2 Samuel 1:16 - Biblia Enxet

¹⁶ axta aptáhak apcháneya David se'e: —Apsexnánémap apagko' xép apmatñà, hakte xép apagko' xeyk apxénak ektáha apteme apchaqhe m'a wesse' apwányam, ektáha axta Wesse' egegkok apkelyéseykha.

2 Samuel 1:16 ပူးပေါင်းရင်းမြစ်များ

2 Samuel 1:10

Ekyepetchegwokmók axta ko'o m'a keñe seyaqha, hakte ekyekpelcheyk axta meweynchamha chá'a natámen kélyetxaqxo. Tén axta seklekkesa apketchesso apqátek élyenma, keñe han aptete apmek apketchesso axta m'a apaktog, yaqwayam alsantagkasek xép wesse' ahagkok.

2 Samuel 16:8

¡Wesse' egegkok aplegassásegkohok xép ekyaqmageykekxa m'a ekyókxoho aqsok ekmaso apkelane, apteméssessamakxa m'a Saúl apnámakkok, yaqwayam eyaqmagkasek apteme wesse' apwányam! ¡Absalón kaxwók apmeyásekxak Wesse' egegkok ma'a aptémakxa nak wesse' apwányam, cham'a apketche nak xép, sexnenakkek aptémakxa exchep, hakte ekyetno apyógkexma'!

1 Reyes 2:37

hakte aptekkek sa' agkok apyeykhákxo enxoho m'a alwáta' nak Cedrón, ey'asagkoho sa' peya yetsapok, apsexnánémap apagko' sa' etnehek.

Job 15:6

Megkapayhawok ko'o axének aptémakxa exchep, hakte appeywa apagko' xeyenmak aptémakxa'.

Proverbios 6:2

xeyep apagko' sa' esexnánékpok: kasexnenak sa' ma'a appeywa nak.

Ezequiel 18:13

tén han apmassáseykha nak chá'a selyaqye apagkok pók yetlo apkelteme ekyawe agko' ekyánmaga tén han apkeltémo nak chá'a kólyánmagkásekxohok mók néten ekyánmaga: cháxa énxet nak, meweynchamha sa' chá'a. Yetsapok sa' natámen apkelane ekyókxoho xa aqsok sektaqnagkamo nak ko'o. Apsexnánémap apagko' sa' nahan katnehek ma'a apketsapma.

Ezequiel 33:5

hakte apleg'ak eykhe kélpáwasso m'a kélaqkahasso nak, makke elánekxak aptáhakxa'; apsexnánémap apagko' ma'a apketsapma, kaxtemeyk axta apkelyeheykekxoho m'a, megyetsepek axta.

Levítico 20:16

“Teméssessekmók sa' agkok exma aqsok nawhak xama kelán'a, kamatñekxak sa' ma'a kelán'a nak, tén han ma'a aqsok nawhak. Élsexnánémaxche agko' sa' katnehek kaletsapok.

Levítico 20:27

“Énxet, essenhan kelán'a, élpaqhetchásamáxkoho nak chá'a kélhagák, tén han apkelyohóxma, kólyetnak sa' chá'a meteymog kólnápekxa', élsexnánémaxche agko' sa' katnehek kaletsapok.”

Levítico 20:9

“Énxet ektáhakxa enxoho apkeltémo katnégwomhok exma apyáp, essenhan egken, kólaqhekxak sa'. Hakte apkeltamhók katnégwomhok exma ekmaso m'a apyáp, essenhan ma'a egken, apsexnánémap apagko' sa' han katnehek yetsapok.

Deuteronomio 19:10

Keñe sa' metekyewek chá'a énxet meyke nak apkeltémakxa s'e kañe' nak apchókxa, apméssamakxa axta Dios Wesse' kélagkok yaqwayam kóltéhek kélagkok kélagko', megkalpehemmek sa' nahan chá'a kéxegke ektáha kéllane xama nétsapma.

Josué 2:19

Aptekkek sa' agkok xama mók se'e xeye' axagkok nak, apsexnánémap apagko' sa' etnehek, emátog sa'; háwe sa' katnehek nensexnenagko negko'o. Wánxa agkok, kélteméssesekmók sa' agkok exma xama énxet apha nak xeye' axagkok, negko'o sa' hẽlpehemmok nélsexnenagko.

Jueces 9:24

yaqwayam enxoho kayaqmegekxak ma'a apkelnapma axta setenta apketchek axta Jerubaal ma'a Abimélec, yaqwayam enxoho kayaqmegekxak eñama appasmo m'a apheykha nak Siquem.

1 Samuel 25:39

Xama axta apleg'a David apketsapa m'a Nabal, aptáhak axta s'e: —¡Apcheymákpoho sa' kólteméssesek Wesse' egegkok, seyaqmagkassásekxo nak ektémakxa setaqnaweykha m'a Nabal! ¡Meltamhók alának aqsok ekmaso, Nabal apagko' han apcháhakkásekxak ma'a aptémakxa ekmaso! Tén axta David apcháphássesa appeywa apmako emekxak etnehek aptáwa' m'a Abigail.

1 Samuel 26:9

Tén axta David aptáha apchátegmowágko: —Nágyaqha aqsa, hakte megkatnehek megkóllegassáseykegkoho apmáheyo nak yaqhek wesse' apwányam, apkelyéseykha nak ma'a Wesse' egegkok.