2 Reyes 7:5 - Biblia Enxet

⁵ Tén axta apkelxega m'a amonyel'a ekyáqtésso, apkelmahágkek axta m'a apkelpakxeneykegkaxa nak sirios; xama axta apkelágketchessekmo m'a, apkelyekpelchágwokmek axta méko énxet ma'a.

2 Reyes 7:5 ပူးပေါင်းရင်းမြစ်များ

2 Reyes 7:4

Óletsapok han nélmeyákxo enxoho m'a tegma apwányam nak, hakte méko nento m'a; negháha agkok han se'e, agmaskok nahan. Ólmahagkok sa' ma'a apkelpakxeneykegkaxa nak sirios; sa' agkok hẽlnápak, ólweynchamha sa' makham; ẽlnapchek sa' agkok han, méko han ekmaso hakte óletsapok sa'.

2 Reyes 7:6

Hakte Wesse' egegkok axta apteméssesso m'a sẽlpextétamo nak Siria, yaqwayam ellegak ektémól'a kalxegmak ekxámokma yátnáxeg apkelyenyawasso apkenchesso nak kempakhakma, keñe han yátnáxeg apkelchánte, tén han ma'a ektémól'a sẽlpextétamo apxámokma elxegma'; apkeneykek axta eláneyáha yaqwayam epasmok wesse' apwányam Israel ma'a apkelwesse'e apkelwányam apagkok nak hititas, tén han ma'a apkelwesse'e apkelwányam apagkok nak egipcios, yaqwayam ektamagkok ma'a sirios.

Ezequiel 12:12

Elpatmok sa' aqsok apagkok ma'a wesse' apwányam apagkok nak, Yáqtéssek sa' agkok ma'a, etyapok sa' yetlo xa aqsok apagkok nak, cham'a kélyagqaxqatchesakxa enxoho m'a meteymog kélhaxta nak nepyáwa tegma. Exog sa' yetlo apchaqlasso nápat, yaqwayam enxoho métyehek xama énxet ma'a nápat nak tén han yaqwayam enxoho métyehek apchókxa xa wesse' nak.

Levítico 27:26

“Keñe sa' émha amonye' ekpalleyam nak étkók aqsok kélnaqtósso ektáha nak apagkok ma'a Wesse' egegkok, méko sa' kawának kalpagkanchesek Wesse' egegkok, cham'a weyke étkok nak essenhan ma'a nepkések, hakte Wesse' egegkok apagkok xa.

Levítico 27:8

Méko agko' sa' agkok aqsok apagkok ma'a énxet, yaqwayam eyánmagkasek ma'a ekwánxa nak élmomaxche chá'a, keñe sa' emyekxak ma'a aphakxa nak apkelmaxnéssesso Dios énxet'ák apagkok, yaqwayam sa' eltennaksek ekwánxa makham yaqwayam eyánmagkasek, cham'a ekwánxa enxoho ekhawo yaqwayam eyánmagkasek.

Deuteronomio 28:7

“Wesse' egegkok sa' elmések kéxegke yaqwayam kólmok kélenmexma m'a apketamokmo enxoho. Tásek sa' katnehek apkeléweykekxa elxegmak ey'áwak kéxegke, keñe sa' yexpaqnek yenyahagkok kélmonye'e kéxegke.

Deuteronomio 32:25

Etekyók sa' apketchek ma'a neyseksa ámay, keytek sa' nélmeneykha m'a kañe' apxanák; eletsapok sa' ma'a wokma'ák tén han kelán'a étkók, tén han apkelwányam tén han ma'a sakcha'a mekxakha nak makham neme.

Deuteronomio 32:30

¿Háxko katnehek emenxenek énxet apxakko enxoho m'a mil énxet'ák nak? ¿Háxko katnehek exhok emenxenek diez mil énxet'ák ma'a apqánet enxoho? ¡Wánxa m'a apmésa enxoho yaqwayam emenxenek ma'a Wesse' egegkok, aptáha nak apkeltaqmelchesso!

1 Samuel 30:17

Apketámegkek axta han David eyeynmo axto'o ekweykekxoho taxnám, wánxa axta aqsa han apkeleymékpo m'a cuatrocientos wokma'ák apkelchánte axta yányátnáxeg apkelxegányam, keñe m'a nápakha nak apsawhawo apkelnapa.