2 Samuel 12:22 - Biblia Enxet

²² Apchátegmowágkek axta David: —Matwehek axta chá'a ko'o sekto apyennaqtamakxa axta m'a sakcha'a, alekxagwaha axta han chá'a ekxeyenma eykhe ewáxok lapmaxcheyk kexa kapyóshok hélanok ma'a Wesse' egegkok, keñe yohok makham eweynchamha m'a sakcha'a.

2 Samuel 12:22 ပူးပေါင်းရင်းမြစ်များ

2 Samuel 12:21

Keñe axta apkelmaxneyáncha'a m'a apkelámha apmonye'e apagkok nak: —¿Yaqsa ektáha aptáha nak xa wesse'? Metwehek axta agkok chá'a apto apyennaqtamakxa axta m'a sakcha'a, elekxagwaha axta han chá'a elano'; keñe kaxwók apketsapa m'a sakcha'a, apkempákxo néten xép wesse' aptawa apto.

2 Reyes 20:3

“Wesse' ahagkok, éltamhók ko'o exchep kaxénwakxohok apwáxok ektémakxa nak mayenseyam sekyetleykha tén han sekteméssesso naqsók agko', séláneya m'a ekleklamókxa nak xép apwáxok.” Tén axta apkelekxagweyncha'a ekwányam agko'.

Isaías 38:5

ey'ókxak etnehek yának Ezequías se'e: “Aptáhak Wesse' egegkok se'e, cham'a Dios apagkok nak ma'a apyáp nano' David: ‘Ekleg'ak ko'o exchep apkelmaxnagko, ekwet'ak nahan ma'a apaqtégmenek. Agkeyásekxak sa' ko'o makham xép quince apyeyam apweynchámeykha.

Joel 1:14

Kóláneyha énxet'ák, kóltennés peya megkóltawagkehek kéltéyak; kólánchásekxa apkelámha apmonye'e m'a Dios Wesse' kélagkok nak tegma appagkanamap apagkok, tén han ma'a apyókxoho énxet'ák apheykha nak kañe' negókxa, kólwónmakha sa' Wesse' egegkok.

Joel 2:14

Lapmaxcheyk mellegássesagkók kéxegke, yáphássesek ektaqmalma kélheykha, elmések ma'a aqsok ekyexna kélcheneykekxa, tén han vino, yaqwayam kóltéhek kélmésso naqsa Dios Wesse' kélagkok.

Amós 5:15

¡Kóltaqnow aqsok ekmaso! ¡Kólásekhoho m'a aqsok ektaqmela! Kólána kalanaxchek ekpéwomo kéllánekxésso amya'a énxet'ák ma'a sẽlyekpelchémókxa nak; lapmaxcheyk sa' kexa kalepyóshok elanok Wesse' egegkok, Dios ekha nak apyennaqte énxet'ák Israel apkeleymomap nak ektáha enxoho xa ektáha nak.

Jonás 1:6

Keñe axta apkemha apmonye' nak yántakpayhe apmahágko m'a aphakxa axta Jonás, aptáha apcháneya s'e: —¿Yaqsa apkelana exchep se'e tén áto'? ¡Exatakha', elmaxna exchep xa Dios apagkok! Lapmaxcheyk sa' hempasmok hẽlwagkasek teyp negko'o.