axta xa. Cháxa énxet'ák apkelyennaqte apkelxénamap axta chá'a ekyókxoho yókxexma m'a nano' axta.

2 Samuel 21:18

Tepékxeyk axta makham mók kempakhakma yókxexma Gob apkempakhákpo m'a filisteos. Apchaqhak axta han Sibecai ma'a Saf, cham'a Sibecai apteme axta husatita, aptáwen neptámen axta m'a énxet'ák apkelwenaqte.

2 Samuel 21:20

Tepékxeyk axta makham mók kempakhakma m'a Gat. Aphegkek axta han xama énxet apwenaqte apagko' ma'a, veinticuatro axta apophék: seis axta apophék apmék, tén han seis ma'a apmagkok nak. Axta han aptawán'ák neptámen ma'a énxet'ák apkelwenaqte axta,

2 Samuel 21:22

Cháxa cuatro énxet'ák apkelwenaqte nak, apteme axta han aptawán'ák neptámen ma'a Réfah, apkeñama axta Gat, apkelnapmeyk axta eyke m'a David, tén han ma'a sẽlpextétamo apagkok nak.

2 Samuel 5:18

Apchágketchessekmek axta m'a filisteos, apkelhakmek axta m'a ekyapwátegweykenxa nak xapop ma'a Refaim.

Números 13:22

Apkelántaxneyk axta m'a ekpayho nak Négueb tén axta apkelwokmo m'a Hebrón. Cha'a apheykegkaxa axta nahan Ahimán, Sesai, tén han Talmai ma'a, Anac axta aptawán'ák neptámen. Siete apyeyam axta nahan weykmok apkelánamap ma'a tegma apwányam Hebrón, amonye' apkelánamap axta Soan ma'a Egipto.

Números 13:28

Apmelyéhe'ék eyke énxet apheykha nak ma'a kañe' nak, élyawa agko' nahan ma'a apkelókxa nak, cham'a tegma apkelyawe apagkok nak, kalyéhe'ék nahan meteymog kélhaxtegkesso m'a nepyáwa'. Negwetágwokmek axta han Anac aptawán'ák neptámen ma'a, xama énxet apwenaqte axta.

Deuteronomio 1:28

¿Háxko sa' eyke ólmahagkok kaxwo'? Apkelxénchek xeyk negókxa xamo', apheykencha'a énxet apkelyennaqte m'a tén han apkelwenaqte maghawo nak negko'o. Apkelxénchek xeyk nahan apheykegko tegma apkelyawe netna'awók kélhaxtegkesso meteymog nepyáwa m'a. Apkelxénchek xeyk apkelwet'a nahan ma'a Anac aptawán'ák neptámen, cham'a xama énxet apwenaqte axta. Cháxa sẽlyélaqtéssessekmo nak negko'o egwáxok negyókxoho xa.’

Deuteronomio 2:10

(Énxet'ák emitas axta apheykha nanók agko' axta xa apkelókxa nak, apteme axta énxet apkelyawe tén han apxámokma apagko', aphóxekche'ék axta nahan ma'a, aphawók axta m'a énxet apwesey axta Anac aptawán'ák neptámen, cham'a xama énxet apwenaqte axta.

Deuteronomio 2:11

Refaítas axta nahan apkenagkók ma'a énxet'ák, emitas axta eyke apkeltemeyk ma'a moabitas.

Deuteronomio 2:21

aptamhéyak axta énxet apkelyawe tén han apxámokma apagko', tén han apkelwenaqte, aphawók axta m'a Anac aptawán'ák neptámen, apteme axta xama énxet apwenaqte. Wesse' egegkok axta eyke apsawhomók apkelnapma apkelásenneykekxo m'a amonitas, tén axta apheykencha'a chá'a meyke néxa m'a apkelókxa nak.

Deuteronomio 3:11

(Wánxa axta nahan xama apkeymomap refaítas ma'a wesse' apwányam Og; sawo axta nahan ma'a apyetnamakxa néten, cuatro metros axta nahan ekwenaqte, tén axta ekpayhakxa ánet metros, makhemek makham ekyetno xa, egwanchek agwetak ma'a tegma apyawe apagkok nak ma'a amonita, cham'a Rabá.)

Deuteronomio 9:2

apkelwányam nahan énxet apheykha m'a kañe' nak, aphóxekcha'ak nahan, aphawók ma'a énxet apwesey axta Anac aptawán'ák neptámen, énxet apyawe axta, kélya'ásegkok eyke kéxegke ektéma axta chá'a apkelxénamakpo s'e: ‘Méko xama énxet apwanchek yenmexekxak ma'a Anac aptawán'ák neptámen nak.’

Josué 11:22

Méko axta xama apkeymomap aptawán'ák neptámen énxet apwenaqte Anac ma'a kañe' nak xapop apagkok ma'a Israel. Wánxa axta aqsa apkeleymomákpo m'a yókxexma nak Gaza, Gat, keñe han ma'a Asdod.

Josué 15:14

Apkelántekkessegkek axta Caleb ma'a apqántánxo aptawán'ák neptámen axta m'a Anac, cham'a Sesai, Ahimán, tén han Talmai.

1 Samuel 17:7

Ekwányam axta m'a sawhéwa apagkok, awanhek axta apakxak, yentexek axta han, seis kilos axta han ekyentaxno naw'a m'a ahamtek nak. Apmonye' axta apxegak ma'a apkelsókáseykha axta chá'a apkelmeykha.