2 Samuel 18:33 - Biblia Enxet

³³ Teyekmek axta apwáxok wesse' apwányam, apmeyákxeyk axta m'a kañe' apxagkok, apyetnama axta m'a néten átog nentaxnamakxa nak tegma apwányam, keñe apkelekxagweyncha'a. Axta aptáhak chá'a appaqméteyncha'a neyseksa apweynchámeykha: “¡Absalón, hatte! ¡Absalón, hatte! ¡Tásók xeyk la'a ko'o watsapok, keñe exchep megyetsepe'! ¡Hatte, Absalón!”

2 Samuel 18:33 ပူးပေါင်းရင်းမြစ်များ

Génesis 21:11

Chaqhak axta apwáxok Abraham apleg'a xa, hakte apketche apagko' axta han ma'a.

2 Samuel 14:1

Apya'ásegkok axta Joab, Seruiá axta étche, apketamsamo apagko' wesse' apwányam ma'a apketche Absalón,

2 Samuel 19:1

Xama axta apkelleg'a apkelekxagweyncha'a wesse' apwányam ma'a énxet'ák, eñama apketsapma m'a apketche Absalón, apkelya'aweykxeyk axta apkeltennássekxo m'a Joab. Cháxa ekhem élyaqhápegkaxa axta apkelwáxok énxet'ák, axta elátseyha eñama apkelmallane.

2 Samuel 19:4

Keñe axta wesse' apwányam apchaqlasa apqátek, apyennaqtésawo appeywa aptáha s'e: “¡Absalón, hatte! ¡Absalón, hatte!”

Salmos 103:13

Eláhapmakha chá'a Wesse' egegkok ma'a ektáha nak chá'a apkeláyo, aptémól'a xama apyáp elának ma'a apketchek;

Éxodo 32:32

Éltamho eykhe elásekhekxohok aqsa; sa' agkok elásekhákxoho', ¡emasses sa' sekwesey aptáxésso axta m'a weykcha'áhak apagkok!

Proverbios 10:1

Salomón appeywa: Epeykessásekxak chá'a apwáxok apyáp ma'a kélketche apya'áseykegkoho nak aqsok; éntaxnésseshok eyke chá'a awáxok egken ma'a kélketche ekyeyháxma nak.

Proverbios 17:25

Ellókasek chá'a awáxok chána m'a kélketche ekyeyháxma nak, ellapwagkassesagkok nahan chá'a.