2 Samuel 16:4 - Biblia Enxet

⁴ —Hoy —axta aptáhak apchátegmowágko wesse' apwányam—, xép kaxwók apagkok ekyókxoho ektáha axta apagkok ma'a Mefi-bóset. —¡Kataqmalmakha annal'a chá'a apwáxok xép hélano', wesse'! —axta aptáhak apchátegmowágko Sibá, apháxaha apmonye' m'a wesse' apwányam.

2 Samuel 16:4 ပူးပေါင်းရင်းမြစ်များ

2 Samuel 14:22

Keñe axta Joab apháxahánto ekwokmoho aptekxekwa'akto nápat xapop apxekmósa apcháyo, taqmeláha axta appeywa apkelana wesse' apwányam, keñe aptáha apcháneya: —Sakhem ko'o sekwet'a ektémakxa ekleklamo apwáxok apkelányo sektáhakxa exchep, wesse', hakte apkelanak xép ma'a, wesse', séltamhókxa axta ko'o katnehek.

2 Samuel 14:4

mahágkek axta aphakxa wesse' apwányam xa kelán'a eñama nak Tecoa, háxegwokmek axta apmonye' ekwokmoho ektekxekwa'akto nát xapop ekxekmósa eyáyo, axta táhak eyáneya s'e: —¡Hepásem ko'o, wesse' apwányam!

2 Samuel 14:8

Keñe axta wesse' apwányam apchátegmowágko m'a kelán'a: —Kataqhekxa axagkok, méko sa' katnehek xeye'.

2 Samuel 16:3

—¿Háxko apmahágkaxa m'a wesse' apagkok axta aptáwen? —axta aptáhak apkelmaxneyáncha'a m'a wesse' apwányam. —Aphákxeyk ma'a Jerusalén —axta aptáhak apchátegmowágko Sibá—, hakte apkeneykek egkeyásekxak israelitas ma'a apchókxa', apagkok axta m'a apyáta' Saúl.

2 Samuel 16:5

Xama axta apwokmo wesse' apwányam David ma'a Bahurim, apyephagwa'ak axta han xama énxet apkeñama m'a, Saúl axta apnámakkok. Guerá axta apketche m'a, Simí axta apwesey, apyemneyha axta,

2 Samuel 19:27

Asagkek axta ko'o sexéneykha nápaqtók xép wesse'. Hetnéssesek sa' eyke exchep apmakókxa enxoho hetnéssesek, wesse', aphémo nak Dios apchásenneykha.

2 Samuel 9:6

xama axta apwokmo Mefi-bóset ma'a aphakxa nak David, cham'a Mefi-bóset Jonatán axta apketche, Saúl axta aptáwen, apháxahánteyk axta apxekmósa ekha apcháyo. —¡Mefi-bóset! —axta aptáhak David. —Ko'o s'e, sektáha nak apkeláneykha wesse' —axta aptáhak apchátegmowágko.

2 Samuel 9:9

Keñe axta apwóneyncha'a wesse' apwányam ma'a Sibá, nanók apkeláneykha axta m'a Saúl, aptáhak axta apcháneya: —Élmeyásekxeyk ko'o ekyókxoho aqsok apagkok axta wesse' apagkok ma'a aptáwen, keñe han apagkok axta m'a aphawóxama.

Éxodo 23:8

“Ná ema aqsa exkak aqsok kélmésso naqsa yaqwayam mexének ektemegweykmohóxma, hakte ekho meyke apaqta'ák chá'a katnéssesek énxet kélmésso nak chá'a xa ektéma nak aqsok, néxa nahan chá'a katnéssessamhok aqsok apxeyenma m'a énxet meyke nak aptémakxa.

Proverbios 18:13

Segyeyháxma m'a negátegmowéyak nak chá'a heykxa amonye' nenlege, hegmegqaksek chá'a.

Proverbios 18:17

Agának chá'a naqsók aptáhakxa appeywa m'a énxet appaqmeyesma nak chá'a apmonye' exének aptáhakxa', keñe apwa'a enxoho m'a apkenmexma etnéssesek apmopwána amya'a.

Proverbios 19:2

Asagkek agmáwhok agko' anlának aqsok meyke nak sekxók élchetámeykha egwáxok; magaqhók chá'a m'a nempekhésa enxoho chá'a.

Deuteronomio 19:15

“Apxakkók sa' agkok chá'a apxeyenma apmáheyo esexnenak pók énxet, megkamaxcheyk sa' chá'a appeywa exének apkelane aqsok ekmaso agko' xama énxet, essenhan ma'a aqsok megyaqhémo. Wánxa sa' aqsa chá'a kamaxchek apkelxeyenma apmáheyo esexnenak pók ma'a apheyncha'a enxoho apqánet essenhan apqántánxo apkelxeyenma.