2 Reyes 9:34 - Biblia Enxet

³⁴ Tén axta Jehú apxega aptawa apto tén han apyena m'a apyá. Keñe axta natámen aptáha s'e: —Kólmekxa sa' xa kelán'a ekmaso nak ektémakxa kólátawanye sa'; hakte wesse' apwányam han apketche m'a.

2 Reyes 9:34 ပူးပေါင်းရင်းမြစ်များ

1 Reyes 16:31

axta yeyék apkeláneya m'a ektémakxa axta apkeláneya mey'assáxma m'a Jeroboam, Nabat axta apketche. Weykmok axta han apma aptéma aptáwa' m'a Jezabel, Et-baal axta apketche, wesse' apwányam axta m'a Sidón, tén axta apkelpeykessamo m'a Baal,

1 Reyes 18:41

Tén axta Elías aptáha apcháneya m'a Ahab: —Etáswakxa sa' apto, eyhagwakxa sa' han ma'a apyá nak, hakte páweyk émpehek ma'a ekmámeye.

1 Reyes 21:25

(Méko axta énxet enxoho aphémo Ahab ekyáteyeykegkoho axta aptáwa' Jezabel elának aqsok ekmaso nápaqtók Wesse' egegkok.

2 Reyes 9:33

keñe axta Jehú aptáha apkeláneya: —¡Kólyenyenta náxop xa! Apyenyénteyk axta náxop, pálwokmek axta han éma agkok nápakha tegma, tén han yátnáxeg, cham'a apkelteyamméncha'a axta m'a Jezabel.

2 Reyes 9:35

Xama axta apkelyo'ókmo peya yátawányek, apqátek axchapok axta aqsa apwet'ak, keñe han amagkok tén han amék.

Ester 3:15

Apnaqtémagkek axta nahan ekmanyehe agko' apkelxega m'a apkelseykha weykcha'áhak, eñama apkeltémo m'a wesse' apwányam, kelyetsátexcheyk axta nahan segánamakxa m'a tegma apyennaqte nak Susa, cham'a ektepakxa axta nahan ekyennama exma m'a, apheyk axta aqsa apyena apyà m'a wesse' apwányam yetlo Amán.

Proverbios 10:7

Kaxénwakxohok chá'a kélwáxok aptémakxa axta m'a énxet ekpéwomo axta aptémakxa', yetlo ektaqmalma apxénamap; keñe m'a énxet ekmaso axta aptémakxa', ñohók chá'a kamaskok ekxénweykekxoho kélwáxok.

Isaías 65:15

Elmaha sa' kélwesey kéxegke m'a sélyéseykha nak ko'o yaqwayam sa' elyemnaha tén han eltamhok yetsapok ma'a pók, alyaqmagkassesek sa' eyke ko'o mók apkelwesey m'a séláneykha.

Amós 6:4

Kélheykegkek aqsa m'a néten taháno éltaqmalma élánamáxche nak yánnapóxeg apma'ák kélnáxegkáseykha, kólhagkok chá'a m'a néten nak ekpayhakxa, neyseksa kéllánéyak kélessawássessamo; kóltawagkok chá'a m'a nepkések apketkók apnaqmele, tén han ma'a weyke étkók;