2 Samuel 13:29 - Biblia Enxet

²⁹ Apkelánegkek axta han ma'a apkeltamhókxa etnahagkok ma'a Absalón, apchaqhak axta Amnón ma'a apkeláneykha. Keñe axta apkelchampákxo néten apyókxoho m'a David apketchek, apkelchántákxeyk axta apkelchánte élyéheykok apkenyahágko.

2 Samuel 13:29 ပူးပေါင်းရင်းမြစ်များ

Génesis 36:24

Keso Sibón axta apketchek se'e: Aiá, tén han Aná. Aná axta apwete ekteyapmakxa yegmen ma'a meykexa énxet, neyseksa apkeláneseykha apyáp Sibón apnaqtósso yámelyeheykok.

2 Samuel 12:10

Megkamassegwomek sa' kaxwók xép apxagkok ma'a nentekyawa nak, hakte melyeheykekxak sekpeywa apmeykekxo aptéma aptáwa' m'a Urías axta aptáwa', apteme axta hitita.

2 Samuel 13:30

Neyseksa apkelxega ámay axta aplegágweykxo amya'a m'a David, apkelnáhakkasa apyókxoho apketchek ma'a Absalón, tén han apleg'a amya'a megyeymékpo xama enxoho.

2 Samuel 14:6

keñe m'a apqánet étchek nak ko'o, wesse', apkelnápekpek axta m'a yókxexma; apkelyetxaqkak axta han pók ma'a, keñe apchaqha, hakte méko axta yaqwayam enxoho kanókasha.

2 Samuel 18:9

Élyéheykok axta han apchánte Absalón, pelakkassek axta han apwet'a apmonye' David apkelxegexma'a. Negkónchek axta élyéheykok kóneg yámet ekyawe encina, keñe axta Absalón élaspa apwa' aktegák, apmakheyha axta han ma'a néten, hakte xegkek axta aqsa m'a élyéheykok apchánte.

1 Reyes 1:33

aptáhak axta apkeláneya m'a: —Kólána sa' etnehek apkelxegexma'a m'a séláneykha apkeltamheykha nak chá'a sekhakxa', kólchenátches sa' seyánte élyeheykok ma'a hatte Salomón, kólyentem sa' ma'a Guihón;

1 Reyes 1:38

Yetlókok axta apxega m'a apkelmaxnéssesso Dios énxet'ák apagkok Sadoc, yetlo Natán apteme nak Dios appeywa aplegasso, tén han Benaías, Joiadá apketche, tén han quereteos, keñe han peleteos, apkenátchessek axta Salomón ma'a David apchánte élyeheykok, apya'ássek axta m'a Guihón.

Proverbios 29:12

Apkemha apmonye' apháxenmo nak chá'a ekmowána amya'a, kawakxohok apteméssesso élmasagcha'a apkeltémakxa m'a apyókxoho apkeláneykha.

Levítico 19:19

“Kóllána chá'a segánamakxa ahagkok. “Nágkólyamhakkas chá'a kélnaqtósso m'a mók ektémakxa nak chá'a kélnaqtósso. “Nágkólchenekxa chá'a namyep kélagkok mók ektémakxa nak aqsok aktek élpaxqamáxche'. “Nágkólántaxnekxa chá'a xama enxoho apáwa kéllane nak chá'a élpaxqamáxche' aqsok.

Miqueas 7:3

Apwancha'ak elanagkok ma'a aqsok ekmaso; eltamhok chá'a elxawagkok ekyánmaga m'a wesse' apkeláneykha nak, elmok chá'a takha' kólmések selyaqye yaqwayam mepékesók aqsok apkelxeyenma m'a énxet'ák segyekpelchémo nak, elanagkok chá'a ekxénakxa enxoho chá'a apkelwáxok elanagkok ma'a kelwesse'e nak, etwássesha chá'a apkeltémakxa énxet'ák ma'a tegma apwányam.