2 Samuel 1:21 - Biblia Enxet

²¹ “¡Egkexe Guilboa, tásek sa' kaxwók kéxegke megkapálwateyk ekmámeye tén han yálye, hakte yókxexma nentekyómakxa kéxegke! Axta payhok kélteyammeykegkaxa apkeláhakkásamap ma'a énxet'ák apkelyennaqte axta. Axta massegweykmok élyenma Saúl apcháhakkásamap ma'a.

2 Samuel 1:21 ပူးပေါင်းရင်းမြစ်များ

1 Crónicas 10:1

Apketámegkek axta filisteos ma'a énxet'ák Israel, keñe apkenyahágko israelitas apmonye'e m'a filisteos, apxámok axta aptekyawa m'a egkexe nak Guilboa.

1 Crónicas 10:8

Mók ekhem axta entáhak apkelmeyákxo filisteos apkelhaxyawassessákxo aqsok apagkok ma'a apkeletsapma axta, keñe apwet'a han Saúl yetlo apketchek aphágko aphopák ma'a egkexe nak Guilboa.

Cantares 4:4

Hawók ayespok ma'a tegma apwenaqte aptaqmalma kéllánesso axta m'a David, apkelánamap nak ma'a meteymog kélpáxqatma. Kélmakheyáseykha nahan mil kéláhakkásamáxche m'a, apkeláhakkásamap nak ma'a kempakhakma yapmék.

Isaías 21:5

Penchásexcheyk kélnegkenéyak aqsok ma'a néten mésa, kélpeykeságkek náxop ma'a apáwa kélpeykessamól'a chá'a náxop, cheynawók kaxwók ektámaxche ekyawe. ¡Sẽlpextétamo apkelwesse'e, kólchempekxa néten: kólyenmásekxa kéláhakkásamáxche'!

Isaías 5:6

ektaqmópeyak sa' atnessásekxa'. Megkólyaqténchesagkek sa' nahan chá'a m'a axchakkok, megkólápetchesek sa' nahan chá'a m'a pa'at, kápekxak sa' ma'a am'ák tén han ma'a ekmompánaqma nak. Wának sa' nahan ko'o megkáphássesek ekmámeye m'a yaphope, yaqwayam sa' megkayássese'.

Ezequiel 31:15

“Ektáhak ko'o sekpeywa s'e, sektáha nak Wesse': Teyekmek sa' agkok yámet ekyawe nak ma'a kañe' apkelmaheykegkaxa nak chá'a apkeletsapma, wának sa' ko'o keymek élapwayam ma'a wátsam ekwányam ekmattawóneg nak; amagkok sa' yegmen ma'a wátsam tén han ma'a élpexyaweykentamxa nak chá'a yegmen ényé; wának sa' ko'o kalapwagkashok agko' yókxexma Líbano xa yámet nak, keñe sa' kalyameygkok ma'a ekyókxoho yenta'a nak yókxexma.

Joel 1:9

aptamhágkok apkellekxagweyncha'a m'a apkelmaxnéssesso Dios énxet'ák apagkok, hakte méko entáhak aqsok ekyexna kélcheneykekxa m'a tegma appagkanamap nak, tén han anmen yámet égmenek, yaqwayam kólmések chá'a Wesse' egegkok.

Joel 2:14

Lapmaxcheyk mellegássesagkók kéxegke, yáphássesek ektaqmalma kélheykha, elmések ma'a aqsok ekyexna kélcheneykekxa, tén han vino, yaqwayam kóltéhek kélmésso naqsa Dios Wesse' kélagkok.

Jueces 5:23

Keñe axta Wesse' egegkok apchásenneykha aptáha appeywa s'e: ‘¡Káhapwak sa' xama aqsok ekmaso agko' ma'a énxet'ák apheykha nak Meroz!’ Hakte axta elye'eykekták yaqwayam epasmok ma'a Wesse' egegkok, aptamheykegko nak ma'a énxet'ák apkelyennaqte nak.

1 Samuel 10:1

Apmeyk axta Samuel kélyeta pexmok égmenek, apyegkenchessek axta apqátek ma'a Saúl, appathetchek axta appeykesa keñe aptáha apcháneya s'e: —Appagkanchek xép Wesse' egegkok sakhem yaqwayam etnehek apkemha apmonye' apkeltaqmelchessesso m'a énxet'ák Israel, ektáha nak apagkok. Xeyep sa' etnehek apkemha apmonye' apkeltaqmelchesso, elmallahanchesek sa' nepyeseksa apkelenmexma apwakhaya nak. Keso yaqwayam sa' ékpelkohok xép apteméssesa Wesse' egegkok apkemha apmonye', apkeltaqmelchesso m'a énxet'ák apagkok:

1 Samuel 31:1

Apketámegkek axta filisteos ma'a énxet'ák Israel, keñe apkenyahágko israelitas apmonye'e m'a filisteos, apxámok axta aptekyawa m'a egkexe nak Guilboa.

1 Samuel 31:8

Mók ekhem axta entáhak apkelmeyákxo filisteos apkelhaxyawassessákxo aqsok apagkok ma'a apkeletsapma axta, keñe apwet'a han Saúl yetlo apqántánxo apketchek aphágko aphopák ma'a egkexe nak Guilboa.