2 Samuel 14:14 - Biblia Enxet

¹⁴ Negyókxoho sa' agmaskok; máxa negko'o m'a yegmen kélyegkenmal'a náxop, megkólmowánal'a kólmekxak makham. Megyaqhehek Dios xama énxet enxoho, eltamhok aqsa makham épetchegwaták ma'a aphayam nak mók nekha'.

2 Samuel 14:14 ပူးပေါင်းရင်းမြစ်များ

2 Samuel 11:25

Tén axta David aptáha apchátegmowágko m'a kélápháseykha: —Eltennés sa' Joab, nágyána aqsa keytnakhaksohok agko' apwáxok xa aqsok nak, ektémakxa agko' kempakhakma. Yána sa' elwasqápekxohok apagko' ektamagkokxak ma'a tegma apwányam, ekwokmoho apma m'a. Ewasqakkásekxoho sa' xép ma'a.

2 Samuel 14:15

Ekya'awekteyk xeyk ko'o exchep séltennássa'akto xa, wesse' ahagkok, hakte kelesagkeyha chá'a ko'o apkelpaqmeyesma sélana m'a énxet'ák. Cháxa keñamak ekxéna nak ewáxok apaqhetchesseta', elának sa' kexa m'a aqsok sélmaxneya nak.

1 Reyes 11:39

Keñe sa' ma'a David aptawán'ák neptámen allegássesagkoho', eñama aptémakxa m'a Salomón, yaqwatakxoho sa' eyke.’”

Job 14:14

¿Exátekhágwoya makham énxet ma'a apketsapa enxoho? Aleyxek sa' aqsa ekyókxoho ekhem ektémakxa nak chá'a sektamheykha, ekwokmoho ekmassegwokmo ektémakxa seklegeykegkoho.

Job 30:23

Ekya'ásegkók ko'o exchep apmáheyo héntamok ma'a nétsapmakxa nak, kéltaqmelchessessamakxa nak apyókxoho m'a meletsapma nak.

Job 34:19

Mepasmekxeyk ma'a apkeltaqmelchesso nak apchókxa, metnéssesek apyeykhamap pók elanok ma'a ekxámokma nak aqsok apagkok tén han ma'a meyke nak aqsok apagkok, hakte cha'a apkelane apyókxoho m'a.

Salmos 22:14

Ekhawók ko'o m'a yegmen ekyegkenamaxchel'a; kelhaxyawásamáxcheyk exchakkok. Máxa pápa' tamheykekxak ewáxok ekpayheykekxo.

Salmos 22:15

Yamáyak ahátog, máxa ektémól'a yelpa' ekyamaye; yepetcheykekxeyk ahaxkok epaqpehek. ¡Epekkenmeyk náxop, máxa sétsapma etnéssessók!

Salmos 58:7

Emasséssem xép ma'a, ektémól'a yegmen ényé ekmassegwayam la'a; elyameyk sa', ektémól'a pa'at élteyammomaxche m'a ámay;

Salmos 77:8

¿Massegwokmeya sẽlásekhayo? ¿Néxa agkóya temégwokmok ma'a sẽltennassama axta henlanaksek?

Salmos 79:3

Máxa yegmen aptemessásak apyegkenchesa éma apagkok ma'a ekyókxoho kañe' nak Jerusalén, méko han élátawaña.

Salmos 90:10

Setenta apyeyam aqsa chá'a kammok negha; keñe m'a apkelyennaqte nak, ochenta apyeyam aqsa chá'a néxa apheykha; kaqhok eyke kaqheykha egwáxok anxek ekwenaqte, wánxa aqsa agwetak ma'a nélya'ásamaxche' exma, tén han nentamheykha ekyentaxno. ¡Yahamok exog apyeyam, ekhawo nak han negko'óxa'!

Salmos 90:3

Yának chá'a etnekxak xapop énxet etnehek appeywa s'e: “Énxet'ák, kóltemekxa xapop.”

Éxodo 21:13

Keñe sa' ma'a megkatnaha enxoho apmáheyo apagko' yaqhek pók, ektáha enxoho Dios apkeltémo yetsapok, ko'o sa' altennaksek yaqsa yókxexma apwanchek emhagkok éxánegwók.

Eclesiastés 9:5

Énxet'ák meletsapa nak makham, apya'ásegkok megkatnehek chá'a meletsapma, keñe eyke m'a énxet'ák apkeletsapma nak, melya'ásegkok aqsok, méko han aqsok elweta', hakte méko chá'a kaxénwakxohok awáxok.

Lamentaciones 3:31

Megkawegqók segyamasma m'a Wesse' egegkok.

Ezequiel 18:23

Mómenyeyk ko'o yetsapok énxet ekmaso nak aptémakxa, émenyeyk aqsa eyaqmagkasek ma'a aptémakxa keñe eweynchamha chá'a. Ko'o sekxeyenma xa, sektáha nak Wesse'.

Levítico 26:40

“Kólya'ásegwakxohok sa' eykhe kéxegke kéltémakxa ekmaso, tén han apkeltémakxa ekmaso axta m'a kélyapmeyk nano', tén han ma'a kélyenseyam nak sélyetleykha, tén han sélenmexeykekxa chá'a ko'o,

Números 35:15

Etnehek sa' negyexánegweykekxa xa seis tegma apkelyawe nak, apagkok ma'a israelitas, tén han ma'a énxet'ák apkeleñama nak mók apkelókxa apheykha kélnepyeseksa kéxegke, essenhan ma'a apkelwe nak yaqwatakxoho. Sa' elyexánegwakxak chá'a apyókxoho ektáha nak chá'a apchaqhe pók megkatnahakxoho apmáheyo apagko' yaqhek.

Números 35:25

Etaqmelchesek sa' eyke énxet'ák ma'a apchaqhe nak pók yeksek ma'a apnámakkok apagko' nak apmáheyo exnésseshok mók, yáphaksek sa' emyekxak makham ma'a tegma apwányam, apkeñamakxa axta aptegyeykencha'a apmeyámap. Énxet apchaqhe nak pók kéméxcheyk exek aqsa m'a ekwokmoho apketsapa m'a apkemha apmonye' apkelmaxnéssesso Dios énxet'ák apagkok, kélyegkenchesso nak apqátek pexmok égmenek ekpagkanamaxche'.

Números 35:28

Kéméxcheyk exek aqsa tegma apwányam negyexanmomakxa m'a ektáha nak apchaqhe pók, ekwokmoho apketsapa m'a apkemha apmonye' apkelmaxnéssesso Dios énxet'ák apagkok. Keñe sa' apwanchek etaqhohok makham ma'a apkeñémeykxa.

Deuteronomio 10:17

hakte cham'a Dios Wesse' kélagkok nak kéxegke apteme Dios Wesse' agkok ma'a ekyókxoho aqsok kéláyókxa nak tén han apteme Wesse' apagkok ma'a apyókxoho kelwesse'e apkelwányam nak keso náxop; apteme nahan Dios apwányam apagko', ekha apyennaqte tén han mageysso agè', metnéssesso nak han apyeykhamap pók elanok énxet tén han memà nak exkak ma'a aqsok kélmésso naqsa yaqwayam mexének ektemegweykmohoxma;