2 Samuel 21:12 - Biblia Enxet

¹² apxegkek axta apkelwákxo m'a Saúl apexchakkok tén han ma'a apketche axta Jonatán, apkelmoma axta m'a apheykha nak Jabés, ekpayho nak Galaad. Apkelmenyexma axta m'a apkelweynchámeykegkaxa nak chá'a énxet'ák, ekyetnama nak Bet-sán, apkelmakheyáseykegkaxa axta filisteos, apchaqhama axta Saúl ma'a Guilboa.

2 Samuel 21:12 ပူးပေါင်းရင်းမြစ်များ

2 Samuel 1:21

“¡Egkexe Guilboa, tásek sa' kaxwók kéxegke megkapálwateyk ekmámeye tén han yálye, hakte yókxexma nentekyómakxa kéxegke! Axta payhok kélteyammeykegkaxa apkeláhakkásamap ma'a énxet'ák apkelyennaqte axta. Axta massegweykmok élyenma Saúl apcháhakkásamap ma'a.

2 Samuel 1:6

Axta aptáhak apchátegmowágko s'e: —Ekmahágkek axta aqsa ko'o sénegwokmo m'a egkexe nak Guilboa, ekwet'ak axta Saúl apyepetcha'a sawhéwa apagkok, ketók axta han aptahanyeykekxexa m'a apkelchánte nak yátnáxeg apkelyenyawasso, tén han ma'a yátnáxeg nak apkelchánte apkelenmexma axta.

2 Samuel 2:4

Tén axta apkelwa'a énxet'ák Judá, apteméssessek axta han David wesse' apwányam ma'a Judá. Xama axta kéltennásencha'a David ektáha énxet'ák Jabés, ekpayho nak Galaad, apchátawanye m'a Saúl,

2 Samuel 21:11

Xama axta kéltennáseyncha'a David ektémakxa m'a Rispá, kelán'a apmeykha naqsa axta m'a Saúl,

2 Samuel 21:13

Keñe axta David apkeltamho kólsakxak Saúl apexchakkok tén han Jonatán, apkeltamhók axta han kólmekxak apexchakkok ma'a kélmakheyáseykha axta néten;

1 Crónicas 10:1

Apketámegkek axta filisteos ma'a énxet'ák Israel, keñe apkenyahágko israelitas apmonye'e m'a filisteos, apxámok axta aptekyawa m'a egkexe nak Guilboa.

1 Crónicas 10:12

keñe apheyásawo mók apkelpeywa m'a énxet'ák megyeye nak elmahagkok eyesagkexa', apmákxo Saúl aphápak tén han ma'a apketchek nak, apkelsákxeyk axta m'a yókxexma Jabés. Axta kélátawanyegwákxak aphopák ma'a kóneg nak xama yámet ekyawe encina. Keñe axta natámen xa metókagko aptéyak ekweykmoho siete ekhem.

1 Crónicas 10:8

Mók ekhem axta entáhak apkelmeyákxo filisteos apkelhaxyawassessákxo aqsok apagkok ma'a apkeletsapma axta, keñe apwet'a han Saúl yetlo apketchek aphágko aphopák ma'a egkexe nak Guilboa.

Josué 17:11

Apkelxawáyak axta han Manasés tegma apkelyawe apheykegko axta m'a Isacar xapop apagkok, tén han Aser, yetlo chá'a m'a tegma apketkók aphéyak nak nepyáwa', cham'a: Bet-seán, Ibleam, Dor, Endor, Taanac tén han ma'a Meguido, keñe han ma'a ántánxo egkexe nak.

1 Samuel 28:4

Apchaqnákxeyk axta filisteos keñe apkelxega apkelpakxenwokmo m'a yókxexma nak Sunem, tén axta Saúl apchánchesákxo apyókxoho énxet'ák Israel, keñe apkelpakxenwokmo m'a yókxexma nak Guilboa.

1 Samuel 31:1

Apketámegkek axta filisteos ma'a énxet'ák Israel, keñe apkenyahágko israelitas apmonye'e m'a filisteos, apxámok axta aptekyawa m'a egkexe nak Guilboa.

1 Samuel 31:3

Keñe axta apcháhapwokmo apketámegko m'a Saúl, apkelyát'ak axta yágke apagkok ma'a apkelmeykha nak yágke, kelyaqxakkak axta yágke aktek.

1 Samuel 31:4

Tén axta aptáha apcháneya m'a apkelsókáseykha axta chá'a apkelmeykha apkenchesso kempakhakma: —Elek sókwenaqte apagkok keñe sa' hélyetxa', hey'áwa katnehek ma'a énxet'ák melya'áseyak nak Dios, keñe heyaqhek, hetwasagkoho'. Axta eyke elyahákxak ma'a apchásenneykha nak, hakte apkekak axta. Keñe axta Saúl apmawo apagko' ma'a sókwenaqte apkelyetxeykpekxoho.