2 Samuel 17:10 - Biblia Enxet

¹⁰ kawomhok sa' eyeygwayam apkelwáxok ma'a sẽlpextétamo apkelyennaqte apkello apho nak méwa; apkelya'ásegkók Israel ma'a apyáp nak xép, tén han ma'a apkelxegexma'a, apteme énxet'ák apkelyennaqte.

2 Samuel 17:10 ပူးပေါင်းရင်းမြစ်များ

Génesis 49:9

¡Xép, hatte Judá! aphawók xép ma'a méwa étkok eksawhomal'a katwok ekyógkexma, keñe keytek náxop, ektémól'a m'a méwa ekyawel'a megkólmowánal'a kólya'aksek exma.

2 Samuel 1:23

“Apkelásekhamakpók axta han xa apqánet nak Saúl tén han Jonatán, mekxeykpók axta chá'a, ekwokmoho apkeletsapa. ¡Apmelyeyha'ak axta yenyahagkok, apyeykhásseykmók axta m'a náta ekyawe nak! ¡Apmelyeyha'ak axta, apyeykhásseykmók axta yámakméwa!

2 Samuel 17:9

Apyexanmeyk kexa kaxwók ma'a meteymog áxwa, essenhan han ma'a mók nekha. Legáxcheyk sa' agkok amya'a aptekyawa nápakha m'a sẽlpextétamo apketámeyak apmonye', ñohók sa' chá'a etnehek exének énxet ektáha enxoho aplege amya'a, apmenxenákpo m'a apkelxegexma'a,

2 Samuel 23:20

Xama énxet apyennaqte axta han ma'a Benaías, Joiadá axta apketche, apteme axta énxet Cabseel, xámok axta aqsok apkelane. Axta apkelnapma m'a apqánet apketchek axta Ariel, apkeñama axta Moab. Aptaxneyk axta máxek apteyekmo yeyam, cha'a apchaqhakxa axta han méwa m'a kañe' nak.

Salmos 89:19

Apkelpaqhetchessegkek axta exchep apkeláneykha apteme axta melyenyaweykha, cham'a nanók agko' axta, apkelwanmagko axta eyke. Axta aptemék apkelanagkama s'e: “Élyesáha ko'o xama apyennaqte énxet'ák ahagkok, néten agko' kéláyo nahan ektemessásak, ekpasmeyk nahan.

Éxodo 15:15

meyke apkelwasqapma sa' etnahagkok eñama apkelaye m'a apkelámha apmonye'e nak sẽlpextétamo yókxexma Edom, elpexyennók sa' apkelaye m'a apkelámha apmonye'e nak kempakhakma m'a yókxexma Moab, kamaskok sa' apkelyennaqte m'a apyókxoho énxet'ák Canaán.

Proverbios 28:1

Méko eykhe chá'a kayaqmaksek ma'a ekyeyháxma nak, exyenmok aqsa chá'a, méko eyke katnehek chá'a apkelakakxa m'a apkelpéwomo nak, máxa etnahagkok ma'a ektémól'a yámakméwa.

Cantares 3:7

¡Neykhe Salomón apchántél'a! Appasmokmek nahan apxegakmo sesenta sẽlpextétamo apkelyennaqte apagko' nak ma'a Israel;

Isaías 13:7

Keñe sa' kalyelqaxchek apaktegák ma'a apyókxoho énxet, kamaskok sa' élyennaqte apkelwáxok ma'a apyókxoho,

Isaías 19:1

Egipto ekxénamaxche yaqwánxa kólteméssesek. Kóllano Wesse' egegkok: Apxegakmek néten yaphope ekyennaqte ekxega apmeyókmo m'a Egipto. Kelpexyennegkek apmonye' m'a aqsok kéláyókxa nak Egipto, apkelakawók apagko' ma'a egipcios.

Ezequiel 21:15

Kóleyk sa' chá'a kéxegke xa, apxámok sa' katnehek élnapma. Eknegkenchessek ko'o sókwenaqte ekyetnamo nak ekyógkexma m'a apyókxoho kélxanák nak. Cháxa sókwenaqte kélyenmáseykekxa yaqwayam chá'a kalyenmaksexma xa; kélmaxneyeykekxa yaqwayam kalának chá'a nentekyawa.

Deuteronomio 1:28

¿Háxko sa' eyke ólmahagkok kaxwo'? Apkelxénchek xeyk negókxa xamo', apheykencha'a énxet apkelyennaqte m'a tén han apkelwenaqte maghawo nak negko'o. Apkelxénchek xeyk nahan apheykegko tegma apkelyawe netna'awók kélhaxtegkesso meteymog nepyáwa m'a. Apkelxénchek xeyk apkelwet'a nahan ma'a Anac aptawán'ák neptámen, cham'a xama énxet apwenaqte axta. Cháxa sẽlyélaqtéssessekmo nak negko'o egwáxok negyókxoho xa.’

1 Samuel 16:18

Keñe axta xama xa énxet'ák nak aptáha s'e: —Ekweteyak ko'o xama m'a Jesé nak apketchek, apha nak Belén, apwanchek epáwaksek arpa m'a; sẽlpextétamo apyennaqte han ma'a, tásek han chá'a katnehek appeywa; tásek han apyókxa', apxegexma han aptemék ma'a Wesse' egegkok.

1 Samuel 18:17

Keñe axta Saúl aptáha apcháneya m'a David: —Agkések sa' ko'o exchep ma'a Merab, hatte katnaha étkok yaqwayam etnehek aptáwa', aptáha enxoho kempakhakma yáp ahagkok megyeye emhagkok eyesagkexa', apkempakhássesa enxoho m'a Wesse' egegkok. Xeyenmeyk axta apwáxok Saúl megyaqhehek apagko' ma'a, hakte filisteos axta xeyenmak apwáxok yaqhek.