2 Samuel 11:2 - Biblia Enxet

^2-4 Xama taxnám axta apxatakha'a David natámen apkellókasso apyampe yetseksók ekhem, apweynchámeyha axta m'a néten apxagkok apyawe nak, apwetágwokmók axta han xama kelán'a ektaqmalma agko' ekyaqpasa yegmen, neyseksa apkenmeykha m'a néten nak, kaxwók axta han massak ekyenyaweykekxa ekto xa kelán'a nak, axta keñamak ekyaqpasa eyáxñásekxo émpehek. Apkeltamhók axta kóltegyesha amya'a David yaqsa kelán'a xa, keñe axta kéltennasa ektáha Betsabé, Eliam axta apketche, Urías axta aptáwa', apteme axta hitita. Keñe axta David apkeláphasa apkeláneykha apkeltamho éntawagkasek, keñe appathetágko, tén axta natámen ekmeyákxo makham axagkok.

2 Samuel 11:2 ပူးပေါင်းရင်းမြစ်များ

Génesis 12:11

Xama axta peya kalwomok ma'a Egipto, aptáhak axta Abram apcháneya aptáwa' Sarai se'e: “Ekya'ásegkók ko'o exche' ekteme kelán'a ektaqmalma kóllano'.

Génesis 3:6

Wet'ak axta ektaqmela agko' kelán'a m'a yámet ekyexna, makawók axta katwok, makawók axta han kaxek ekyekpelchágwayam. Nakxeyk axta xama ekyexna tén axta ektawa, keñe axta han ekmésa m'a atáwa', aptókek axta han ma'a.

Génesis 34:2

apwet'ak axta han Siquem, apketche axta m'a Hamor, apteme axta heveo, apkemha apmonye' axta m'a yókxexma nak, apyennaqtéssek axta apyempehek appathetágko, apteméssessekmók axta exma.

Génesis 39:6

Apméssek axta José aptaqmelchesso ekyókxoho aqsok apagkok ekyetnakxa nak, massék axta ektamheyncha'a apwáxok ma'a Potifar, apto axta aqsa chá'a kaxénmakha apwáxok. Aptásek axta han ma'a José, kélmenyeyk axta kóllano',

Génesis 6:2

apwet'ak axta Dios apketchek éltaqmela xa kelán'a nak. Yetlókok axta han apkelyéseykha chá'a xama neyseksa m'a ekyókxoho nak, apmeyk axta han chá'a m'a apkepmenyéxa enxoho chá'a.

2 Samuel 13:1

Yetneyk axta xama apyáxeg ektaqmalma agko' ma'a Absalón, David axta apketche, ekwesey axta Tamar. Keñe axta m'a Amnón, apketche axta han ma'a David, apmenyeyk axta apkelányo,

2 Samuel 14:27

Apqántánxo axta han apketchek apkelennay'a m'a Absalón, xama kelwána, ekwesey axta Tamar, ekteme axta ektaqmalma agko'.

2 Samuel 4:5

Apkelmahágkek axta Is-bóset apxagkok ma'a Recab tén han Baaná, Rimón axta apketchek, apkeñama axta m'a Beerot, apkelwokmek axta han ekweykenxal'a kamexnek ekhem, neyseksa apteyenma yetseksók ekhem.

2 Samuel 4:7

Xama axta apkelántaxna m'a kañe' tegma, apyetneyk axta han Is-bóset ma'a apyetnamakxa axta chá'a néten; tén axta apchaqha, apyaqténchessek axta apyespok, keñe apsákxo, kelságweykxeyk axta han apkelxegakxa m'a ámay nak Arabá

Job 31:1

Ewáxok ahagko' axta ko'o ekxeyenmak megkatsepek chá'a egkenyek alanok kelán'a étkok.

Salmos 119:37

Nágyoho ko'o katsapok egkenyek alanok ma'a aqsok mékoho nak; ¡hegkés sekyennaqte, yaqwayam enxoho eytlók ma'a ámay apagkok nak!

Proverbios 19:15

Yentexek chá'a katnehek nenteyenma m'a negháxamáxkoho nak, meyk chá'a kaqhek ma'a apháxamákpoho nak chá'a etneykha.

Proverbios 31:30

Awanchek hẽlyexanchesha m'a ektémakxa nak ekma egwáxok anlanok kelán'a, megkawegqók eyke m'a ektémakxa nak ektaqmalma; eyke payhawók kataqmalmakha nempeywa anxénmakha m'a kelán'a eyáyo nak Wesse' egegkok.

Proverbios 6:25

Nágkatsep apnények ma'a ektémakxa nak ektaqmalma; ¡nágyoho kamok apwáxok ma'a ektémakxa nak élátseykha aqta'ák!

Proverbios 7:8

Xama axta apwokmo m'a máséyak nak, apyeykhákxeyk axta ámay appéwo m'a ekpayhókxa axta axagkok ma'a kelán'a.

Jeremías 19:13

Apkelmanyása sa' etnahagkok tegma nak Jerusalén, tén han ma'a tegma apkelyawe apagkok nak ma'a kelwesse'e apkelwányam Judá, tén han ma'a néten tegma kélméssamakxa axta chá'a aqsok ánek ekmátsa nak ekpaqneyam éten agkok ma'a apyókxoho yaw'a, tén han kélyegkenmakxa axta chá'a vino kélmésso m'a mók aqsok kéláyókxa nak, ektéma nak ma'a Tófet.’”

Deuteronomio 22:8

“Apkelanak sa' agkok chá'a kélxama kéxegke xama apxagkok aphaxnagkok, kéméxcheyk enegkenagkok chá'a meteymog élámha nélmeykegkaxa nak chá'a m'a nekhaw'ék nak néten apxagkok; keñe sa' megkaphemmek chá'a amya'a aphawóxama eyaqhe ekyetna enxoho chá'a étsapma ektéyam ma'a néten apxagkok nak.

Deuteronomio 5:21

‘Nágkatsep chá'a kélnények kóllanok ma'a kélmók aptáwa'. Nágkatsep chá'a kélnények kóllanok ma'a kélmók apxagkok, tén han ma'a yókxexma apagkok nak, tén han ma'a apchásenneykha kelwána nak, tén han ma'a weyke aptósso nak, tén han ma'a yámelyeheykok apchánte nak, tén han ma'a ekyókxoho aqsok ektáhakxa enxoho chá'a apagkok ma'a kélmók.’

1 Samuel 9:25

Apkelmeyánteyk axta makham ma'a tegma apwányam, apkelenyékto m'a kélpeykessamókxa nak Dios, kéllánessek axta apyetnamakxa Saúl ma'a néten tegma nak,