2 Samuel 11:24 - Biblia Enxet

²⁴ Keñe axta m'a apkelmeykha nak yágke, sẽlyát'a m'a apchaqnágkaxa axta néten tegma kélhaxtegkesso, negko'o nentáha nak sẽlpextétamo apagkok xép, wesse', keñe aptekyawa nápakha m'a sẽlpextétamo apkelwesse'e apagkok nak. Urías axta han ma'a, apteme axta hitita.

2 Samuel 11:24 ပူးပေါင်းရင်းမြစ်များ

2 Samuel 11:23

Keñe axta kélápháseykha aptáha apchátegmowágko: —Axta aghawok negko'o sẽlpextétamo segketamakmo axta sémpakha'a m'a eyáxñé nak, néltaqheyásawók axta eyke makham ekweykekxoho m'a nentaxnamakxa nak tegma apwányam.

2 Samuel 11:25

Tén axta David aptáha apchátegmowágko m'a kélápháseykha: —Eltennés sa' Joab, nágyána aqsa keytnakhaksohok agko' apwáxok xa aqsok nak, ektémakxa agko' kempakhakma. Yána sa' elwasqápekxohok apagko' ektamagkokxak ma'a tegma apwányam, ekwokmoho apma m'a. Ewasqakkásekxoho sa' xép ma'a.

Números 21:30

Kélmasséssekmek ma'a tegma apwányam Hesbón ekweykekxoho m'a Dibón, apmopso aptáhak ma'a Nófat, wokmók táxa m'a Medebá.”

1 Samuel 26:6

Tén axta David appaqhetchesa m'a Ahimélec, apteme axta hitita, tén han Abisai, Seruiá axta étche, Joab axta apyáxeg, aptáhak axta apkelmaxneyáncha'a s'e: —¿Yaqsa ekmako hétlók ko'o yaqwayam ólmahagkok ma'a appakxanma nak Saúl? —Ko'o sa' eytlók —axta aptáhak Abisai.