2 Samuel 12:27 - Biblia Enxet

²⁷ apcháphássessek axta David se'e appeywa nak: “Étámegkek ko'o m'a tegma apwányam Rabá, élmeyk ma'a tegma apkelyennaqte ekyetnamakxa nak kélyátamakxa yegmen.

2 Samuel 12:27 ပူးပေါင်းရင်းမြစ်များ

2 Samuel 11:1

Apcháphássek axta David ma'a Joab yetlo sẽlpextétamo apkelwesse'e tén han apyókxoho sẽlpextétamo israelitas, cham'a ekhem élyapweykxal'a yenta'a, apkelxegamakxa axta chá'a apkelwesse'e apkelwányam ey'ammok kempakhakma, apmasséssekmek axta m'a amonitas, apwakhegwokmek axta han ma'a tegma apwányam Rabá, keñe axta David apha aqsa m'a Jerusalén.

2 Samuel 12:26

Apketámegkek axta Joab ma'a tegma apwányam nak Rabá, apagkok axta m'a amonitas, keñe axta ketók apmomakxa m'a tegma apwányam apagkok nak,

2 Samuel 12:28

Yánchásekxa sa' kaxwók xép sẽlpextétamo apkeleymomap nak wesse', ektámegma sa' se'e tegma apwányam nak, ema sa', hakte ekmeyk agkok ko'o, keñe keytek sekwesey.”

Ezequiel 21:20

Elqahássesek sa' xama ámay yaqwánxa emyógmak yetlo sókwenaqte apagkok ma'a wesse' apwányam. Sa' ma'a tegma apkelyawe nak Rabá, Amonitas apchókxa nak, tén han ma'a Jerusalén, tegma apwányam ekyennaqte nak kélhaxta nepyáwa meteymog ma'a Judá.

Deuteronomio 3:11

(Wánxa axta nahan xama apkeymomap refaítas ma'a wesse' apwányam Og; sawo axta nahan ma'a apyetnamakxa néten, cuatro metros axta nahan ekwenaqte, tén axta ekpayhakxa ánet metros, makhemek makham ekyetno xa, egwanchek agwetak ma'a tegma apyawe apagkok nak ma'a amonita, cham'a Rabá.)