2 Reyes 7:1 - Biblia Enxet

¹ Apchátegmowágkek axta Eliseo: —Yeyxho sa' Wesse' egegkok appeywa. Aptáhak Wesse' egegkok: ‘Saka, sa' kaxhok se'e ekwánxa nak hóra, xama selyaqye aktek élmope sa' kaxwók kélwanchek kólmok siete litros ma'a hótáhap, tén sa' nahan xama selyaqye aktek élmope kélwanchek kólmok quince litros ma'a apho nak hótáhap, cham'a nentaxnamakxa nak Samaria.’

2 Reyes 7:1 ပူးပေါင်းရင်းမြစ်များ

1 Reyes 22:19

Aptáhak axta Micaías: —Yeyxho sa' aptáhakxa appeywa Wesse' egegkok: Ekwet'ak xeyk Wesse' egegkok apha m'a néten aptaháno eyeymáxkoho, keñe han apchaqnáncha'a apyókxoho apkelásenneykha m'a nápakha, ekpayho nak apkelya'assamakxa', tén han ma'a ekpayho nak nepsagqalwa.

2 Reyes 20:16

Tén axta Isaías aptáha apcháneya Ezequías se'e: —Yeyxho sa' Wesse' egegkok appeywa:

2 Reyes 4:42

Keñe axta apwokmo xama énxet apkeñama m'a Baal-salisá apkelsókasakmo Eliseo veinte pán kaxwe apmakhetma apkelánamap nak apho hótáhap, tén han hótáhap apaktek kaxwe kélnakxo apxata m'a nahápa apagkok. Aptáhak axta Eliseo apcháneya m'a apkeláneykha: —Elmésák sa' énxet'ák yaqwayam etawagkok.

2 Reyes 6:25

Teyepmeyk axta meyk segaqhe m'a Samaria, hakte apwakhamákpók apagko' axta, meyke nentepakxa', ochenta sawok selyaqye aktek ekmope axta han weykmok ekyánmaga xama m'a yámelyeheykok apqátek, keñe axta cinco sawok selyaqye aktek élmope m'a un cuarto litro wáx'ay apteyáseykha.

2 Reyes 6:33

Neyseksa apkelpaqhetchesso axta apwa'a kélásenneykha m'a aphakxa nak Eliseo. Aptáhak axta apcháneya: —Wesse' egegkok keñamak senteméssesso negko'o s'e aqsok ekmaso nak, ¡kaqhok ko'o aleyxek elának mók aqsok ma'a!

2 Reyes 7:16

Yetlókok axta apkelánteyapma énxet'ák apkelwokmo aqsok ma'a apkelpakxeneykegkaxa axta m'a sirios. Temék axta m'a aptémakxa axta apxeyenma m'a Wesse' egegkok, xama selyaqye aktek ekmope axta tamhákxak ekyánmaga siete litros ma'a hótáhap; xama selyaqye aktek ekmope axta han tamhákxak ekyánmaga quince litros ma'a apho nak hótáhap.

Salmos 46:5

Aphegkek Dios xa kañe' nak, megyohók sa' katnégwomhok exma; Dios sa' nahan chá'a epasmok ma'a élsaka enxoho.

Éxodo 14:13

Aptáhak axta Moisés apchátegmowágkokxo énxet'ák se'e: —Nágkóle'. Kólxeg aqsa, kóllano m'a apmako nak elának sakhem Wesse' egegkok yaqwayam elwagkasek teyp, hakte megkólwetekxók sa' chá'a kéxegke egipcios s'e ektáhakxa nak kélwet'a sakhem.

Éxodo 16:12

—Eklegayók chá'a ko'o apkelpaqméteykha ekmaso sexeyenma m'a israelitas. Elpaqhetches sa' xép ma'a. Sa' etnehek elának se'e: ‘Taxnakmek sa' agkok, kóltawagkok sa' kéxegke m'a ápetek, tén sa' ma'a saka kóltawagkok ma'a kelpasmaga ekwokmoho kélyaqkanakmo. Tén sa' kólya'ásegwók ko'o sektáha Wesse' Dios kélagkok.’

Éxodo 8:23

Maxnésók sa' ko'o énxet'ák ahagkok ma'a yaqwánxa nak atnéssesek ma'a énxet'ák apagkok nak xép. Saka sa' eyke katnehek xa.

Isaías 1:10

Kélámha kélmonye'e nak Sodoma, kóleyxho Wesse' egegkok appeywa; énxet'ák Gomorra, kóltaqmelchesho kóleyxhok apmako nak elxekmósek ma'a Dios egagkok.

Ezequiel 37:4

Tén axta aptáha seyáneya Wesse' egegkok se'e: “Eltennés sa' yaqwánxa ko'o atnéssesek se'e kélexchakkok nak. Etne sa' elának se'e: ‘Kélexchakkok élyamaye, kóleyxho sa' se'e Wesse' egegkok appeywa nak.

Josué 3:5

Keñe axta Josué aptáha apkeláneya énxet'ák se'e: “Kólteme sa' eyáxñeyo kéltémakxa nápaqtók Dios, hakte saka sa' kólwetak elának aqsok sempelakkasso m'a Wesse' egegkok.”

1 Samuel 11:9

Keñe axta aptáha apkeláneya m'a ektáha axta apkelseykha amya'a, apkelwayam axta aphakxa': —Kóltennasák sa' apheykha nak Jabés, saka yetseksókhem sa' ólwagkassók teyp. Apkeltaqháwok axta makham ma'a ektáha axta apkelseykha amya'a, apkeltennássekxo m'a apheykha nak Jabés. Kelpayhékxók agko' axta apkelwáxok ma'a,

1 Samuel 15:1

Axta aptáhak makham Samuel apcháneya Saúl se'e: —Eyáphassegkek axta ko'o Wesse' egegkok yaqwayam apagkanek xép atnéssesek wesse' apwányam ma'a Israel, énxet'ák apagkok nak. Yeyxho sa' Wesse' egegkok appeywa apmako nak eltennaksek xép.