2 Samuel 18:31 - Biblia Enxet

³¹ Yetlókok axta han apweykekxa m'a énxet Etiopía, keñe aptáha s'e: —Ema sa' takha' s'e amya'a ektaqmalma seksántegkesa nak, wesse': sakhem ektaqmela apteméssesakxa exchep ma'a Wesse' egegkok, apmallahanchesa nepyeseksa m'a apyókxoho apkenmexeykekxa axta chá'a exchep, wesse'.

2 Samuel 18:31 ပူးပေါင်းရင်းမြစ်များ

2 Samuel 18:19

Keñe axta han Ahimaas, Sadoc axta apketche, aptáha apcháneya m'a Joab: —Éltamhók eykhe ko'o yoho atnetchagkokxak altennássekxak wesse' apwányam, ektaqmela apteméssesakxa Wesse' egegkok apmallahanchesa nepyeseksa m'a apkelenmexma nak.

2 Samuel 18:28

Apyepetchegwokmók axta Ahimaas, keñe apháxahánto ekwokmoho aptekxekwa'akto nápat xapop nápaqtók wesse' apwányam, appeykessek axta, keñe aptáha apcháneya s'e: —Apcheymákpoho sa' kólteméssesek Wesse' egegkok, Dios apagkok nak xép wesse', hakte apmasséssekmek ma'a apkenmexeykekxa axta exchep wesse'.

2 Samuel 18:30

Tén axta wesse' apwányam aptáha apcháneya: —Etnegwom sekxók á, etnamha sa' aqsa xa. Apkelyahákxók axta han Ahimaas.

Salmos 58:10

Kalpayhekxak sa' apkelwáxok kélyaqmagkassásekxo enxoho kélteméssessamakxa m'a apkelpéwomo nak; ¡elyássesek sa' apmagkok éma apagkok ma'a élmasagcha'a nak apkeltémakxa!

Daniel 4:19

“Keñe axta Daniel, kéltéma nak han Beltsasar, apwanmeya sekxo', ekyegwakkasa m'a ektáhakxa axta apwáxok. Ektáhak axta ko'o seyáneya, sektáha nak wesse' apwányam: ‘Beltsasar, nágkatnéssesha aqsa apwáxok sekwanmagko, sekwete exchek ko'o, keñe han yaqwayam nak héltennaksek.’ Aptáhak axta Beltsasar apchátegmowágkokxo: ‘¡Hay, wesse' apwányam, kalpehewakxoho annal'a apkelenmexma xa ektáhakxa nak apwanmagko!

Jueces 5:31

“¡Wesse', sa' kóltéhek kólmasséssók apyókxoho apkelenmexma xa, elyenmok sa' ma'a apchásekhayo nak chá'a, ektémól'a ekhem kalsaksek exma kaltátchesek!” Keñe axta ektéma meyke ektáhakxa apheykha énxet'ák natámen xa, ekweykmoho cuarenta apyeyam.