2 Samuel 20:19 - Biblia Enxet

¹⁹ Méko apkello énxet'ák tegma apwányam egagkok, apkelwanmeyeykha aqsa, melyamasmak han ma'a Israel, ¡apkemha apmonye' apagko' nahan! Apmakók eyke exchep emasséssók. ¿Yaqsa ektáha apmako nak emasséssók ektáha nak Wesse' egegkok apagkok?

2 Samuel 20:19 ပူးပေါင်းရင်းမြစ်များ

Génesis 18:23

apyepetchegwokmók axta m'a. Aptáhak axta apkelmaxneyáncha'a s'e: —¿Emasséssóya sa' meyke nak apkeltémakxa, yetlo m'a élmasagcha'a nak apkeltémakxa?

2 Samuel 14:16

Aphaxnawók sa' agkok xép sektáhakxa, wesse', apwanchek hẽlmallahanchesek nepyeseksa m'a apmáheyo nak hegmasséssók, hatte tén han ko'o, keso xapop ektáha nak apagkok ma'a Dios.

2 Samuel 17:16

apkeltamho kóltennaksek ekmanyehe agko' ma'a David, apchésa etyenwók axta'a m'a ekpayhegweykenxa nak xapop meykexa énxet, apkeltamho aqsa eyeykhekxak ma'a Jordán, yaqwayam enxoho mematñehe', tén han ma'a énxet'ák apagkok.

2 Samuel 20:18

Keñe axta ektáha kelán'a s'e: —Axta katnehek chá'a nanók amya'a s'e: “Énxet apmáheyo enxoho ey'asagkohok aqsok, etegyaha sa' chá'a amya'a m'a tegma apwányam Abel.” Cháxa ektémakxa axta chá'a kataqmelekxak élánamáxche ekyókxoho aqsok.

2 Samuel 20:20

Apchátegmowágkek axta Joab: —¡Megkaxeyenmak ko'o ewáxok atnehek xa! Háwe sekmáheyo amasséssók tén han atnessásekxak nápakha'a apketkók.

2 Samuel 21:3

Apkelmaxneyáha axta David: —¿Háxko sa' atnéssesek ko'o kéxegke? ¿Háxko atnehek ko'o ayaqmagkassásekxak ma'a ekmaso kélteméssessamakxa axta kéxegke, yaqwayam enxoho kaltaqmalmakha kélpeywa kólxénmakha m'a Wesse' egegkok énxet'ák apagkok?

1 Reyes 8:53

Hakte xép Wesse', xép axta apkelpagkanma yaqwayam etnehek énxet'ák apagkok nepyeseksa m'a apyókxoho énxet'ák nak keso náxop, ekhawo aptémakxa axta apxeyenma apchásenneykekxo axta m'a apkeláneykha Moisés, apkelántekkessama axta Egipto m'a ẽlyapmeyk nano'.”

Salmos 106:5

yaqwayam sa' ko'o ótak ektáhakxa ekpayheykekxa apkelwáxok ma'a apkelyéseykha nak, yaqwayam sa' ko'o kapayhekxak ewáxok tén han alsawaksohok xamók ma'a énxet'ák ektáha nak xép apagkok.

Salmos 124:3

hensawhohok axta hẽlnápok, sẽltaqnaweygko apagko' enxoho negko'o.

Salmos 33:12

Apkeleñémo énxet apteme nak Dios apagkok ma'a Wesse' egegkok, cham'a énxet'ák apkelyéseykha nak yaqwayam etnehek énxet'ák apagkok.

Salmos 78:71

apkelwátéssessegkek axta apkeláneykha nepkések apnaqtósso, yaqwayam enxoho elánesha m'a énxet'ák apagkok, yaqwayam etnehek apkeltaqmelchesso énxet'ák Israel.

Jeremías 51:34

Aptáhak Jerusalén se'e, tegma apwányam Sión nak: “Nekha'a étkók axta ko'o etnéssáseykekxak Nabucodonosor wesse' apwányam nak Babilonia, emasséseykmek axta; máxa axta etnessáseykekxak ma'a sokpayhe meykel'a aqsok awáxok. Máxa yegmen askok ekyawe axta aptemék senaqsapma, ekyetno nak wátsam ekwányam; apyaqkáneykmek axta aptama ekleklamókxa nak apwáxok ekyetno sekyókxa, keñe m'a nekha nak apkexakhama. ¡Kólyaqmagkásekxak sa' setnéssessamakxa axta ko'o m'a Babilonia! ¡Kólyaqmagkásekxa sa' ektémakxa axta sẽlnapma negko'o m'a caldeos!”

Jeremías 51:44

“Añássesagkohok sa' ma'a dios Bel nak Babilonia, ayekxássesek sa' ma'a aqsok élmenaqsapma axta, melyo'ótamók sa' nahan kaxwók ma'a pók aptémakxa énxet'ák. ¡Kelyaqnenágkek kaxwók ma'a kélhaxtegkesso nak Babilonia!

Lamentaciones 2:16

Elpaqmétek chá'a etaqnók xeye' m'a apyókxoho katnaha nak námakkok. Etnehek chá'a exének neyseksa apkelmóheykha tén han apkelyaqyeyasáseykha apmék: “Negmasséssekmók egagko'. Cháxa nélhaxanma nak katnehek xa; ¡negwet'ak kaxwo'!”

Lamentaciones 2:2

Megyeykmok xama enxoho Wesse' egegkok ma'a tegma nak Jacob; apmasséssekmek axta aplawa m'a tegma apkelyennaqte aphéyak nak Judá aptaqmalma; apyaqnegkessek axta náxop ma'a apchókxa', apkelmegqássek axta apkelwesse'e agkok.

Lamentaciones 2:5

Máxa katnaha egmók aptáhak Wesse' egegkok: apmasséssekmók apagko' ma'a Israel; apkelyaqnegkásegkek ma'a apyókxoho tegma apkelyawe agkok, tén han ma'a tegma apkelyennaqte, apcha'ak meyke néxa apkellegeykegkoho ekyentaxno apkelwáxok ma'a Judá, tén han apkellekxagweykha.

Números 16:32

kelweykeságkek axta apyókxoho énxet'ák ektáha axta appasmeykekxa m'a Coré, yetlo aphawóxama, tén han ma'a ekyókxoho aqsok apagkok ekyetnakxa nak.

Números 26:10

mayheykxeyk axta eyke xapop, keñe eyápekxo m'a apqánet nak yetlo Coré, apkeletsekkek axta apyókxoho m'a ektáha axta apkelyepetcheykekxa, doscientos cincuenta énxet axta apkeletsapa élwatna m'a táxa. Cháxa élestehegkesa axta m'a nápakha nak énxet'ák.

Deuteronomio 20:10

“Kélágketchessekmek sa' agkok kéxegke xama tegma apwányam yaqwayam kólchetamagkok, kéméxcheyk kólmaxnak sekxók melnapakpehe'.

Deuteronomio 32:9

hakte Wesse' egegkok axta apkelyéseykha m'a, énxet'ák apagkok axta m'a Jacob énxet'ák apagkok nak.

Jueces 5:7

apkeltaqmópeykegkek axta m'a tegma apketkók nak Israel, tén axta ko'o sémpeykekxo néten, ¡ko'o, Débora, sekteme nak sekho egken ma'a énxet'ák Israel!

1 Samuel 10:1

Apmeyk axta Samuel kélyeta pexmok égmenek, apyegkenchessek axta apqátek ma'a Saúl, appathetchek axta appeykesa keñe aptáha apcháneya s'e: —Appagkanchek xép Wesse' egegkok sakhem yaqwayam etnehek apkemha apmonye' apkeltaqmelchessesso m'a énxet'ák Israel, ektáha nak apagkok. Xeyep sa' etnehek apkemha apmonye' apkeltaqmelchesso, elmallahanchesek sa' nepyeseksa apkelenmexma apwakhaya nak. Keso yaqwayam sa' ékpelkohok xép apteméssesa Wesse' egegkok apkemha apmonye', apkeltaqmelchesso m'a énxet'ák apagkok:

1 Samuel 26:19

Éltamhók ko'o yeyxhok sekpeywa, wesse', sektáha nak apkeláneykha: Wesse' egegkok sa' agkok sénmexcháseykekxa ko'o exchep, wesse', emok sa' takha' aqsok apmésso naqsa; énxet sa' agkok ma'a, Wesse' egegkok sa' eltaqnaweygkok. Hakte etekkessegkek ko'o s'e yókxexma nak, ektáha nak apagkok ma'a Wesse' egegkok, eyáteyeykegkok alpeykeshok ma'a mók aqsok kéláyókxa nak.