2 Samuel 15:23 - Biblia Enxet

²³ Axta eleyságkohok apkellekxagweyncha'a m'a apyókxoho énxet'ák nak. Apyókxoho axta apkelyeykhákxak ma'a alwáta étkok Cedrón; keñe apyeyk'a han ma'a wesse' apwányam, apyókxoho énxet'ák axta apkelxegak apmonye' apkelmahágko m'a ámay ekpayho nak meykexa énxet.

2 Samuel 15:23 ပူးပေါင်းရင်းမြစ်များ

2 Samuel 15:22

—Hoy, hẽlyetlow sa' —axta aptáhak apchátegmowágko David. Apxegkek axta Itai apyetlawa m'a David, yetlo m'a apyókxoho énxet'ák apagkok, keñe han ma'a énxet'ák ektáha axta apkelxegexma'a.

2 Samuel 15:28

Sa' eyke ko'o axnamok ma'a ekpayhegweykenxa nak xapop ma'a meykexa énxet, ekwokmoho ekwa'akto makham amya'a sekhakxa' ektáhakxa kélheykha kéxegke.

2 Samuel 16:2

Apkelmaxneyáha axta m'a wesse' apwányam: —¿Yaqsa apmako etnéssesek se'e ekyókxoho aqsok nak? Apchátegmowágkek axta Sibá: —Yámelyeheykok yaqwayam elchántek ma'a apnámakkok nak; keñe s'e pán nak, tén han aqsok ekyexna yaqwayam etawagkok ma'a sẽlpextétamo, keñe s'e vino nak yaqwayam énagkok ma'a apkelyampágwayam nak yókxexma meykexa énxet.

1 Reyes 15:13

Apkelwátéssessegkek axta han ekteme wesse' ekwányam apyáma' Maacá, hakte keltémok axta kóllanaksek ma'a kéleykmássesso Aserá. Apkelekkexeykekxeyk axta Asá m'a kéleykmássesso nak, keñe apkelwatnegweykmo m'a alwáta' nak Cedrón.

1 Reyes 2:37

hakte aptekkek sa' agkok apyeykhákxo enxoho m'a alwáta' nak Cedrón, ey'asagkoho sa' peya yetsapok, apsexnánémap apagko' sa' etnehek.

2 Crónicas 29:16

Keñe axta apkelántaxna kañe' tegma appagkanamap ma'a apkelmaxnéssesso nak Dios énxet'ák apagkok, yaqwayam yáxñásekxoho'. Apkelántekkessek axta ekyawakxa apwáxok tegma m'a ekyókxoho aqsok élmanyása nak, apkelwetágwayam axta m'a kañe' tegma nak, apkelsókek axta levitas ma'a alwáta nak Cedrón.

Jeremías 31:40

Hélpagkanchesek sa' ko'o ekyókxoho m'a ekyapwátegweykenxa xapop, kélátawanyamakxa nak chá'a apkeletsapma, kélchexakhamakxa nak han chá'a m'a táhap, tén han ma'a ekyókxoho yókxexma ekheykegko nak ma'a ényahamakxa nak yegmen Cedrón, ekweykekxoho m'a máséyak ekwesey nak Átog Yátnáxeg, ekpayho nak teyapmakxa ekhem, megkólyaqnegkesagkek sa' chá'a kaxwók xama enxoho xa ekyókxoho nak, megkólmasséssemek sa' nahan.”