2 Samuel 19:12 - Biblia Enxet

¹² kólteme sa' kólának se'e: ¿yaqsa ektáha peya nak kóltéhek axayók héláneyha makham ataqhoho', énámakkok ahagko' ko'o kéxegke?

2 Samuel 19:12 ပူးပေါင်းရင်းမြစ်များ

Génesis 2:23

Axta aptáhak apwet'a s'e: “¡Cháxa ektáha ko'o ehápetek ahagko' xa, tén han ektáha exchakkok ahagko'! Atnéssesek sa' ekwesey kelán'a, hakte Dios axta keñamak aplekkesso énxet xa.”

Génesis 29:14

Aptáhak axta Labán apcháneya s'e: “Naqsók xép apteme émók ahagko'.” Aphegkek axta xamók Jacob Labán ekweykmoho xama pelten.

2 Samuel 19:41

Keñe axta apyókxoho israelitas apkelyo'ókmo m'a wesse' apwányam, axta aptáhak apcháneya s'e: —¿Yaqsa ektéma apmasma nak chá'a exchep ma'a egnámakkok nak énxet'ák Judá, wesse', appasmoma axta apkelyeykháseykekxo apnámakkok ma'a wátsam Jordán, tén han ma'a apyókxoho sẽlpextétamo apagkok, apxakcha'awók chá'a apmáheyok etnahágkok ma'a?

2 Samuel 19:42

Apkelátegmowágkek axta apyókxoho énxet'ák Judá m'a israelitas: —Egnámakkok egagko' negko'o m'a wesse' apwányam, megkólwanchek kéxegke kóllók. ¡Magásenneykekxak negko'o hegyánmagkassesek nentéyak ma'a wesse' apwányam! ¡Mehẽlmeseykegkok han ma'a aqsok sẽlmésso naqsa!

2 Samuel 5:1

Apkelmeyákxeyk axta apyókxoho énxet'ák Israel ma'a Hebrón, yaqwayam elpaqhetchesakpohok ma'a David, axta aptáhak apcháneya s'e: “Egnámakkok egagko' negko'o exchep,

2 Samuel 8:17

Apkelmaxnéssesso Dios énxet'ák apagkok axta eyke m'a Sadoc, Ahitub axta apketche, tén han ma'a Ahimélec, Abiatar axta apketche; Seraías axta eyke apnaqtáxéseyak chá'a weykcha'áhak ektémakxa axta chá'a apwete,

Jueces 9:2

—Éltamhók eykhe ko'o kólmaxneyha énxet'ák Siquem, ektaqmela etnehek xama énxet apkemha apmonye', háwe m'a apyókxoho nak setenta apketchek nak ma'a Jerubaal, hakte méko nélpaxqamáxche' egnámakkok egagko'.