2 Samuel 18:32 - Biblia Enxet

³² Apkelmaxneyáha axta wesse' apwányam ma'a énxet Etiopía: —Kenhan ma'a Absalón, ¿táseya apha? Apchátegmowágkek axta énxet Etiopía: —Emassegwomho annal'a apkelenmexma nak xép, wesse', tén han ma'a apyókxoho apkenmexeykekxa nak chá'a exchep, tén han ma'a apmáheyo nak chá'a etnéssessamhok exma ekmaso exchep, ekhawo ektáhakxa nak ma'a wokma'ák nak.

2 Samuel 18:32 ပူးပေါင်းရင်းမြစ်များ

2 Samuel 18:21

Keñe axta Joab aptáha apcháneya xama sẽlpextétamo Etiopía: —Exeg xép, eltennássekxa wesse' apwányam aqsok apwete. Apháxahánteyk axta apmonye' Joab ma'a énxet Etiopía, tén axta aptepa apkenyaha.

2 Samuel 18:29

—¿Táseya apha m'a hatte Absalón? —axta aptáhak apkelmaxneyáncha'a wesse' apwányam. Apchátegmowágkek axta Ahimaas: —Ekleg'ak xeyk ko'o ekyawe agko' ekyennama exma seyáphasa exchek ma'a Joab, aptáha nak xép apkeláneykha, wesse', makke ay'ásegkok ektáhakxa'.

Salmos 109:20

¡Sa' etnéssesek Wesse' egegkok eyaqmagkásekxak setnéssessamakxa m'a sélenmexma, tén han sexéneykha nak chá'a ekmaso!

Daniel 4:16

Kalwánaqmak sa' ekteme énxet, máxa aqsok nawhak sa' katnekxa', siete apyeyam sa' kawomhok xa ekmaso nak ektáhakxa.

Daniel 4:19

“Keñe axta Daniel, kéltéma nak han Beltsasar, apwanmeya sekxo', ekyegwakkasa m'a ektáhakxa axta apwáxok. Ektáhak axta ko'o seyáneya, sektáha nak wesse' apwányam: ‘Beltsasar, nágkatnéssesha aqsa apwáxok sekwanmagko, sekwete exchek ko'o, keñe han yaqwayam nak héltennaksek.’ Aptáhak axta Beltsasar apchátegmowágkokxo: ‘¡Hay, wesse' apwányam, kalpehewakxoho annal'a apkelenmexma xa ektáhakxa nak apwanmagko!

Jueces 5:31

“¡Wesse', sa' kóltéhek kólmasséssók apyókxoho apkelenmexma xa, elyenmok sa' ma'a apchásekhayo nak chá'a, ektémól'a ekhem kalsaksek exma kaltátchesek!” Keñe axta ektéma meyke ektáhakxa apheykha énxet'ák natámen xa, ekweykmoho cuarenta apyeyam.

1 Samuel 25:26

Ekya'ásegkók ko'o megya'awo elnápok xép énxet'ák ma'a Wesse' egegkok, tén han megya'awo exnéshok mók ma'a apteméssessamakxa'. ¡Éltamhók ko'o etnéssesek Wesse' egegkok, Nabal ma'a apteméssesakxa enxoho apyókxoho m'a apkelenmexma nak chá'a exchep, tén han apmáheyo nak chá'a etnéssessamhok exma ekmaso!