2 Samuel 19:7 - Biblia Enxet

⁷ Etyep sa' se'e, wesse', elwasqakkásekxoho apkelxegexma'a egkések appeywa ektaqmela, hakte agkok etnessásak xa, naqsók ko'o sektáha yetlo sekxeyenma apwesey Wesse' egegkok, megyeymakpehek sa' xama enxoho aphakxa exchep sẽlpextétamo s'e axta'a nak. Asagkók agko' sa' xép katnehek ektáhakxa, wesse', megkaxók sa' ma'a apweteya axta chá'a aqsok ekmaso aptémakxa axta wokma'ák, ekwokmoho makham se'e kaxwo' nak.

2 Samuel 19:7 ပူးပေါင်းရင်းမြစ်များ

Génesis 34:3

Apmenyeyk apagko' axta m'a, apkeltamhók axta kataqmalmakha awáxok kalano'.

2 Samuel 19:6

Wesse', sakhem xép senxekmósa megkeytnakhassamo apwáxok ma'a apkelámha apmonye'e apagkok, keñe han ma'a apkeláneykha nak, hakte elásekhohok chá'a exchep ma'a aptaqnagko nak chá'a, keñe eltaqnaweygkok chá'a m'a apchásekhayo nak chá'a. Sakhem ko'o sekya'ásegkoho apxéna exchep wesse', kapayhekxak apwáxok megyetsapa enxoho m'a Absalón, keñe negko'o agmaskok negyókxoho.

Proverbios 14:28

Ekyawe apcheymákpoho etnehek wesse' apwányam ma'a apxámokma nak énxet'ák apagkok; mékoho eyke etnehek wesse' apwányam ma'a apqántawók enxoho énxet'ák apagkok.

Proverbios 19:15

Yentexek chá'a katnehek nenteyenma m'a negháxamáxkoho nak, meyk chá'a kaqhek ma'a apháxamákpoho nak chá'a etneykha.

Isaías 40:1

Aptáhak Dios kélagkok nak kéxegke s'e: “Kóltaqmelchessásekxa apkelwáxok énxet'ák ahagkok, kóltaqmelchessásekxa';

Oseas 2:14

“Wának sa' kamekxak makham awáxok ko'o: ay'aksek sa' yókxexma meykexa nak énxet, kataqmalmakha sa' sekpeywa alána'.