2 Reyes 6:8 - Biblia Enxet

⁸ Apkempakha'ak axta wesse' apwányam Siria m'a énxet'ák nak Israel, keñe axta apchánchesákxo sẽlpextétamo apkelwesse'e apagkok apkeltennasa yaqsa yókxexma elpakxenwók.

2 Reyes 6:8 ပူးပေါင်းရင်းမြစ်များ

1 Reyes 20:1

Apchánchesákxeyk axta apyókxoho sẽlpextétamo apagkok ma'a Ben-hadad, wesse' apwányam nak Siria, tén han treinta y dos kelwesse'e apkelwányam ektáha axta appasmo, yetlo apkelchánte yátnáxeg keñe han ma'a yátnáxeg apkelyenyawasso apkenchesso nak kempakhakma, keñe apmahágko m'a tegma apwányam Samaria, apwakhegwokmek axta, keñe apketámegko.

1 Reyes 20:23

Keñe axta aptáha apkelpaqmeta m'a sẽlpextétamo apkelwesse'e apagkok axta m'a wesse' apwányam Siria: —Neykhe aqsok apcháyókxa israelitas ma'a aqsok kéláyókxa ekhéyak nak néten meteymog élwenaqte; la'a maghawo nak. Nélnápexcheyk agkok ma'a ekpayhegweykenxa nak xapop mehenxoho'.

1 Reyes 20:34

Tén axta Ben-hadad aptáha apcháneya s'e: —Almeyásekxak sa' tegma apkelyawe, apkelyementama axta exchep táta m'a apyáp axta exchep; keñe sa' xeyep keytek apkelyánmagkásamákpexa m'a Damasco, ekhawo ektémakxa nak ko'o táta ekyetnama apkelyánmagkásamákpexa m'a Samaria. —Hoy, wohok sa' etaqhohok xeyep —axta aptáhak apchátegmowágko m'a Ahab. Cháxa apheyásawókxa axta han mók apkelpaqhetchásamákpoho Ahab ma'a Ben-hadad, keñe axta apcha'awo aptaqhákxo.

1 Reyes 22:1

Apqántánxo apyeyam axta temék melnápomap sirios ma'a israelitas.

1 Reyes 22:31

Apkeltamhók axta eyke wesse' apwányam Siria, mektamagkehek metnaha enxoho wesse' apwányam Israel ma'a treinta y dos sẽlpextétamo apkelámha apmonye'e apagkok, apkelchántamo axta chá'a yátnáxeg apkelyenyawasso apkenchesso kempakhakma.

2 Reyes 6:24

Apchánchesákxeyk axta apyókxoho sẽlpextétamo apagkok ma'a Ben-hadad, wesse' apwányam axta Siria natámen xa, apxegkek axta keñe apwakhegwokmo m'a Samaria yaqwayam ektamagkok.

2 Reyes 6:7

—Emekxa' —axta aptáhak apcháneya Eliseo. Apya'ássek axta apmek apmákxo póte m'a apxegexma.

2 Reyes 6:9

Keñe axta Eliseo apkeltamho kóltennássekxak ma'a wesse' apwányam nak Israel, apkeltamho memhagkehek ma'a yókxexma nak, hakte sirios axta peyk elmahagkok ma'a.

Proverbios 20:18

Katyapok chá'a yaqwánxa etnahagkok énxet'ák ektaqmela enxoho chá'a apkelpaqmeyesma; kóltaqmelcheshok chá'a kélláneykekxa kéltáhakxa peya enxoho kampakhaxche'.

Proverbios 21:30

Mékoho katnekxak nápaqto' Wesse' egegkok ma'a negya'áseykegkoho, tén han negmowána aqsok, keñe han ektaqmalma nak élchetámeykha egwáxok.

Isaías 8:10

Kéllánekxeyk sa' agkok chá'a yaqwánxa kóltéhek, kamassegwók sa' aqsa chá'a, kélxénchek sa' aqsok chá'a aqsok kélmámenyého, megkalanaxcheyk sa' chá'a, hakte apheyk negyeseksa negko'o m'a Dios.