2 Samuel 13:3 - Biblia Enxet

³ Yetneyk axta han xama apxegexma Amnón ekmanyehe axta ey'asagkohok yaqwánxa etnehek, apwesey axta Jonadab, Simá axta apketche, apepma axta m'a David.

2 Samuel 13:3 ပူးပေါင်းရင်းမြစ်များ

Génesis 3:1

Yéwa axta aqsa ekteme ekmowána ekpeywa kalyexanchesha mók, neyseksa m'a aqsok nawha'ák ektáha axta Dios apkelane. Entáhak axta elmaxneyeyncha'a kelán'a s'e: —¿Naqsóya Dios meltémo kóltók xama enxoho yámet ekyexna élámha nak se'e yókxexma ektaqmalma nak?

Génesis 38:1

Apkexakhamchek axta apkelpepma tén han apkelyáxeg Judá xa ekhem nak, apmaheykegkek axta apheykmo apxagkok ma'a xama énxet apwesey axta Hirá, énxet apkeñama axta tegma apwányam Adulam.

Génesis 38:20

Apcháphássessek axta han Judá m'a yát'ay apketkok, apchásenneyha axta m'a pók apteme nak adulamita, yaqwayam enxoho kalmeyásekxak makham kelán'a m'a aqsok apnegkencháseykekxa axta, axta eyke éteyágweykxak ma'a pók nak.

2 Samuel 13:2

háxéssegkek axta apmopmenyého. Kelán'a ekmeyamáxkoho axta han ma'a Tamar, meyke kélteméssesseykmoho exma, axta keñamak ekxeyenma apwáxok mopwanchek etnéssessamhok exma.

2 Samuel 13:32

keñe axta Jonadab, Simá axta apketche, apepma axta m'a David, appaqmeta aptáha s'e: —Nágyána aqsa etekyawak apyókxoho apketchek wesse'. Wánxa eyke aqsa apmatña m'a Amnón, hakte nanók axta ekxeyenma apwáxok etnéssesek ma'a Absalón, eyeynmo m'a sekxók axta apteméssessekmoho exma Amnón ma'a apyáxeg Tamar.

2 Samuel 13:4

Xama ekhem axta apkelmaxneyáncha'a Jonadab: —¿Yaqsa ektéma exchep, wesse' apwányam apketche? ¿Yaqsa ektéma ekyágweykmoho nak ekyaqhápeykha apwáxok? ¡Héltennés hana! Apchátegmowágkek axta Amnón: —Émenyeyk ko'o sélányo m'a Tamar, sekteme eyáxeg Absalón nak apyáxeg.

2 Samuel 14:2

apcháphássek axta kólyentawakxak xama kelán'a ekhama axta m'a Tecoa, ekmanyehe axta chá'a kay'asagkohok yaqwánxa katnéssesek mók. Axta aptáhak apcháneya s'e: “Katne sa' hó henlapwomok ektémól'a apketsapma egmók, kalántaxnekxa sa' apáwa nentaxneykekxa nak apketsapma egmók; nágkaxpaqhaxche aqsa sokmátsa, kaxnésaxkohok sa' kelán'a ekwenaqtél'a élapwayam, eñama apketsapma xama énxet.

2 Samuel 21:21

Apkelwanyeyha axta m'a énxet'ák Israel, apchaqhak axta eyke m'a Jonatán, Simá axta apketche, apyáxeg axta m'a David.

1 Crónicas 2:13

Jesé axta apyáp ma'a Eliab, apwete apmonye' apketche axta; keñe axta aptétéyak ma'a Abinadab, tén han Simá;

1 Crónicas 27:32

Énxet apya'áseykegkoho aqsok axta tén han ektaqmalma kélxekmósso axta m'a Jonatán, David axta apyaha', énxet ektaqmalma apmésso appeywa pók axta m'a, keñe axta Jehiel, Hacmoní axta apketche, apteme apkelxegexma'a m'a wesse' apwányam apketchek.

Ester 5:10

Máxa metaqnawaya axta eyke aptáhak. Xama axta apwákxo m'a apxagkok apkeltamhók axta kólnaqlósawakxések ma'a apkelxegexma'a tén han ma'a aptáwa' ekwesey axta Zeres,

Ester 5:14

Tén axta m'a aptáwa' ektáha eyáneya s'e tén han ma'a apyókxoho apkelxegexma'a: —Yána sa' kólánchessesek yámet élwenaqte yetlo ektegyésso néten, ekweykmoho veintidós metros ekwenaqte ekmahéyak ma'a néten, tén sa' saka axto'o agko' elmaxnak wesse' apwányam kólmakhésha néten ma'a Mardoqueo. Keñe sa' apwanchek emhagkok yetlo meyke ektáhakxa apwáxok yetlo wesse' apwányam ma'a élánéxchexa nak ektámaxche ekyawe. Leyawók axta apwáxok Amán xa amya'a nak, apkeltamhók axta kalanaxchek ma'a yámet élwenaqte.

Ester 6:13

Apkeltennáseyha axta nahan aptáwa' tén han apnámakkok ekyókxoho m'a ektáhakxa apweynchámeykha, tén axta m'a aptáwa' tén han apyókxoho apnámakkok aptáha apcháneya s'e: —Naqsók sa' agkok judío m'a Mardoqueo. Mopwanchek sa' chá'a etnessásekxak kóneg, méko sa' chá'a elának xép nápaqtók ma'a.

Proverbios 19:6

Énxet segméssamo nak chá'a aqsok segmésso naqsa, tén han memyágweykekxa nak chá'a aqsok apagkok, apyókxoho énxet chá'a ektamok, apchásekhayókxa chá'a etnehek.

Jeremías 4:22

“Élyeyháxma m'a énxet'ák ahagkok, mehey'ásegkok nahan —axta aptáhak Wesse' egegkok—. Kélketchek melya'áseyak aqsok, megkalchetámeykha nak apkelwáxok. Apwancha'ak elanagkok ma'a aqsok ekmaso, keñe mopwancha'ak elanagkok ma'a aqsok ektaqmela.”

Jueces 14:20

keñe axta aptáwa' ekxawákxo apxegexma axta chá'a m'a Sansón.

1 Samuel 16:11

Keñe axta aptáha apkelmaxneyáncha'a makham se'e: —¿Mékoya pók apketchek? —Wánxa apkeymékpo m'a apsexyók apagko' nak, apkeláneykha nak chá'a nepkések nennaqtósso —axta aptáhak apchátegmowágko Jesé. —Yána kólyentawakxa' —axta aptáhak Samuel—, hakte manlanyek sa' eyke makham aqsok ekmatñá, mew'a enxoho makham ma'a.

1 Samuel 16:9

Keñe axta apyentegkásekxo han Jesé m'a Samá; keñe axta Samuel aptáha s'e: —Melyesáha han Wesse' egegkok se'e.