2 Samuel 18:7 - Biblia Enxet

⁷ apmenxenákpek axta apkeleñama nak Israel, apmenxena m'a David axta apkelxegexma'a. Nentekyawa ekyawe axta yetnak xa ekhem nak, hakte apkeletsekkek axta veinte mil énxet.

2 Samuel 18:7 ပူးပေါင်းရင်းမြစ်များ

2 Samuel 15:6

Axta apteméssessók chá'a m'a apyókxoho énxet'ák nak Israel, ektáha axta apye'eykekxa chá'a m'a wesse' apwányam, yaqwayam enxoho etaqmelchessásekxak chá'a apheykha, keñe élmoma apkelwáxok apteméssessamakxa m'a énxet'ák Israel.

2 Samuel 18:6

Apkelxegkek axta m'a sẽlpextétamo yaqwayam elnapakpok ma'a sẽlpextétamo nak Israel. Axta kempakháxchek ma'a naxma nak yókxexma Efraín,

2 Samuel 18:8

Sawhekxók axta apkelnápomap xa ekyókxoho nak yókxexma, apxámok axta han élnapma m'a naxma nak, axta kaxnók ekwánxa élnapma m'a sókwenaqte.

2 Samuel 2:17

Asagkók agko' axta apkelnápomap xa ekhem nak, apyaqmásekpek axta m'a Abner, tén han ma'a sẽlpextétamo Israel, David sẽlpextétamo apagkok axta apmenxenak.

2 Samuel 2:26

Keñe axta Abner apyennaqtésa appeywa aptáha apcháneya Joab se'e: —¿Megkamassegwomeya s'e nentekyawa nak? ¿Ya ey'ásegkok peya hegmések aqsa éllapwámeyak egwáxok se'e aqsok nak? ¿Háxko sa' ekwánxa ekhem yának elwátésagkok énxet'ák apagkok apmenxeneykha m'a apkelyáxeg'a?

2 Samuel 2:31

Keñe axta m'a David sẽlpextétamo apagkok apkelnapa trescientos sesenta Benjamín énxet'ák apagkok, tén han Abner apkelxegexma'a.

2 Crónicas 28:6

Ciento veinte mil énxet'ák Judá axta apkelnapa Pécah xa ekhem nak, Remalías axta apketche, énxet'ák megyeye elmahagkok eyesagkexa axta xa apyókxoho nak, eñama apyámasma m'a Wesse' egegkok, Dios apagkok axta m'a apyapmeyk nano'.

Salmos 144:10

Xép, apkelmallahanchesso nak chá'a kempakhakma kelwesse'e apkelwányam; tén han apmallahanchesso axta m'a apkeláneykha David, hemallahanches ko'o neyseksa m'a sókwenaqte segaqhamo nak; nágyoho ko'o hemok ma'a pók énxet'ák nak, aptamheykegko nak chá'a apkelmopwancha'a amya'a, megkahaxanma nak chá'a etnahagkok apkelmopwancha'a amya'a elya'aksek néten apmek apkelya'assamakxa etnéssesek naqso' apkelpeywa.

Proverbios 11:21

Naqsók sa' kóllegássesagkohok ma'a énxet ekmaso nak aptémakxa', tásek sa' eyke katnehek apkelmallane m'a énxet'ák élpéwomo nak apkeltémakxa'.

Proverbios 24:21

Hatte, etne apcháyo Dios, tén han wesse' apwányam; ná epáxaqwom chá'a m'a apkelenmexeykha nak chá'a,