2 Samuel 11:27 - Biblia Enxet

²⁷ xama axta ekwokmo néxa' élapwayam, apkeltamhók axta kólyentawakxések ma'a David, apmeyk axta takha' m'a kañe' apxagkok apyawe nak, aptáwa' axta han aptáhak, wetássek axta han xama apketche apkenna. Axta eyke kalchak apwáxok Wesse' egegkok aptáhakxa m'a David.

2 Samuel 11:27 ပူးပေါင်းရင်းမြစ်များ

Génesis 38:10

Axta kaleklók apwáxok Wesse' egegkok apweteya m'a aptémakxa axta Onán, keñe axta apchaqheykekxo han ma'a.

2 Samuel 12:9

¿Yaqsa ektéma melyaheykekxoho nak sekpeywa, apkeláneya m'a aqsok megkaleklo nak ewáxok? Apchaqhegkek xép ma'a Urías, apteme axta hitita, apchásenneykekxo yaqhek ma'a amonitas, apmeykekxeyk han aptamheykekxo aptáwa' m'a Urías axta aptáwa'.

2 Samuel 15:26

Agkok kalchak apwáxok sélano, tásek hetnéssesek ekxénakxa enxoho apwáxok etnéssesek.

1 Reyes 21:16

Xama axta apleg'a amya'a Ahab apketsapa Nabot, apxegkek axta apma m'a apkeneykekxexa axta anmen yámet ma'a.

1 Reyes 21:20

Apchátegmowágkek axta Ahab ma'a Elías: —¿Sénmexma, éteyákxéya makham xép? —Ekwetákxe' neykhe —axta aptáhak apchátegmowágko Elías—. Aqsok ekmaso aqsa chá'a exchep elának nápaqtók Wesse' egegkok.

1 Crónicas 21:7

Axta han kalchak apwáxok Dios xa ekyókxoho nak, keñe apkellegassásegkoho m'a énxet'ák Israel.

Salmos 5:6

emasséssamhok chá'a exchep ma'a énxet'ák apkelmopwancha'a nak amya'a, eltaqnaweygkohok chá'a exchep ma'a énxet'ák appelakkassesso nak chá'a esexnenak pók, tén han ma'a ekhéyak nak chá'a apkelyógkexma'.

Proverbios 6:29

Énxet ektáha enxoho appathetéyak ma'a megkatnaha nak aptáwa', kóllegássesagkohok sa'.

Isaías 29:15

¡Énxet'ák laye, apkelyexánegkesso nak chá'a Wesse' egegkok yaqwayam ekpósek ma'a aqsok apmáheyo elanagkok, apkelánéyák nak chá'a apkeltémakxa ekmaso m'a ekyáqtésakxaxma apteme nak chá'a elpaqmétek se'e: “Méko segwet'a. Méko segya'ásegko!”

Lamentaciones 3:36

tén han negyetnakhásseyam nak élánamáxchekxa amya'a, cháxa aqsok apxeyenma nak chá'a Wesse' egegkok megkapayhawo nentáhakxa xa.

Deuteronomio 22:29

keñe sa' ma'a énxet nak egkések sa' cincuenta sawók selyaqye élmope ekmomnáwa m'a yáp nak kelán'a étkok; emhohok sa' nahan etnehek aptáwa', eñama apteméssesseykmohoxma, mopwanchek sa' nahan chá'a eyenyók neyseksa apha enxoho makham.