2 Samuel 15:20 - Biblia Enxet

²⁰ Hemaxta axta exchep apwa'a, ¡megkapayhawok ko'o wának hẽlyetlógmak xép, may'ásegkok han ko'óxa yaqwánxa amhagkok! Tásek etaqhoho', enaqlakxohok han ma'a appeywomo xamo'. ¡Wesse' egegkok sa' epasmok, etnehek sa' chá'a apxegexma megkatnégwayam néxa!

2 Samuel 15:20 ပူးပေါင်းရင်းမြစ်များ

2 Samuel 2:5

apkeláphássek axta apkelásenneykha David apkeltamho etnehek elának se'e: “Wesse' egegkok sa' epasmok kéxegke eñama ektaqmalma kélteméssessamakxa Saúl, wesse' kélagkok axta, kélátawanyama.

2 Samuel 2:6

Kataqmalmakha sa' apwáxok elanok kéxegke Wesse' egegkok, mekxeyha sa' nahan. Ataqmelchesek sa' ko'óxa sekteméssesakxa kéxegke eñama kélteme xa.

Salmos 25:10

Enaqlakxak chá'a yetlo apkelásekhayo, tén han melyenyaweykha m'a ektáha nak chá'a apkeláneyak ekhémo mók nélpaqhetchásamáxkoho apagkok nak, tén han ma'a apkeltémókxa nak antéhek.

Salmos 56:8

Apya'ásegkok xép sélyexanmeykencha'a; apkelyetsáteykegkek xép ekwánxa ahaqta'ák égmen'ák. ¿Ya etáxéssók xép weykcha'áhak apagkok xa?

Salmos 57:3

Néten sa' kañék heyátegmowagkok tén sa' hewagkasek teyp, nepyeseksa m'a énxet'ák apkellómo apagko' nak setwáseykegkoho, hexekmósek sa' ko'o seyásekhayo m'a Dios, tén han apteme apmámnaqsoho.

Salmos 61:7

etnehek sa' chá'a wesse' apwányam yetlo appasmo exchep. Etaqmelches sa' yetlo apchásekhayo, tén han meyenyaweykha;

Salmos 61:8

keñe sa' alteméssesek chá'a ko'o eyeymáxkoho apwesey meyke néxa, alának sa' chá'a ko'o aqsok sekxeyenma alának yókxoho ekhem.

Salmos 85:10

Keypetchekxak sa' segásekhayo m'a ektémakxa nak mehegyenyaweykha, kapathétekxak sa' mók ma'a meyke ektáhakxa nak negha, tén han ekpéwomo nentémakxa,

Salmos 89:14

Appekkenmeyk apkelánekxésso ektaqmalma apheykha énxet'ák ma'a aptémakxa nak wesse' apwányam, tén han ekpéwomo agko'; wetamaxcheyk segásekhayo, tén han mehenyenyaweykha eñama m'a aptémakxa nak chá'a aqsok apkelane.

Proverbios 14:22

Elxegánegwók chá'a ámay apagkok ma'a énxet'ák apmáheyo nak chá'a elanagkok aqsok ekmaso; keñe m'a énxet apmáheyo nak chá'a elának aqsok ektaqmela, yásekhakpohok chá'a, kólpasmaha han.

Proverbios 3:3

Ná eyensem ektémakxa negásekhayo egmók tén han ekmámnaqso' agko'; eswoho chá'a apmahágkaxa enxoho, ektémól'a agkexnek egyespok ma'a nennatanma. Elqahés apwáxok,

Amós 8:12

Elweynchamha sa' aqsa m'a énxet'ák, etegyagkok Wesse' egegkok appeywa, esawhekxohok sa' apkelweynchámeykha m'a wátsam élyawe nak, eyeynamo m'a nexcheyha nak, ekweykekxoho m'a ekteyapmakxa ekhem nak, melwetágwomek sa' eyke.

1 Samuel 23:13

Tén axta David yetlo apkelxegexma'a apkelántepa m'a Queilá, ketók seiscientos axta han apyókxoho, apkelweynchámeykha axta aqsa. Xama axta apleg'a amya'a Saúl apxeganakmo aptepa David ma'a Queilá, apkelwátéssekmek axta yaqwayam ey'ammok.