2 Samuel 19:10 - Biblia Enxet

¹⁰ Keñe m'a Absalón, nenteméssessama axta negko'o wesse' apwányam egagkok, apketsapa neyseksa kempakhakma. ¿Yaqsa ektáha magáneyáncha'a makham ma'a wesse' apwányam David?”

2 Samuel 19:10 ပူးပေါင်းရင်းမြစ်များ

2 Samuel 15:14

Tén axta David aptáha apkeláneya m'a apkeláneykha, apheykha axta xamo' ma'a Jerusalén: —¡Ólxeganmok sa' se'e kaxwo' nak, hakte agkok antáhak xa, hẽlmok ma'a Absalón! ¡Nók, kólpekhesa, hẽltahanyekxa katnehek, keñe hennaqtawasagkoho', elnápok han apyókxoho énxet'ák apheykha nak se'e tegma apwányam, elyetxeygkok sókwenaqte!

2 Samuel 15:16

Apxegkek axta wesse' apwányam yetlo apkelxegexma'a m'a ekyókxoho ekheykha nak apxagkok, wánxa axta aqsa apkelheyásekxo diez kelán'ák apkelmeykha naqsa, yaqwayam enxoho kalanha m'a apxagkok apyawe.

2 Samuel 18:14

—Mowanchek ko'o aleyxek xép —axta aptáhak apchátegmowágko Joab; apkelmeyk ántánxo sawhéwa, apkelyetxaqkassek axta aphekhek Absalón neyseksa apmakheykha megyetsapakxa makham ma'a néten yámet ekyawe encina.

2 Samuel 19:11

Wokmek axta han apxagkok wesse' apwányam David xa apkelpaqmeyesma nak apyókxoho énxet'ák Israel. Yetlókok axta han apcháphássesso weykcha'áhak aptáxésso m'a apkelmaxnéssesso Dios énxet'ák apagkok Sadoc tén han Abiatar, aptáha apkeláneya s'e: Kólpaqhetchesaxkoho sa' kéxegke m'a apkelámha apmonye'e nak Judá, kólmaxneyha sa' yaqsa apkelhaxnégko heyáneyha ko'o makham amyekxak ma'a exagkok apyawe nak;

2 Samuel 19:40

Keñe wesse' apwányam apmahágko m'a Guilgal, yetlo apxegexma m'a Quimham, tén han ma'a apyókxoho énxet'ák nak Judá, keñe han ma'a nápakha énxet'ák nak Israel.

2 Samuel 19:9

Apkelpaqmetchek axta han apyókxoho énxet'ák Israel, aptáha chá'a apxéna s'e: “Ẽlmallahanchessegkek axta negko'o wesse' apwányam David, apmáheyo hẽlmok filisteos; Absalón axta eyke keñamak apteyapma negókxa'.

Oseas 8:4

“Meyke séltennasso ko'o apkelyéseykha m'a kelwesse'e apkelwányam apagkok, apkelyéseykha apkelámha apmonye'e apagkok meyke sekya'áseyak ko'o. Apkelmeykha sawo élmope élmomnáwa, tén han sawo ekyátekto ekmomnáwa apagkok yaqwayam elanagkok aqsok apcháyókxa, yaqwayam sa' enaqtawasakpohok apagko'.

Jueces 18:9

—Nélweynchámeyha negko'o m'a yókxexma nak, negwet'ak han ektaqmalma agko' ma'a xapop. ¡Nók! ¡Agketamagkok sa'! ¡Nágkólhakha aqsa xa kélhágkaxa nak, meyke kéllane xama aqsok! ¡Kéméxcheyk ólmahagkok agmok ma'a xapop nak!