2 Samuel 16:8 - Biblia Enxet

⁸ ¡Wesse' egegkok aplegassásegkohok xép ekyaqmageykekxa m'a ekyókxoho aqsok ekmaso apkelane, apteméssessamakxa m'a Saúl apnámakkok, yaqwayam eyaqmagkasek apteme wesse' apwányam! ¡Absalón kaxwók apmeyásekxak Wesse' egegkok ma'a aptémakxa nak wesse' apwányam, cham'a apketche nak xép, sexnenakkek aptémakxa exchep, hakte ekyetno apyógkexma'!

2 Samuel 16:8 ပူးပေါင်းရင်းမြစ်များ

2 Samuel 1:16

axta aptáhak apcháneya David se'e: —Apsexnánémap apagko' xép apmatñà, hakte xép apagko' xeyk apxénak ektáha apteme apchaqhe m'a wesse' apwányam, ektáha axta Wesse' egegkok apkelyéseykha.

2 Samuel 19:19

axta aptáhak apcháneya s'e: —Wesse', éltamhók eykhe ko'o megkaxénwakxók apwáxok ma'a sekteméssessamakxa axta ekmaso, apteyapma axta Jerusalén. Nágkalow apwáxok hélano',

2 Samuel 19:21

Tén axta Abisai, Seruiá axta étche, aptáha s'e: —Payhawo neykhe emátog ma'a Simí, eñama apyemneykha wesse' apwányam, apkelyéseykha axta Wesse' egegkok!

2 Samuel 21:1

Teyepmeyk axta meyk segaqhe neyseksa apteme wesse' apwányam David ekweykmoho apqántánxo apyeyam. Tén axta David appaqhetchessama Wesse' egegkok, axta aptemék apchátegmoweykegko Wesse' egegkok: “Saúl aptémakxa ekmaso keñamak ektepa meyk segaqhe, tén han apkeltémakxa m'a apnámakkok, hakte apkelnapmeyk ma'a gabaonitas.”

2 Samuel 21:9

keñe apkelmésa m'a énxet'ák Gabaón, apkelchexnágkek axta m'a néten nak egkexe, nápaqtók ma'a Wesse' egegkok. Cháxa ektáhakxa axta apkeletsapa apyókxoho xa siete nak, eyeynókxa axta émha amonye' ekhem apnakxamap ma'a apho hótáhap.

1 Reyes 2:8

Apheyk makham xamo' xép ma'a Simí, Guerá apketche, apteme nak benjaminita, apkeñama nak Bahurim. Cha'a apkeltémo axta ko'o hetnégwomhok exma ekmaso sekmaheykegko axta m'a Mahanaim. Keñe axta natámen sélanyexeykegko semoma takha' m'a wátsam nak Jordán, tén axta ko'o sekteméssesa naqsók agko' yetlo sekxeyenma Wesse' egegkok apwesey magwaqhehe'.

Salmos 3:2

¡apxámok apagko' énxet'ák apteme nak chá'a ko'o sexeyenma s'e: “Mewagkasek teyp Dios!”

Salmos 4:2

Kéxegke kélanagko nak chá'a kóltáhak énxet ekha kéláyo, ¿háxko sa' ekwánxa ekhem kammok kélenmexeykha m'a ektémakxa nak ko'o meyke sektémakxa? ¿háxko sa' ekwánxa ekhem kammok kélmámenyého m'a aqsok ekteme nak mékoho, tén han kélchetamso m'a aqsok megkamámnaqsoho nak?

Salmos 7:4

¿Ekmaso enxeykel'a ekyaqmagkáseykekxak setnéssessamakxa ektaqmela émók? ¿Ektawáseykegkók enxeykel'a ko'o meykexho ektáhakxa m'a sénmexma nak?

Proverbios 26:2

Sẽlyemneykha ekmaso meykexho aqsok sensexnenagko, megkáhapwék ma'a ektáha nak chá'a kélyemneykha, máxa m'a kesña'ay apxegányam la'a, tén han ma'a ektémól'a yeptameygmen meyke nak axagkok.

Jueces 9:24

yaqwayam enxoho kayaqmegekxak ma'a apkelnapma axta setenta apketchek axta Jerubaal ma'a Abimélec, yaqwayam enxoho kayaqmegekxak eñama appasmo m'a apheykha nak Siquem.