2 Reyes 6:6 - Biblia Enxet

⁶ —¿Háxko ektéyámxa'? —axta aptáhak apkelmaxneyáncha'a m'a Dios appeywa aplegasso. Tén axta m'a apxegexma apxekmósa ekpayhókxa ektéyámxa m'a póte. Keñe axta Eliseo apyaqtenna xama yámet, apyenyókek axta neygmen keñe ekyephagwa'akto póte eksóncha'a takha' yegmen.

2 Reyes 6:6 ပူးပေါင်းရင်းမြစ်များ

2 Reyes 2:21

Keñe Eliseo apmaheykegko m'a ekteyapmakxa nak yegmen appalchesseykmo yásek ma'a, axta aptemék se'e: —Aptáhak Wesse' egegkok se'e: ‘Ektaqmelchásekxeyk ko'o kaxwók se'e yegmen nak, kamaskok sa' kaxwók élnapa énxet, kamaskok sa' nahan élnapa m'a aqsok kélcheneykekxa.’

2 Reyes 4:41

Keñe axta aptáha Eliseo s'e: —Hélsantagkas sa' hótáhap. Xama axta apxatma hótáhap ma'a weygke, keñe aptáha s'e: —¡Kólyekwésák sa' kaxwók énxet'ák! Aptókagkek axta han ma'a, massék axta ekyepetcha'a pánaqte m'a kélhanma nak.

2 Reyes 6:5

Xama axta apyaqnegkesa xama yámet ma'a, keñe eknextegawo póte apagkok ektégwokmo neygmen. Tén axta apkelpáxameyncha'a: —¡Hay, sẽlxekmósso! ¡Sekmeykha naqsa exchek ko'o xa póte nak!

2 Reyes 6:7

—Emekxa' —axta aptáhak apcháneya Eliseo. Apya'ássek axta apmek apmákxo póte m'a apxegexma.

Éxodo 15:25

Tén axta Moisés apkelmaxneya m'a Wesse' egegkok apkeltamho epasmok, apxekmóssek axta nahan énmakxa xama yámet étkok. Apyenyókek axta neygmen Moisés ma'a yámet étkok nak, keñe axta eyátsékxo m'a yegmen nak. Cháxa apkelyepkeynakxa axta nahan sekxók Wesse' egegkok israelitas ma'a, apméssek axta nahan xama segánamakxa tén han xama sempékessáseyak nak ektémakxa nenxega.