2 Samuel 2:5 - Biblia Enxet

⁵ apkeláphássek axta apkelásenneykha David apkeltamho etnehek elának se'e: “Wesse' egegkok sa' epasmok kéxegke eñama ektaqmalma kélteméssessamakxa Saúl, wesse' kélagkok axta, kélátawanyama.

2 Samuel 2:5 ပူးပေါင်းရင်းမြစ်များ

Génesis 14:19

Axta aptáhak appeywa apkelmaxnéssesa aqsok éltaqmela Abram se'e: “Dios meyke ekhémo sa' epasmok xép, apkelane nak néten tén han keso náxop;

Génesis 14:22

Aptáhak axta apchátegmowágkokxo Abram se'e: —Naqsók ko'o ektemessásak Wesse' egegkok, Dios meyke nak ekhémo, ektáha nak apkelane néten tén han keso náxop,

2 Samuel 15:20

Hemaxta axta exchep apwa'a, ¡megkapayhawok ko'o wának hẽlyetlógmak xép, may'ásegkok han ko'óxa yaqwánxa amhagkok! Tásek etaqhoho', enaqlakxohok han ma'a appeywomo xamo'. ¡Wesse' egegkok sa' epasmok, etnehek sa' chá'a apxegexma megkatnégwayam néxa!

2 Samuel 21:12

apxegkek axta apkelwákxo m'a Saúl apexchakkok tén han ma'a apketche axta Jonatán, apkelmoma axta m'a apheykha nak Jabés, ekpayho nak Galaad. Apkelmenyexma axta m'a apkelweynchámeykegkaxa nak chá'a énxet'ák, ekyetnama nak Bet-sán, apkelmakheyáseykegkaxa axta filisteos, apchaqhama axta Saúl ma'a Guilboa.

Salmos 115:15

Etaqmelchessesek sa' kéxegke kélheykha m'a Wesse' egegkok, apkelane nak néten tén han keso náxop.

Josué 2:14

Apkelátegmowágkek axta xa énxet'ák nak: —Dios sa' hẽlnápok negko'o móltaqmelchesa enxoho xa námakkok nak xeye', wánxa néltamho negko'o megkaxének se'e amya'a nak. Egméssek sa' agkok negko'o Wesse' egegkok se'e xapop nak, negko'o sa' han antaqmelchesek, magyenyawha sa' han xeye'.

Jueces 21:8

¿Yetnéya xama israelitas se'e memhéyak axta nápaqtók Wesse' egegkok ma'a Mispá?” Xénwákxók axta kélwáxok méko xama enxoho appasmo apchaqneykekxa m'a apkeleñama nak Jabés nak Galaad,

Rut 1:8

tén axta Noemí ektáha éláneya náxet ámay xa ánet nak: Kólmeyekxa sa' makham kélxanák, ekhágkaxa nak kélchána. Eltaqmelchesek sa' eyke chá'a kéxegke m'a Wesse' egegkok, ekhawo sélteméssessamakxa nak chá'a ko'o kéxegke, tén han ma'a étchek axta,

Rut 2:20

Tén axta ektáha Noemí eyátegmowágkokxo s'e: ¡Wesse' egegkok sa' epasmok! Ẽlápeykha apagko' negko'o kaxwo' ma'a, ekhawo aptamheykegkaxa axta m'a apkeletsapma nak. Ennámakkok egagko' negko'o xa énxet nak. Cháxa keñamak ekpayhawo nak negko'o yaqwayam hẽltaqmelchesek xa.

Rut 3:10

—¡Wesse' egegkok sa' epasmok! —axta aptáhak apcháneya Booz—. Yeykhágwokmók agko' nak la'a exche' ekwetamaxche ektaqmalma ektáhakxa élane aqsok eñama megkayenseyam ekxéneykha awáxok ma'a atáwa' axta. Tásek axta eykhel'a kategyaha exche' pók énxet apketkok enxoho, maxnawo nak ko'o, meyke nak aqsok apagkok, essenhan ma'a ekxámokma nak aqsok apagkok, makke exche' katneyk —axta aptáhak apcháneya.

1 Samuel 11:1

Apmahágkek axta Jabés ekpayho nak Galaad ma'a Nahas, wesse' apwányam axta Amón, apkelánésagkokxeyk axta aptamhágkaxa sẽlpextétamo apagkok yaqwayam ektamagkok ma'a tegma apwányam. Keñe m'a énxet'ák apheykha nak yókxexma Jabés, aptáha apcháneya s'e: —Ólpaqhetchesaxkohok sa', tén sa' hentéhek negko'o exchep apkeláneykha.

1 Samuel 11:9

Keñe axta aptáha apkeláneya m'a ektáha axta apkelseykha amya'a, apkelwayam axta aphakxa': —Kóltennasák sa' apheykha nak Jabés, saka yetseksókhem sa' ólwagkassók teyp. Apkeltaqháwok axta makham ma'a ektáha axta apkelseykha amya'a, apkeltennássekxo m'a apheykha nak Jabés. Kelpayhékxók agko' axta apkelwáxok ma'a,

1 Samuel 15:13

Tén axta Samuel apmahágko m'a aphakxa axta Saúl, keñe axta Saúl aptáha apcháneya s'e: —Wesse' egegkok sa' epasmok. Élanak ko'o m'a apkeltémókxa axta alának Wesse' egegkok.

1 Samuel 23:21

Axta aptáhak apkeláneya Saúl se'e: —¡Dios sa' epasmok kéxegke eñama ektaqmeleykha kélwáxok séllányo ko'o!

1 Samuel 24:19

Hakte megkatnehek chá'a megyaqhe apkenmexma énxet apwet'a enxoho, megyohok chá'a eweynchamha. ¡Wesse' egegkok sa' eyke eyaqmagkásekxak ektaqmela setnéssesakxa nak ko'o exchep se'e sakhem nak!