2 Samuel 14:17 - Biblia Enxet

¹⁷ Élhaxneyk ko'o kamasseksek ektamheykha ewáxok appeywa nak xép, wesse', hakte apwanchek xép etnéssesek megkaxnémo mók ma'a aqsok ektaqmela nak, tén han aqsok ekmaso, aptéma nak ma'a Dios apchásenneykha. ¡Dios, Wesse' apagkok sa' epasmok xép, wesse'!

2 Samuel 14:17 ပူးပေါင်းရင်းမြစ်များ

2 Samuel 14:18

Apchátegmowágkek axta kelán'a m'a wesse' apwányam: —Héltennés sa' ekyókxoho m'a sekmako nak almaxneyha. —Wesse', hélmaxneyha —axta táhak eyátegmowágko.

2 Samuel 14:20

Apkelanak eyke yaqwayam eykhe emasséssók ektáhakxa nak kaxwo'. Apwanchek apagko' eyke exchep aqsok, wesse', apya'áseykegkoho ekyókxoho aqsok ektémakxa nak apchókxa', máxa m'a Dios apchásenneykhal'a.

2 Samuel 19:27

Asagkek axta ko'o sexéneykha nápaqtók xép wesse'. Hetnéssesek sa' eyke exchep apmakókxa enxoho hetnéssesek, wesse', aphémo nak Dios apchásenneykha.

2 Samuel 19:28

Payhawók axta eykhe etekyók apyókxoho énámakkok nápaqtók xép wesse', eyáneyeykha axta eyke ko'o exchep atwohok sekto xamo' ma'a aptamakxa nak chá'a apto exchep, wesse', ko'o sekteme nak apkeláneykha. ¡Mowanchek kaxwók xép almaxnak aqsok, wesse'!

1 Reyes 3:28

Apyókxoho énxet'ák Israel axta apkellegeyk ektémakxa apyekpelchémo wesse' apwányam, apkeltémókxa kólteméssesek, keñe axta aptéma apcháyo, hakte apkelweteyak axta ektémakxa Dios apméssama apya'áseykegkoho aqsok yaqwayam elánekxések amya'a énxet'ák.

1 Reyes 3:9

Hegkés ko'o ekya'áseykegkoho ewáxok yaqwayam alanha m'a énxet'ák apagkok, yaqwayam enxoho eykpelkohok ma'a ektaqmela tén han ma'a ekmaso nak; ¡hakte méko awanchek kaltaqmelchesek se'e énxet'ák apagkok apxámokma nak!”

Job 6:30

¿Sekmowána amya'a ya ko'o kélaneyk meykpelchágwokmo m'a sektáhakxa nak sekpeywa?

Proverbios 27:21

Kólwatnohok chá'a kóllanok ektémakxa m'a sawo ekyátekto ekmomnáwa, tén han sawo ekmope nak; keñe énxet kólyekpelkohok chá'a m'a ektémakxa nak ektaqmalma apxénamap.

Proverbios 29:5

Énxet ektaqmalma nak chá'a appeywa elának pók, cháxa appekkenchesa xama kelhanma xa.

Josué 1:17

Ólyahakxohok sa' han chá'a ekhawo m'a ektémakxa axta nélyeheykekxoho Moisés. Wánxa aqsa néltamho negko'o Wesse' egegkok nak Dios etnehek apxegexma, ekhawo m'a aptéma axta chá'a apxegexma Moisés.

1 Samuel 29:9

Keñe axta Aquís aptáha apchátegmowágko: —Ekya'ásegkók ko'o exchep apteme mehegyenyaweykha apagko', máxa m'a xama Dios apchásenneykhal'a, makke eltamhok xép hẽlyetlók ómpakhak ma'a apkelámha apmonye'e nak filisteos.