2 Samuel 16:2 - Biblia Enxet

² Apkelmaxneyáha axta m'a wesse' apwányam: —¿Yaqsa apmako etnéssesek se'e ekyókxoho aqsok nak? Apchátegmowágkek axta Sibá: —Yámelyeheykok yaqwayam elchántek ma'a apnámakkok nak; keñe s'e pán nak, tén han aqsok ekyexna yaqwayam etawagkok ma'a sẽlpextétamo, keñe s'e vino nak yaqwayam énagkok ma'a apkelyampágwayam nak yókxexma meykexa énxet.

2 Samuel 16:2 ပူးပေါင်းရင်းမြစ်များ

Génesis 21:29

Keñe axta aptáha Abimélec apkelmaxneyáncha'a s'e: —¿Yaqsa ektáha apkelyetnakhasa nak xa siete nepkések nak?

Génesis 33:8

Aptáhak axta han Esaú apkelmaxneyáncha'a s'e: —¿Yaqsa peya etnéssesek xa apnaqtósso sekwet'a nak ko'o élxegakmo emonye' élyaqyahéyak nak kélexpánchesso? —Yaqwayam kataqmalmakha apwáxok hélano' —axta aptáhak apchátegmowágko Jacob.

2 Samuel 15:1

Keñe axta natámen xa, apkeltémo kóltegyeksek xama yátnáxeg apyenyawasso apkenchesso kempakhakma yetlo yátnáxeg ma'a Absalón, aptegya'ak axta han cincuenta sẽlpextétamo yaqwayam etnehek aptaqmelchesso.

2 Samuel 15:23

Axta eleyságkohok apkellekxagweyncha'a m'a apyókxoho énxet'ák nak. Apyókxoho axta apkelyeykhákxak ma'a alwáta étkok Cedrón; keñe apyeyk'a han ma'a wesse' apwányam, apyókxoho énxet'ák axta apkelxegak apmonye' apkelmahágko m'a ámay ekpayho nak meykexa énxet.

2 Samuel 17:29

yányawhéna' apyegmenek, weyke nagkeygmenek ekyennaqte, tén han kaxwe kélyennaqtésso, eñama nak weyke nam'agkok apyegmenek, keñe han nepkések, yaqwayam etwok ma'a David tén han ma'a apkelxegexma'a; hakte xénchek axta apkelwáxok apkelyampa'awo tén han élnapa meyk, keñe han élnapa hem, apkeleñama apkelxegakmo m'a yókxexma meykexa nak énxet.

2 Samuel 19:26

Apchátegmowágkek axta: —Seyásenneykha axta ko'o élyexancháseykha, wesse', éltamhók axta eykhe héltahanchessesek yámelyeheykok yaqwayam wántek ay'ókxak xép, wesse', hakte élyelqamáxche eyay'ák ko'o.

Ezequiel 37:18

Aptemék sa' agkok yának apchókxa xamók se'e: ‘Hẽltennés hana negko'o ektémakxa xa aqsok nak’,

Jueces 10:4

Treinta axta apyókxoho apketchek ma'a Jaír, xama xama axta chá'a apkelchánte yámelyeheykok. Yetneyk axta han chá'a xama tegma apwányam apagkok apagko' ma'a Galaad. Cháxa treinta tegma apkelyawe nak, makhemek makham kélteme “Jaír tegma apkelyawe apagkok”.

Jueces 5:10

“Kólteme sa' kéxegke s'e kélchántamo nak chá'a yámelyeheykok élmope; keñe han kéxegke, kélheykha nak chá'a néten keltahanchesso; tén han kélxega nak chá'a:

1 Samuel 14:28

Tén axta aptáha apcháneya xama sẽlpextétamo israelitas se'e: —Apméssek xeyk appeywa ekmámnaqsoho sẽlpextétamo m'a apyáp, apxéna kóllegássesagkohok ektáha enxoho ekto xama aqsok se'e sakhem nak. Cháxa keñamak ekmassa agko' nak apkelyenna énxet'ák.

1 Samuel 25:27

Éltamhók ko'o emlaskok kaxwók apkeláneykha ektáha nak apkelxegexma'a s'e aqsok sélmésso naqsa sélsókasakmo nak,