2 Samuel 15:16 - Biblia Enxet

¹⁶ Apxegkek axta wesse' apwányam yetlo apkelxegexma'a m'a ekyókxoho ekheykha nak apxagkok, wánxa axta aqsa apkelheyásekxo diez kelán'ák apkelmeykha naqsa, yaqwayam enxoho kalanha m'a apxagkok apyawe.

2 Samuel 15:16 ပူးပေါင်းရင်းမြစ်များ

2 Samuel 12:11

Ektáhak ko'o sekpeywa s'e, sektáha nak Wesse': Wának sa' ko'o katyapok aqsok ekmaso nepyeseksa apnámakkok, nápaqtók sa' ko'o exchep almok apnaqteyegka'a, keñe sa' almések xama m'a apnámakkok nak, elpathetagkok sa' yáxña'akxoho ekhakxoho ekhem.

2 Samuel 12:2

Apxámok axta nepkések apnaqtósso m'a énxet ekxákma axta aqsok apagkok, tén han weyke,

2 Samuel 15:15

Keñe axta aptáha apkelátegmowágko m'a wesse' apwányam: —Ólyahakxohok sa' negko'o xa aptáhakxa nak sẽláneya, wesse'.

2 Samuel 15:17

Apchaqnágwokmek axta aptáhakxa nak napwo'ók tegma apwányam, natámen apteyapma wesse' apwányam yetlo apkelxegexma'a.

2 Samuel 19:10

Keñe m'a Absalón, nenteméssessama axta negko'o wesse' apwányam egagkok, apketsapa neyseksa kempakhakma. ¿Yaqsa ektáha magáneyáncha'a makham ma'a wesse' apwányam David?”

2 Samuel 20:3

Xama axta apwákxo David ma'a apxagkok apyawe, apyetnama nak Jerusalén, apnaqlákxeyk axta m'a diez kelán'ák apkelmeykha naqsa, apkeltémo axta kalánésha apxagkok apyawe, apkelhéssakxeyk axta kañe' tegma apkeltamho kóllanha. Axta han kélláneykha chá'a m'a, massegkek axta apkelpathetéyak, máxa tampe' axta tamheykegkok ekwokmoho életsapa.

Salmos 3:1

Wesse', apxámok apagko' ko'o sélenmexma, apxámok apagko' ma'a sénmexeykha nak ko'o,

Jueces 4:10

Cham'a apkeláneyágkaxa axta han Barac Zabulón énxet'ák apagkok ma'a, tén han Neftalí, apchánchesákxeyk axta diez mil sẽlpextétamo, yaqwayam enxoho enaqlók. Yetlókek axta m'a Débora.

1 Samuel 25:27

Éltamhók ko'o emlaskok kaxwók apkeláneykha ektáha nak apkelxegexma'a s'e aqsok sélmésso naqsa sélsókasakmo nak,

1 Samuel 25:42

Yetlókok axta han émpeykekxa néten Abigail élnaqtameyncha'a, chánteyk axta yámelyeheykok, yetlo élxegexma'a cinco éláneykha, kelxegkek axta neptámen ma'a David apkelápháseykha, meyk axta han ektáha atáwa' m'a.